ئێڤارا رۆژا دوشهمێ ۲۰۲٦/۳/۳۰، ڕهجهپ تەیپ ئهردۆگان، سهرکۆمارێ ترکیهیێ تەلەفۆنا نێچیرڤان بارزانی، سهرۆکێ ههرێما کوردستانێ، كر.
د وێ پهیوهندییێ دا، سهرۆک ئهردۆگان ههڤسۆزیا خوه پێشکێشی سهرۆک نێچیرڤان بارزانی و مالباتێن وان پێشمهرگهیێن قههرهمان کر یێن کو د ئێریشێن داوی یێن سهر ههرێما کوردستانێ دا شههید و بریندار ببوون، ههروها ب توندی ئهو ئێریشا درۆنی یا سهر مالا نێچیرڤان بارزانی ل دوهۆکێ شەرمەزار کر.
سهرۆک ئهردۆگان تهکهز کر کو وهلاتێ وی ب گرینگیهکا مهزن ل ئارامی و تهناهیا ئیراق و ههرێما کوردستانێ دنێره و ههرتم پشتهڤانیا ئارامیێ و پاراستنا تهناهیا ل ناڤچهیێ دکه.
ژ ئالیێ خوه ڤه، سهرۆک نێچیرڤان بارزانی سپاسیا پهیوهندیا سهرۆک ئهردۆگان و ههلوهستا دۆستانه یا ترکیهیێ ژ بۆ ههرێما کوردستانێ و ئیراقێ کر، ههروها تهکهز کر کو ههرێما کوردستانێ وهک ههرتم فاکتهرا ئارامیێ یه و چو جاران نابه بهشهک ژ شهر و ئالۆزیان.
پێشهاتێن ههری داوی یێن شهر و باندۆرا وان ل سهر ناڤچهیێ و جیهانێ، بهشهک دن یێ پهیوهندیا تهلهفۆنی بوو؛ تێ دا ههردو ئالییان تهکهز ل سهر گرینگیا ههولێن دیپلۆماتیک ژ بۆ ڕاوهستاندنا شهر و چارهسهریا ئاشتییانه یا ناکۆکیان کرن.
