نڤیسکارەکا ناڤدار رۆلەکی ب نێچیرڤان بارزانی ددە

نێچیرڤان بارزانی دکارە ببە ئافرینەرێ ئاشتیێ ل رۆژهەلاتا ناڤین

نڤیسکارا ناڤدارا ئه‌مریکی-بریتانی دبێژه‌، سه‌رۆکێ هه‌رێما کوردستانێ دکاره‌ ببه‌ گۆتوبێژکار و ئاشتیخوازه‌کی سه‌ره‌که‌ ل ڕۆژهلاتا ناڤین، ب تایبه‌تی دکاره‌ د شه‌رێ ناڤبه‌را ئیسرایل و حه‌ماسێ و ئالۆزیێن ناڤبه‌را ئیسرایل و حزبولاهێ دا ڕۆلا ناڤبه‌ینکاریێ ببینه‌.

نڤیسکارا ناڤدارا ئه‌مریکی-بریتانی و پسپۆرا کارووبارێن ڕۆژهلاتا ناڤین، قانتا ئه‌حمه‌د، د هه‌ڤپه‌یڤینه‌کا جوە دا دگەل فۆکس نیوز گۆت: “سه‌رۆک نێچیرڤان بارزانی دبه‌ یه‌ک ژ که‌سایه‌تیێن بێئالی ل رۆژهلاتا ناڤین و شه‌رێ ناڤبه‌را ئیسرایل و حه‌ماس و حزبولاهێ. ل هه‌موو ناڤچه‌یێ کو تێکه‌لیێن وی یێن باش ب ئیرانێ را، ب ئیراقێ را، تێکلیێن باش ب ترکیێ را و تێکلیێن پر باش ب ئه‌مریکایێ را هه‌نه‌، سه‌رۆک نێچیرڤان دکاره‌ ببه‌ گۆتوبێژکار و ئاشتیخوازێ سه‌ره‌که‌ یێ شه‌رێ ل هه‌رێمێ.

سه‌رۆکێ هه‌رێما کوردستانێ د مه‌هێن بۆری دا چه‌ندین جاران به‌حسا ره‌وشا رۆژهلاتا ناڤین کریه‌ و ته‌که‌زی ل سه‌ر گرنگیا پێکانینا ئاشتیێ کریه‌.

سه‌رۆک بارزانی د جڤینا ٢٠٢٤/٤/١٤ ل سلێمانیێ دا گۆت: “پشتی ئێریشا حه‌ماسێ ل سه‌ر ئیسرایلێ د ۷ێ جۆتمه‌ها سالا بۆری دا و ره‌ڤاندنا ب ده‌هان وه‌لاتیێن سڤیل، شه‌ر و وێرانیه‌که‌ وێرانکه‌ر ل غه‌زایێ روو دا. ئه‌ڤ کاره‌ساته‌کا مرۆڤی یا مه‌زنه‌.”

“چاره‌سه‌ری چاره‌سه‌ریا دو ده‌وله‌تانه‌. هه‌رێما کوردستانێ پشتگریا ئاڤاکرنا ده‌وله‌ته‌کا سه‌ربخوه‌ یا فلستینێ دکه‌. ئه‌ڤ یه‌ک رێیا ئاشتی و ئارامیێ یه‌.”

تێکلیێن ئه‌مریکایێ یێن خورت ب ئیسرائیلێ را هه‌نه‌ و پشتگریا هندەک چالاکیێن له‌شکه‌ری یێن ئارتێشا ئیسرائیلێ یێن ل دژی حه‌ماسێ دکه‌. کۆمارا ئیسلامی یا ئیرانێ ب توندی ل دژی ئیسرائیلێ یه‌، ب توندی پشته‌ڤانیا حزبولاها لوبنانێ دکه‌ و پشتگریا حه‌ماس یا گرێدایی فلستینێ دکه‌.

کاربده‌ستێن ترکیێ چه‌ندین جار هه‌ڤخه‌میا خوه‌ بۆ حه‌ماسێ نیشان دانه‌ و سه‌رۆکوه‌زیرێ ئیسرائیلێ نه‌تانیاهو ژ به‌ر ئۆپه‌راسیۆنا له‌شکه‌ری یا وی وه‌لاتی ل کەرتێ غەزایێ ره‌خنه‌ کرنه‌. ئه‌ڤێ پارچه‌بوونێ هشت کو نەکارە چاره‌سه‌ریه‌ک ژ کریزێ را بێ دیتن و هه‌م ژی رێ ل به‌ر مه‌زنبوونا وێ بگره‌.

وه‌زیرێ ده‌رڤه‌ یێ ئه‌مریکایێ ئەنتۆنی بلینکن ۷ جاران ژ بۆ راگەهاندنا ئاگربه‌ستێ سه‌ردانا رۆژهلاتا ناڤین کریه‌، لێ ته‌نێ جاره‌کێ ب رایه‌دارێن قه‌ته‌ر و مسرێ را کاری ژ ۲٤-۱۱-۲۰۲۳ هه‌تا ۳۰-۱۱- ۲۰۲۳ ئاگربه‌ست وه‌ره‌ راگەهاندن.

شه‌رێ غەزایێ ل هەرێمێ کریزه‌کا مه‌زن ئافراندیه‌. د شه‌رێ ناڤبه‌را حه‌ماس و ئارتێشا ئیسرائیلێ ده‌ هه‌تا نها زێدەتر ۳۷ هه‌زار که‌س هاتنه‌ کوشتن و زێدەتر ۸٦ هه‌زار که‌س ژی بریندار بوونه‌.

ژ ۷ێ جۆتمه‌ها ۲۰۲۳ئان هه‌تا نها هه‌زار و ۱۳۹ ئیسرایلی د شه‌رێ ناڤبه‌را حه‌ماس و ئارتێشا ئیسرائیلێ دا هاتنه‌ کوشتن و ۸ هه‌زار و ۷۳۰ که‌سێن دن ژی بریندار بوونه‌.