سه‌رۆکێ هه‌رێما کوردستانێ نێچیرڤان بارزان دوهی شه‌ڤ (سێشه‌م، ۲۱ێ جۆتمه‌ها ۲۰۲٥ئان) نامه‌یه‌ک ژ سه‌رۆکێ ده‌وله‌تێن یه‌کبوویی یێن ئامه‌ریکایێ دۆنالد ترەمپ وه‌رگرت.
دۆنالد ترەمپ، د نامەیا خوە دا، سپاسیا سه‌رۆک نێچیرڤان بارزان کر ژ بۆ پشتگریا وی یا ژ بۆ هه‌ولدانێن وی یێن ژ بۆ ئاشتیێ و گرینگیا بداویئانینا ناکۆکی و په‌ڤچوونێن ل ڕۆژهلاتا ناڤین ته‌که‌ز کر.
د نامه‌یا خوه یا ژ بۆ سه‌رۆک نێچیرڤان بارزان دا، سه‌رۆک ترەمپ ژ نوو ڤه پشتراست کر کو وه‌لاتێن جیهانێ دکارن ژ په‌ڤچوونێن که‌ڤن ده‌رباس ببن و به‌ر ب پاشه‌رۆژه‌ک هه‌ڤپار یا ئاشتییێ، سەرکەفتن و پێشڤه‌چوونێ گاڤان پاڤێژن.
هەر د ڤێ دەربارێ دا، پێداگیرییا خوە و یا ڕێڤه‌به‌ریا خوە یا ژ بۆ ئاڤاکرنا ئاشتیه‌ک مایینده، ژهۆلێراکرنا په‌ڤچوونێن ل ڕۆژهلاتا ناڤین و بداویئانینا شه‌ر و کوشتنان ل هه‌رێم و جیهانێ نیشان دا.
سه‌رۆک ترەمپ دا داویا نامه‌یا خوه دا هێڤیا سه‌رکه‌فتنێ ژ سه‌رۆک نێچیرڤان بارزانی و مالباتا وی را ب دخوازە..
