د مه‌هێن بووری دا د مه‌دیا ئەمریكایی دا سه‌رنڤیسه‌ک بالکێش هاته نڤیساندن. لێ د ناڤا رەوشا ئالۆز و تەڤلیھەڤ یا ڕۆژهلاتا ناڤین دا ئه‌ڤ سه‌رنڤیس هاته وندا کرن. د ڤێ سه‌رنڤیسێ دا دهات گۆتن کو، دڤێ سه‌رۆکێ هه‌رێما کوردستانێ نێچرڤان بارزانی ژ بۆ خه‌لاتا نۆبلێ یا ئاشتیێ یا 2020ێ ببه بەربژێر.
نڤیسکارێ کو ئەڤ نڤیس ل قونجکا خوه نڤیساندی، ئەگەرێن ڤێ یه‌کێ ل په‌ی هه‌ڤ ڕێز دکه.
به‌لێ نێچیرڤان بارزانی لیده‌ره‌ک بالکێشه،ئه‌ز گه‌له‌ک حەز ژ سه‌رۆکێ هه‌رێما کوردستانێ بارزانی دکم، ئه‌ز وی ته‌قدیر دکم هه‌تا ئه‌و گه‌له‌ک جاران وه‌ک سه‌رۆکەکی من ماتمایی دکه. ئه‌ز ژ بۆ چ ماتمایی دبم؟ ژ به‌ر کو جامێر گه‌له‌کی موتەوازعە (نه‌فس بچووکه)، کوباره، گه‌له‌ک ده‌ڤ ل که‌نه، پەیوندیان ب چاڤێن خوه گه‌له‌ک باش داتینه، دکاره وه‌ک داینه‌ک یا خوه‌دێ شفره‌یێن گیانی (روحێ) ئنسانا ده‌رێخه هۆلێ، که‌سایه‌ته‌ک گه‌له‌ک ب هه‌ڤسه‌نگه و ل جیهانێ گه‌له‌ک که‌سێن حه‌یرانی وی هه‌نه و سه‌رانسه‌رێ جیهانێ ئه‌ڤینداره. ل گه‌ل ڤێ یه‌کێ ژی بهایه‌ک مه‌زن دده ژنان، بارزانی ژ بۆ پاراستنا مافێ ژنان د هه‌ر قادێ دا تێدکۆشه، ل مال، دبستانێ، ل کار و ژیانا جڤاکی دا ژ بۆ ژنان تشتا ژ ده‌ستێ وی دھێت دکه. ل ڕۆژهلاتا ناڤین مرۆڤ خوه‌دیێ ڤان تایبه‌تمه‌ندیێن کو من هێژمارتینه بە، د ڤێ ده‌ربارێ دا مرۆڤ ته‌کۆشینێ بده وه‌ک تشته‌کی موعجیزه‌یه .
د جڤاته‌کێ دا کو عه‌شائیری سه‌رده‌ست به، د ناكۆكیان دا شه‌ر وه‌ک تشته‌ک خوه‌زایی بێ دیتن ، ئاخا ده‌ڤه‌ره‌کی کو ب خوین و رۆندكێن چاڤان بێ ئاڤدان، ئاخه‌ک کو فه‌ن و فیت ژێ کێم نه‌بن و هه‌موو ڕایێن زیزێن جیهانێ تێرا ده‌رباس ببن، گه‌له‌ک زه‌حمه‌ته کو مرۆڤ ل سه‌ر ڤێ ئاخێ ب نه‌فس بچووکی،رێزگرتن و ب ڕه‌حمه‌ک مه‌زن بهایه‌کی هێژا بده ژنێ و ڕۆلێ یه‌کگرتنێ بله‌یزه. ئه‌ڤ نه کارێ هه‌ر مێره‌کی یه.
وه‌ک دن هه‌رکه‌سه‌ک حەژێکرنا نێچیرڤان بارزانی یا ترکیێ دزانه. ئه‌ز هه‌ڤدیتنا خوه یا د گه‌ل نێچیرڤان بارزانی چ جارا ژ بیر ناکم. ده‌ما من ئه‌و دیت که‌له‌جانه‌ک عه‌جێب ئه‌ز گرتم. ل هەمبه‌ر من سه‌رۆکوه‌زیر (ده‌ما من ئه‌و دیتی سه‌رۆکوه‌زیر بوو) دکه‌نه و ل ناڤا چاڤێن من دنێره، گه‌له‌ک ب دقەت گوھ ددا من. دیالۆگا من یا ل گه‌ل ئینسان ئه‌ز گه‌له‌ک گرنگیێ ددم نێرینا چاڤان و ئه‌ز گه‌له‌ک هاژ خوه‌ندنا چاڤان یا ڕاستیێ دکم. ئه‌و تشتا کو من د چاڤێن نێچیرڤان بارزانی دا دیت ئه‌ڤ بوو: ئه‌و لیده‌ره‌ک مه‌زنه، ل هەمبه‌ر ڤێ ژی دلێ وی گه‌له‌ک فره‌هه، ده‌ڤ ل که‌نه، ب هه‌یه‌جانه، ده‌ڤلکه‌نیا خوه گه‌له‌ک ئه‌سپریا دکه، زارۆکه‌ک د ناڤا وی دا یه، قیمه‌تێ دده ئینسان و هه‌چیێ کو دۆست دزانە ل هبه‌ر وان هه‌تا مرنێ ب وه‌فایه.
