سەرۆکێ هەرێما کەردستانێ و سەرۆککۆمارێ ترکیێ رەوشا دەڤەرێ گۆتوبێژ دکن
نێچیرڤان بارزانی سەرۆکێ هەرێما کوردستانێ، رۆژا شەمیێ 2022.03.12ێ، د چارچۆڤەیا کۆربەندا دپلۆماسی ل ئەنتالیایێ دگەل رەجەب تەیب ئەردۆگان سەرۆککۆمارێ ترکیێ جڤیا.
د جڤینێ دا هەر دو ئالیان بەحسا دەرفەت و چەوانیا پێشخستنا تێکەلیێن ترکیێ دگەل ئیراق و هەرێما کوردستانێ و بەرفرەهکرنا وان تێکەلیان د وارێ ئالیکاریێن هەڤبەش و زێدەر پێسخستنا بزاڤا بازرگانی و ئابۆری کر.
رەوشا ئیراق و گەفێن پێشیا پرۆسەسا سیاسی ل ئیراقێ مژارەک دن یا جڤینا سەرۆک بارزانی و سەرۆککۆمار ئەردۆگان بوو کو، تێدا هەر دو ئالی هەڤهزر بوون ل سەر گرنگیا گەهشتنا هێز و ئالیێن ئیراقی ب لهەڤتێگەهشتنەکا هەڤبەش و دەرباس بوون ژ خەتمینا سیاسی و پێکانینا حکومەتا نوو یا ئیراقا فەدەرال کو رەگڤەدانا داخوازێن هەموو پێکهاتەیان بە.
دەربارێ تێکەلی و پرسگرێکێن هەولێر و بەغدایێ ژی، سەرۆک نێچیرڤان بارزانی جارەکا دن تەئکید ل سەر خوەستەکا هەرێما کوردستانێ ژ بۆ چارەسەرکرنا یەکجاری یا هەموو پرسگرێکێان ب رێیا دیالۆگێ ل سەر بنگەهێ دەستوورا ئیراقی کر.
هەر دو ئالیان پێشهاتێن داویێ یێن هەرێمی ب گشتی، شەرێ دژی تەرۆرێ و مەترسیێن ئەمنی گۆتوبێژ کرن و ل سەر گرنگیا کارکرن و خەباتێن پرئالی و ناڤدەولەتی ژ بۆ پاراستنا ئارامی و تەناهیێ هەڤبیر بوون،
