ژ به‌ر زرت و گه‌فێن رووسیایێ، ده‌ستهلاتداریا سوێدێ دخوازه رۆژه‌ک به‌ری رۆژه‌کێ ببه ئه‌نداما ناتۆیێ دا کو ل هه‌مبه‌ر رووسیایێ ب ته‌نێ نه‌مینه. به‌ری کو سوێد ببه ئه‌نداما ناتۆیێ، تێکلی و هه‌ڤکاریا خوه و ئەمریکایێ خورتتر دکه و ئاسایێشا خوە دپارێزە.
وه‌زیرێ بەرەڤانیێ یێ ئەمریکایێ لۆید ئاوستن و وه‌زیرێ بەرەڤانیێ یێ سوێدێ پال ژۆنسۆن ل واشنگتۆنا پایته‌ختێ ئەمریکایێ په‌یمانا هه‌ڤکاریا لەشکەری ئیمزا کرن.
ل گۆر داخویانیا نڤیسکی یا وه‌زاره‌تا بەرەڤانیێ یا ئەمریکایێ (په‌نتاگۆن) ئاوستن و ژۆنسۆن ل په‌نتاگۆنێ جڤیان و ل سه‌ر مژارێن ئه‌وله‌هی و بەرەڤانیێ ل هەڤ کرن.
ب ئیمزاکرنا یه‌که‌مین په‌یمانا هه‌ڤکاریا پاربەرەڤانیێ یا د ناڤبه‌را ئەمریکایێ و سوێدێ دا، هه‌ر دو وه‌زیر ل سه‌ر خورتکرن و به‌رفره‌هکرنا هه‌ڤکاریا خه‌باتا د ناڤبه‌را سوێد و ده‌وله‌تێن یه‌کبوویی یێن ئەمریکایێ دا ل هه‌ڤ کرن. وه‌زیرێ ئەمریکایێ پشتگریا خوه ژ بۆ پێڤاژۆیا ئه‌ندامتیا سوێدێ یا ناتۆیێ دوباره کر.
چەند خالێن په‌یمانا له‌شکه‌ری یا د ناڤبه‌را سوێد و ئەمریکایێ دا
– سوێد و ئەمریکا په‌یمانه‌کا به‌ره‌ڤانیا له‌شکه‌ری ئیمزا کرن کو رێ دده ئامه‌ر ئەمریکایێیکا چه‌ک و ئالاڤێن له‌شکه‌ری ل هندەک باره‌گه‌هێن له‌شکه‌ری یێن سوێدێ بجهبکە. ژ جل و به‌رگان بگره هه‌تا ته‌قه‌مه‌نیان و هه‌تا چه‌کێن پێشکه‌تی ژی. ده‌ربارێ نه‌لرێتیێ و قه‌ده‌خه‌کرنێ ده ت به‌هس نه‌هاتیه کرن.
– دبه کو ئه‌ڤ چه‌ک و ئالاڤێن لەشکەری ل سوێدێ بهێن بکارئانین ئان ژی ژ سوێدێ ژ بۆ جهێن دن ئێن کو پێویست به بهێن شاندن.
– ل گۆر ڤێ په‌یمانێ چو باره‌گه‌هێن نوو ژ ئەمریکایێ را ناهێن چێکرن، لێ ئه‌و باره‌گه‌هێن کو نها سوێدێ هه‌نه دێ بێن بکارانین.
– هژمارا له‌شکه‌رێن ئەمریکایێ ل سوێدێ چقاسی دبە و هێزێن ئەمریکایێ ده‌مه‌که درێژ ل ڤان باره‌گه‌هان دمینن، نه دیاره. تشتێ کو دیاره ئه‌ڤه کو بنگه‌ه ژ بۆ هه‌ر جووره کارەکی دێ هێن بکارانین، سۆته‌مه‌نی، کارێ مه‌کانیکی و کارووبارێن مینا ..هتد.
– ل گۆر په‌یمانێ، له‌شکه‌ر و کاربدەستێن له‌شکه‌ری یێن ئەمریکایێ ل سوێدێ ته‌نێ دێ قانوون و رێسایێن وه‌لاتێ خوه، وه‌ک نموونه، جه‌زایێن قانوونی بشۆپینن، لێ دێ رێزێ ل یاسا و ده‌ستوورا سوێدێ ژی بگرن.
