مه‌رجێن پارتی ژ بۆ دانان پارێزگارێ که‌رکووکێ

شه‌خاوان ئه‌بدولا مه‌رجێن پارتی ژ بۆ دانان پارێزگارێ که‌رکووکێ ئاشکه‌ره‌ دکه‌

جیگرێ سه‌رۆکێ پەرلەمه‌نتۆیا ئیراقێ دبێژه‌ د داخویانیەکێ دا شەرتێن پارتیا ده‌مۆکراتا کوردستانێ (پدک) ئاشکەرا دکە و دبێژە کو پارتی  دخوازه‌ حکومه‌تا خوه‌جهی یا که‌رکووکێ ژ خه‌لکێ وێ به‌، بێیی کو فه‌رقا نه‌ته‌وه‌یا وان هه‌به‌، ب شه‌رتێ کو ته‌کنۆکرات به‌ و ب ئاوایه‌کی پرۆفه‌سیۆنه‌ل و وه‌کهه‌ڤ ب هه‌موو پێکهاته‌یێن باژێر را ته‌ڤبگه‌ره‌. .

جیگرێ سه‌رۆکێ پەرلەمه‌نتۆیا ئیراقێ، شاخه‌وان ئه‌بدولا، د بەردەوامیا داخویانیا خوە دا دئیار دکە کو  پارتییا ده‌مۆکراتا کوردستانێ (پدک) دخوازه‌ کەسەک ببە پاێزگار[ە کەرکووکێ کو پشتگریا به‌رژه‌وه‌ندیێن هه‌موو پێکهاته‌یێن باژێر، بێ فەرق و جوداهی،  بکه‌. ل گۆر شاخەوان ئەبدولا ژ بۆ پارتییێ نەگەلەک گرنگە پارێزگار ژ چ نەتەوە و پێکهاتەیێ بە، یا گرنگ ئەوە کو، ژ کەرکووکێ بە و بێ جوداهی خزمەتا هەموو پێکهاتەیان بکە. 

جیگرێ سه‌رۆکێ پەرلەمه‌نتۆیا ئیراقێ دبێژە: “ئه‌م ب چو که‌سی ژ ده‌رڤه‌یی باژێر رازی نابن کو پۆستێن باژێر وەربگرن و به‌رپرسێ خه‌لکێ باژێر بن، هه‌تا د ده‌زگه‌هه‌ک بچووک ژی دا بە”.