ناڤەرۆكا پەیوەندیا تەلەفۆنیا بارزانی و پۆمپیۆ

مایک پۆمپیۆ وه‌زیرێ ده‌رڤه‌ یێ ئەمریکایێ ته‌له‌فۆنا نێچیرڤان بارزانی سه‌رۆک وه‌زیرێ کوردستان دکه‌ و پێ ره‌ پێشهاتێن داویێ یێن پرۆسه‌سا سیاسی ل ئیراقێ دنرخینه‌.ئێڤاریا رۆژا ۲۲.۰۹.۲۰۱۸ێ کو نێچیرڤان بارزانی سه‌رۆک وه‌زیرێ کوردستانێ ل به‌غدایێ بوو، مایك پۆمپیۆ وه‌زیرێ ده‌رڤه‌ یێ ئەمریکایێ ته‌له‌فۆنا وی کر و هه‌ر دو ئالیان پێشهاتێن داویێ یێن ره‌وشا سیاسی و پاشه‌رۆژا پرۆسه‌سا سیاسی ل ئیراقێ گۆتووبێژ کرن و رۆناهی خسته‌ سه‌ر هلبژارتنا ده‌سته‌یا سه‌رۆکاتیا پارلامه‌نتۆیا عیراقێ و هه‌ولێن ژ بۆنا هلبژارتنا سه‌رۆکاتیا کۆمار و کابینه‌یا نوو یا حکوومه‌تا بێ یا عیراقێ کرن. بارزانی و پۆمپیۆئه‌ د په‌یوه‌ندیا ته‌له‌فۆنی ده‌ ته‌کید ل سه‌ر چرکرنا هه‌ولان ژ بۆنا سه‌رخستن و پێشده‌برنا پرۆسه‌سا سیاسی ل عیراقێ کر و هێڤی کرن کو قۆناغا بێ یا ئیراقێ قۆناغا ئارامیا سیاسی و ئه‌منی به‌ و حکوومه‌ت و ده‌ستهلاتا بێ یا عیراقێ ره‌نگڤه‌دانا خوه‌سته‌ک و مافێن هه‌موو پێکهاته‌یێن ئیراقێ به‌. مایك پۆمپیۆ وه‌زیرێ ده‌رڤه‌ یێ ئەمریکایێ به‌حسا گرنگیا رۆلا ئاکتیڤ و به‌ر ب چاڤ یا هه‌رێما کوردستانێ د به‌شداریکرن د پرۆسه‌سا سیاسی ل عیراقێ و پێکانینا هه‌ر سێ سه‌رۆکاتیان ل وه‌لات کر.نرخاندنا تێکه‌لیێن ناڤبه‌را هه‌رێما کوردستان و ئەمریکایێ، پێشهاتێن داویێ یێن ڕۆژه‌ڤا عیراقێ و هه‌رێمی ب گشتی مژارێن دن یێن په‌یوه‌ندیا ته‌له‌فۆنیا ناڤبه‌را سه‌رۆکوه‌زیرێ کوردستانێ و وه‌زیرێ ده‌رڤه‌ یێ ئەمریکایێ بوون.