ل گۆر نووچەیەکا مالپه‌را ئەلمۆنیتۆرێ، دێ فه‌رماندارێ گشتی یێ هەسەدێ مه‌زلووم عه‌بدی سەردانا هه‌ولێرێ بکە و دێ ب سه‌رۆک مه‌سعود بارزانی را بجڤه.
مالپه‌را ئەلمۆنیتۆر کو، ناڤه‌ندا وێ ل بریتانیایێ یه، ژ چەند چاڤکانیان ڕاگەهاند کو د دەمەکە نێزیک دا فه‌رماندارێ گشتی یێ هێزێن سووریه‌یا ده‌مۆکراتیک (هەسەدە) مه‌زلووم عه‌بدی سەردانا هه‌ولێرێ بکە و ل پیرمامێ ب سه‌رۆک مه‌سعود بارزانی را بجڤه.
چاڤکانیێن کو ژ ئەلمۆنیتۆرێ را ئاخڤینە سه‌ردانا مه‌زلووم عه‌بدی بۆ هه‌ولێرێ و هه‌ڤدیتنا وی یا ب سه‌رۆک بارزانی را ئاشکه‌ره نه‌کرنە لێ وان چاڤکانیان ژ مالپەرێ را گۆتنە کو سەردان دێ د ڤێ مەهێ دا ببە.
ل گۆر ئەلمۆنیتۆرێ دەما نوونه‌رێ سه‌رۆک بارزانی یێ ڕۆژاڤایێ کوردستانێ د. حه‌مید ده‌ربه‌ندی سەردانا رۆژاڤایێ کوردستانێ کری و هه‌ڤدیتن ب مه‌زلووم عه‌بدی را ئەنجامدایی، ڤه‌خوه‌ندنا فه‌رمی یا سه‌رۆک بارزانی تەسلیمی فه‌رماندارێ گشتی یێ هەسەدێ کریە.