ئه‌ز ژ بۆ مەراسما سوندخارنا سه‌رۆکێ هه‌رێما کوردستانێ هاتم ڤه‌خواندن. ژ هه‌موو ده‌ڤه‌رێن جیهانێ مێڤانێن تایبه‌ت هاتبوون و مەراسمەك گه‌له‌ک هێژا چێکریبوون. پشتی رێورەسمێن سوندخاوارنێ، د گه‌رما هه‌ولێرێ دا بارانه‌ک ب هێز باری بوو. ته دگۆت قه‌ی ئه‌و بارانا ناڤا مرۆڤ ڤه‌دکرا پیرۆزباهییا سه‌رۆکێ هه‌رێما کوردستانێ دکرا. وه‌ک کو بێژه: پیرۆزبه سه‌رێ بارانێ
وه‌ک من گۆتی به‌لێ، نێچیرڤان بارزانی ڕێبه‌ره‌ک پر بالکێشه! لێ به‌لێ، سه‌رنڤیسه‌ک دن هه‌یه کو ئه‌ز دخوازم ب تایبه‌تی قالا بەربژێریا نێچرڤان بارزانی یا ژ بۆ خه‌لاتا نۆبه‌لێ یا ئاشتیێ بکم. … وه‌کی کو من د ده‌ستپێکا گۆتارا خوه دا گۆتی؛ ئه‌و شێوازا هه‌ری مه‌زنه کو یه‌کی ژ بۆ پێشکه‌فتن و پێشڤه‌خستنێ ب ڕه‌نگه‌ک ئه‌رێنی مۆتیڤه دکه، ئه‌و ژی ب سه‌رفرازی ده‌ستخستنا خه‌لاتا یه.
نێچیرڤان بارزانی ناڤه‌که کو د جهانێ دا کورد هه‌می حەز ژێ دکن و ئیعتباره‌ک مه‌زن ددەنێ. دێ بەربژێریا نێچیرڤان بارزانی ژ بۆ نۆبلێ ببه ئەگەرەك کو کوردا ژ بۆ پێشکه‌فتنێ مۆتیڤه بکه و دێ ببه ئەگەر کو تۆڤێن ئاشتیێ بێ چاندن. ئه‌ز ژ ڤێ یه‌کێ باوه‌رم. نه ب نه‌سیحه‌تا لێ ب ته‌قدیر کرن و دایینا بهایه‌ک هێژا مرۆڤ دکاره ببه سه‌ده‌م کو ئنسان پێشڤه‌تر هه‌رن. ئه‌ڤ یه‌ک دێ د ناڤا کوردان دا گه‌له‌ک ب باندۆر به.
گۆتاره‌ک د پرتوکه‌ک یا مه‌سعود بارزانی دا باندۆره‌ک مه‌زن ل من کری بوو. بارزانی دگۆت: ئه‌ز باوه‌رناکم کو چ مله‌ته‌کی وه‌ک کوردا زلم و زۆرداری دیتبه و هێشتا دبینه. ل هەمبه‌ر ڤێ ژی کوردان وه‌ک چ مله‌ته‌کی ده‌رس ژ ده‌رباسبوویا خوه وەرنەگرتنە. ژ بەر ڤێ ئەگەرێ کورد د ڕۆژهلاتا ناڤین دا بوون دیلێ شێرێ هێزێن خۆرت و پارچه‌بوون. کورد د دیرۆکێ دا ب ئێش و ئه‌له‌مان هاتنه تووژ کرن. چ جارا ژ نه‌خوه‌شیێ خلاس نه‌بوونه. ژ بۆ ڤێ ئه‌ز دبێژم به‌لکی هنده‌ک نه‌خوه‌شی، ئێش و ئه‌لەم ب خه‌لاتکرنێ مۆده‌لێن کو ڕۆل دایینێ پاشخوه ڤه بهێلن.
ب خه‌لاتکرنا ڕێبه‌ره‌ک کورد ب چه‌پکان، ل پێشبه‌ری جیهانێ دێ جوان، ژن و زارۆکێن کورد که‌یفخوه‌ش ببن و دێ هوونه‌رێن پێشکه‌فتنێ پاشه‌رۆژا خوه بئافرینن.
وه‌ک دن مالباتا بارزانی، بێ گومان نێچیرڤان بارزانی د پێڤاژۆیا دیرۆکێ دا گه‌له‌ک نه‌خوه‌شیێن مه‌زن دیتیه، لێ ل هەمبه‌ر ڤێ یه‌کێ چ جارا به‌ر ب ته‌رۆرێ ڤه نه‌چوویه. ئه‌و خوه‌دی ل ئارامیا ناڤچه‌یێ ده‌رکه‌ت. پەکەکە و داعیش ژی د ناڤ دا ل هەمبه‌ر هه‌موو ڕێخستنێن ته‌رۆرست هه‌لوه‌ستا وی خوویایه. بوو جیرانه‌ک ب وه‌فا یێ ترکیێ. د گه‌ل جیرانێن خوه نه‌که‌ت د ناڤا پۆله‌میکا دا. ده‌ستهلاتداریا هه‌رێما کوردستانێ هێشتا ل هەمبه‌ر هه‌موو ته‌هدید و ئێریشێن ته‌رۆریستا شوونڤه گاڤ نه‌ئاڤێتیه و خه‌باتا خوه ده به‌رده‌وامه.
یاشار ئیچه‌ن
چاڤکانی: یه‌نی برلک
وه‌رگه‌ر: ڕۆژه‌ڤاکورد
