پشتی ھاتیە راگەھاندن كو ئەمریكا و تركیێ ل سەر ئاڤاكرنا ھەرێما ئارام ل سوریێ و رۆژاڤایێ كوردستانێ ل ھەڤ كر، ئێدی دەست ب نرخاندن و شرۆڤەكرنا وێ رێكەفتنێ ھات كرن.
ل سوریێ نرخاندنێن جودا ل سه‌ر هه‌ڤهاتنا ئەمریکا و ترکیێ تێنه کرن، مالپه‌ره‌ک ب ناڤێ “مانبژ“ به‌حسا ناڤه‌رۆکا هه‌ڤهاتنا ترکیێ و ئەمریکایێ د ده‌ربارێ هه‌رێما ئارام دا دکه.
ل گۆر نووچه‌یا وێ ماپەرێ ترکیا و ئەمریکا دئ وارێ پێكئانینا ھەرێما ئارام دا ل سەر وێ خالان لھەڤھاتنە:
یه‌ک: ژ سنۆرێ ترکیێ هه‌تا پرا سلتان سلێمان و هه‌تا دگهە قه‌برێ سولتان سلێمان دکه‌ڤە د ناڤ هه‌رێما ئارام دا. هه‌روه‌ها باژارۆکێ سرین كارگەھا چیمه‌نتۆیێ یا لافه‌رگه ژی دکه‌ڤه د ناڤا هه‌رێمێ دا و ئه‌ڤ ده‌ڤه‌ر دبه قاده‌ک یا هه‌ڤدیتنا هێزێن ئه‌مرکا و ترکیێ.
دو: سنۆرێ ترکیێ یێ عین عیسسا ژ د ناڤا هه‌رێما ئارام دا یه. یانی خه‌تا هه‌رهێما ئارام هه‌تا سنۆرێ باژارێ عین عیسسایه.
سێ: وه‌کی دن ژ سنۆرێ ترکیێ 12 کلۆمه‌ترا کووراهیێ دا، ڕمێلان دبه ناوه‌نده‌ک یا هێزێن ترکیێ و ئه‌مریکایێ. هه‌روه‌ها دربێسپیێ، ئامودێ و قامیشلۆ ژی د ناڤا هه‌رێمێ دا یه و ده‌ڤه‌ر دکه‌ڤه د بن ده‌ستهلاتیا ئه‌مریکا، ترکیێ و خه‌لکێ ده‌ڤه‌رێ ب خوه دا.
باژارێ منبجێ ب دەستەیەك سڤیل دێ بێ ئیداره‌کرن و ده‌ستهلاتا منبج یا سڤیل، له‌شکه‌ری و پۆلس ژی دکه‌ڤن د بن باندۆرا ترکیێ دا. دێ ھەسەدە هه‌موو ژ ده‌ڤه‌رێ ده‌رکه‌ڤن و بەنداڤا تشرین دبه ناوه‌نده‌ک یا هێزێن ترکیێ و ئه‌مریکایێ.
