سه‌رۆک بارزانی ب مناسبه‌تا ۷۹ سالییا دامه‌زراندنا پارتییا دەمۆکراتا کوردستانێ په‌یامه‌ک ڕاگەهاند. بارزانی د په‌یاما خوە دا دبێژه: پەدەکە پارتییا دۆز و نرخێن بلند یێن گه‌لێ کورده، و پەدەکە پارتییا ڕێیا بارزانی یێ نه‌مر و هێڤیا گه‌لێ کورده…
په‌یاما سه‌رۆک بارزانی:
ب بۆنه‌یا ۷۹ئه‌مین سالڤه‌گه‌را دامه‌زراندنا پارتییا ده‌مۆکراتا کوردستانێ (پەدەکە)، ئه‌ز ب گه‌رمی پیرۆزباهیێ ل هه‌موو کادرۆ، ئه‌ندام، جەماوەرێ گشتی و ئالیگرێن وێ دکم. ئه‌ز پیرۆزباهیێ ل مالباتێن سه‌ربلند یێن شه‌هیدان، پێشمه‌رگه یێن قه‌هره‌مان و هه‌موو چین و جڤاکێن کوردستانێ دکم و ژ وان را ئاشتی و سه‌رفرازیێ دخوازم.
دامه‌زراندنا پەدەکێ د ۱٦ێ ته‌باخا ۱۹٤٦ئان دا ژ بۆ به‌رده‌وامیا تێکۆشینا گه‌لێ کورد ل دژی کۆمپلۆیا داگرکه‌رێن کو هه‌ول دان ئیراده‌یا گه‌لێ کورد بشکینن و تێکۆشینا گه‌لێ کورد بێده‌نگ بکن، پێویستیه‌ک دیرۆکی بوو. ژ دامه‌زراندنا خوه ڤه، پەدەکە ئامووره‌ک ژ بۆ پاراستنا ماف، پێناسه و هه‌بوونا گه‌لێ کورد بوویه و د هه‌مان ده‌مێ ده ئامووره‌ک ژ بۆ بده‌ستخستنا ئارمانجێن ده‌مۆکراتیک، نه‌ته‌وه‌یی و ئه‌تنیکی یێن گه‌لێ کورد بوویه.
ب بۆنه‌یا ۱٦ێ ته‌باخێ و دامه‌زراندنا پارتییا ده‌مۆکراتا کوردستانێ، ئه‌م ته‌که‌ز دکن کو پەدەکە په‌یاما ئاشتیێ، کوورکرنا جانێ لێبوونێ، براتیێ و ژیانا هه‌ڤبه‌ش د هه‌موو قۆناغان دا هلگرتیه.
په‌یاما من ژ بۆ گرسه‌یا گشتی، ئالیگر و ئه‌ندامێن پەدەکێ ئه‌و ئه کو پەدەکە پارتییا دۆز و نرخێن بلند یێن گه‌لێ کورده، و پەدەکە پارتییا ڕێیا بارزانی یێ نه‌مر و هێڤیا گه‌لێ کورده. ژ به‌ر ڤێ یه‌کێ، دڤێ هه‌موو ئه‌ندامێن پەدەکێ د ئاستا مه‌زنبوونا دیرۆکا پارتییا خوه و خوینا شه‌هیدان دا بن و دڤێ ئه‌رکێ خوه ب ئاوایێ هه‌ری باش بجی بینن، کو ئه‌و ژی خزمه‌تکرن، گه‌شبوون و ئارامیا کوردستانێ یه.
ئه‌ز بانگ ل هه‌موو ئه‌ندامێن پەدەکێ دکم کو خوه‌دی ئیراده‌یه‌ک و هێڤیه‌ک خورت بن ژ به‌ر کو ئه‌گه‌ر پەدەکە بهێز به، کوردستان ژی بهێزه.
مه‌سعود بارزانی
۱٦ێ ته‌باخێ ٢٠٢٥
