مه‌جلیسا سووریا ده‌مۆکراتیک (مەسەدە) ل سەر رەوشا بوویه‌رێن داوی یێن ل سووریێ داخویانیه‌ک دا.
د داخویانیێ دا توندووتووژیا ل سووریێ شه‌رمه‌زار دکە و ته‌که‌ز دکە کو ژ بۆ کۆمێن چەکدار یێن هه‌یئه‌ت ته‌حریر شام گه‌له‌کی مه‌ترسیدارن کو باژارێ حه‌له‌بێ و گونده‌وارێن حه‌مایێ بێ کو ڕووبروویێ به‌رخوه‌دانێ ببن کۆنترۆل کرن.
مەسەدە د داخویانیێ دا بانگ ل جڤاکا ناڤده‌وله‌تی دکە کو فشارێ ل هه‌موو ئالیێن چالاک ل سووریێ بکه، ژ بۆ ڕاوه‌ستاندنا شه‌ر و ده‌ستپێکرنا پرۆسه‌یه‌کا سیاسی کو هه‌موو ئالیێن سووریێ تێ دا به‌شدار ببن.
مەسەدە ترکیێ ژ شه‌ر و په‌ڤچوونێن ل باکور-رۆژاڤایێ سووریێ به‌رپرسیار دبینه، بانگ ل نه‌ته‌وه‌یێن یه‌کبوویی و کۆنسه‌یا ئه‌وله‌کاریێ دکە کو د ده‌ربارێ ڕه‌وشا کۆچبه‌رێن هه‌رێما شه‌هبایێ دا ده‌ستوه‌ردانا له‌زگین بکن و سڤیلان ژ سووجێن شه‌ر، قرکرن و کۆچبه‌ریا ب دارێ زۆرێ بپارێزن.
د به‌رده‌وامیا داخویانیێ دا بالێ دکشینە سەر مه‌ترسیا ئیستفاده‌کرنا چه‌ته‌یێن داعشێ ژ ڕه‌وشا هه‌یه و بانگ ل کۆئالیسیۆنا ناڤده‌وله‌تی دکە کو د ڤێ چارچۆڤه‌یێ دا پشتگریێ بده هێزێن سووریا ده‌مۆکراتیک (حەسەدە).
د داخویانیێ ده هه‌ر وها بال هات کشاندن سه‌ر گرینگیا ڕۆلا ڕووسیایێ د چاره‌سه‌رکرنا کریزێ ده.
مەسەدە دیار کر کو ئه‌و ژ بۆ دیالۆگا ب ترکیێ را ئاماده نه و دبێژە:
شه‌ر و ناکۆکیێن د ناڤبه‌را ئالیێن سووریێ دا ته‌نێ خزمه‌تا به‌رژه‌وه‌ندیێن دژمنێن گه‌لێ سووریێ دکه و ئازارا سڤیلان زێده‌تر دکه. ژ بۆ ڤێ ژی دڤێ دیالۆگ پێش بکه‌ڤه.
کورد، نه‌ته‌و و ئۆلێن دن به‌شه‌ک گرنگ یێن دیرۆک و ئه‌ردنیگاریا سووریێ نه، له‌وما دڤێ هه‌موو بنپێکرنێن ل دژی پێکهاته‌یێن سووریێ بێن ڕاوه‌ستاندن.
“کریزا سووریێ ته‌نێ ب ڕێبازێن سیاسی و دووری ده‌ستوه‌ردانێن ده‌رڤه دکاره وه‌ره چاره‌سه‌رکرن.”
مەسەدە د داویا داخویانیا خوه دا هه‌لوه‌ستا خوه یا ل سه‌ر پاراستنا یه‌کپارچه‌ییا خاکا سووریێ و ئاماده‌بوونا خوه یا ژ بۆ دیالۆگێ ب هه‌موو ئالیێن سووریێ را پشتراست کر و داخوازا جیبجیکرنا بریارا ۲۲٥٤ یا نه‌ته‌وه‌یێن یه‌کبوویی کر.
