ل گۆر هندەک چاڤکانییان، لەشکەرێ ترک رۆژا ١٨\٤\٢٠٢٥ێ ل باشوورێ کوردستانێ، ل وان دەڤەرێن چەکدارێن پەکەکێ لێ هه‌نه، ب تایبەتی ل پارێزگەها سلێمانیێ و ل چیایێ ئاسۆس ب هه‌لیکۆپته‌ران به‌لاڤۆک بەردانە خوارێ و داخوازێ ژ چەکدارێن پەکەکێ دکن کو خوە ته‌سلیمی عەدالەتا حکومەتا ترکیێ بکن.
ئەو بەلاڤۆک ب کورمانجی و حەرفێن لاتینی هاتیە نڤیسین کو ناڤەرۆکا وێ بەلاڤۆکێ ب ڤی ئاوایێ ل ژێرە:
ئەبدولا ئۆجەلان بانگ کر کو رێخسن خوە فەسخ (هیلوەشینە) چەکان دەینە. وەرن گوه بدن ڤێ بانگێ.
بنێرن هەڤالێن وە یێن تەسلیم بوونە چ دبێژین:
- ئەز دەلال، من دەڤ ژ تە بەردا، ئەز تەسلیم بووم، دەولەتێ ئەز پاراستم، هەموو تەلەڤزیۆن دبێژن ئەبدولا ئۆجەلان پەکەکە پێویستە خوە فەسخ بکە، ئەز ل ور فێم بووم. وەرن ژ شکەفتا دەرکەڤن، ئەم ل بەندا وەنە.
- ئەز جیهات، ژ مە را نەگۆتن کو لەشکەرێن ترک ئەو قاس باشن. ئەز رەحەتم خوارنێن گەرم دانە مە پر باش ل مە خوەدی دەرکەتن، پشتی چەن سالان دەستوور دان کو ئەز ب مالباتا خوە را هەڤدیتن بکم.
- ئەز دەڤریم سەرهات، رەوشا من نها پر باشە، ژ بەر نەرەحەتیا لنگێ من تەداوی دبم، هوون ژی تەسلیم ببن و ژ بۆ ژیانا ئازاد گاڤ پاڤێژن.
- ئەز شەڤگەر، ل پردۆگان بوم، تەسلیم بووم، هەموو خوەستکێن من ب جی ئانین.
* وەرن ڤێ فرسەندێ ژ دەست نەدن، خوە ل بەر تولەرانسا (لێبۆرینا) مەزن ئا دەولەتێ بهێلە، ل مە باوەر بکە، حەقێ تەیە تو وەک مرۆڤ بژی.
*ژ شکەفتان دەرکەڤن، قوماش بهەژینن، ئەم ئێ رێبەریا تە بکن،
*بەری کو پر درەنگ نەبە، هلبژێرن کو ب حەزکرێن خوە را د ئاشتیێ دا بژین.
