کۆنفهرانسا ئهولههیێ یا میۆنشن یا ل ئالمانیایێ ب بهشداریا ٥۰ سهرۆک و سهرۆکوهزیر و بهرپرسێن ۱٥۰ وهلاتان ل رۆژێن ١٣ هەیا ١٥ێ ڤێ مەهێ دهست پێ دکه.
سهرۆکێ ههرێما کوردستانێ نێچیرڤان بارزانی ژی د ناڤ بهشداران دا یه. بریاره نێچیرڤان بارزانی د سێ ڕۆژێن کۆنفهرانسێ دا ب گهلهک بهرپرسێن جیهانێ را بجڤه. ئهو دێ ل سهر مژارێن گهرم و پێگهها کوردستانێ یا د پاراستنا ئاشتیا جیهانی دا هۆتوبێژان بکه.
بهردهڤکێ سهرۆکاتییا ههرێما کوردستانێ دلشاد شههاب دیار کر کو ئهڤ جارا ههفتهمینه کو سهرۆکێ ههرێمێ بهشداری ڤێ کۆنفهرانسێ دبه و گۆت: ئهڤ ئامادهبوون د دهمهکێ دا یه کو مژارا ئهولههیێ پرسگرێکا ههری مهزن ل پێشیا جیهانێ یه.”
دلشاد شههاب بال کشاند سهر ڕهوشا ههرێمێ و گۆت کو: ڕۆژهلاتا ناڤین د ناڤ پرسگرێکێن مهزن ڕه دهرباس دبه. مهترسیا شهرهکی مهزن ههیه. گوههرینێن مهزن چێدبن و گهفا تهرۆرێ بەردەوامە. ئیراق ب خوه د ڕهوشهکا گهلهکی ههستیار دا یه و ل پێشیا وێ گهلهک ئاستهنگی ههنه. بهشداریا نێچیرڤان بارزانی چهند واتهیێن گرینگ دحهوینه.”
شههاب ههر وها ئاشکهره کر کو ئیسال مژارهکا نوو ههیه کو ئهو ژی ڤهگوهاستنا ب ههزاران گرتیێن داعشێ ژ سووریێ بهر ب ئیراقێ ڤه یه.
وهکی ههر سال، سهرۆکوهزیرێ ئالمانیایێ ب گۆتارهکێ دهربارێ مهترسیێن ئهولههیێ یێن ل سهر ئهورۆپا و جیهانێ، دهریێ کۆنفهرانسێ ڤهدکه.
