ئێڤاریا رۆژا چارشه‌می ٢٨\٥\٢٠٢٥ نێچیرڤان بارزانی سه‌رۆکێ هه‌رێما کوردستانێ و مارکۆ رۆبیۆ وه‌زیرێ ده‌رڤه یێ ئامه‌ریکایێ ب تەلەفۆنێ ئاخڤین.
د وێ په‌یوه‌ندییێ دا، بارزانی و رۆبیۆ، ته‌که‌ز ل سه‌ر پێشڤه‌برنا په‌یوه‌ندییێن ستراته‌ژیک یێن ئامه‌ریکا و هه‌رێما کوردستانێ کرن، هه‌روها به‌حسا ئالیکاریا د وارێ ئابۆری و ئه‌نه‌رژیێ دا و گرینگیا به‌رده‌وامیا هه‌ماهه‌نگیا ناڤبه‌را وان ژ بۆ پشتگریا ئه‌وله‌هی و ئارامیێ ل ئیراق، سووریێ و هه‌رێمێ ب گشتی کر.
وه‌زیرێ ده‌رڤه یێ ئامه‌ریکایێ سپاسیا سه‌رۆک نێچیرڤان بارزانی کر ژ بۆ ڕۆل و هه‌ولێن وی یێن ژ بۆ چاره‌سه‌رکرنا پرسگرێکێن ناڤبه‌را حکومه‌تا ئیراقێ یا فه‌ده‌رال و حکومه‌تا هه‌رێما کوردستانێ ب ڕێیا لهەڤتێگەهشتنێ و گۆتووبێژا ئاڤاکار.
رۆبیۆ ته‌که‌ز ل سه‌ر وێ یه‌کێ کر کو پشتگریا ئامه‌ریکایێ ژ بۆ هه‌رێما کوردستانێ، وه‌ک بنگه‌هه‌ک سه‌ره‌که یێ په‌یوه‌ندیا ستراته‌ژیک ئا ئامه‌ریکایێ ب ئیراقێ را دمینه. ژ ئالیێ خوه ڤه سه‌رۆک نێچیرڤان بارزانی سپاسییا ۆ پشتگریا ئامه‌ریکایێ ل ئیراق و هه‌رێما کوردستانێ کر.
