ناڤەرۆکا لهەڤهاتنێ
ڕیڤه‌به‌ریا خوه‌سه‌ر ل رۆژاڤایێ کوردستانێ د گه‌ل رژێما سوریێ ل هه‌ڤکر. ل گۆر وێ لهەڤکرکنێ هەسەدە دێ دەڤەرێن د بن ده‌ستێ خوه دا ڕاده‌ستی لەشکەرێ سوریێ بکە و ل سه‌رانسه‌ری سنۆر هێزێن رژێمێ ب جه دبن.
ل گۆر ئاگاهداریا شه‌ڤێدی ه هێزێن رژێما سوریێ د ناڤا حەسه‌کێ و قامشلۆ دا به‌لاڤ بوونه. ل پرانیا دەڤەران هێزێن هەسەدێ جل و به‌رگێن هێزێن چه‌کدارێن رژێمێ ل خوه کرنه و ئەو که‌تنە د بن فه‌رمانا بەرپرسێن لوشکەریێن رژێما بەشار ئەسەد دا.
ل گۆر به‌رپرسێن هەسەدێ لهه‌ڤهاتنا وان د گه‌ل رژێما سوەریێ ب ته‌نێ د وارێ له‌شکه‌ری دا یه.
ڕیکه‌فتنا هەسەدێ و ئارتێشا سوریێ:
- ئارتێشا سوریێ دێ ب درێژاهیا سینۆرێ ڕۆژاڤا و سووریێ بەلاڤ ببە.
- ئارتێشا سوریێ دێ بکه‌ڤه ناڤه‌ندا باژارێن منبج و کۆبانێ.
- ئارتێشا سوریێ دێ بکه‌ڤه ته‌بقا، به‌ندا فراتێ ل ڕه‌ققایێ و مه‌نسووره‌یێ.
- رافینه‌ریا په‌ترۆلێ یا ل دێرێ زۆرێ دێ ڕاده‌ستی ئارتێشا سوریێ بێ کرن.
- هه‌روها هاتیه گۆتن کو ئارتێشا سوریێ ڕۆژا دوشه‌مێ دێ بکەڤە ناڤا باژارێ قامشلۆ.
ڕێڤه‌به‌ریا خوه‌سه‌ر داخویانیه‌ک به‌لاڤ کر و دبیژه: “ئه‌م د گه‌ل حکومه‌تا سوریێ گهشتن ڕێکه‌فتنێ ژ بۆ کو ئارتێشا سوریێ ب درێژاهیا سینۆرێ سووریێ و ترکیێ بەلاڤ ببه. ژ بۆ کو هه‌ڤکاریا هێزێن سووریا ده‌مۆکرات بکه بۆ ڕووبرووبوونا ل هه‌مبه‌ر وێ ئێرشێ و ژ بۆ ڕزگارکرنا وان ناڤچه‌یێن کو ئارتێشا ترکیێ و کرێگرتیان وان کۆنترۆل کرنه.”
ل ئالیێ دن تێ گۆتن کو ڕووسیا ل سه‌ر داخوازا هەسەدێ ڕازی بوویه کو ناڤچه‌یا دژه‌فرینێ بێ ڕاگهاندن و هه‌روها هاتیه گۆتن کو بالافرێن ڕووسی ل سه‌ر هه‌رێمێ گه‌ریانه بۆ ڕێگریا فرۆکه‌یێن ترکیێ.
