سه‌رۆکێ هه‌رێما کوردستانێ نێچیرڤان بارزانی ل سه‌ر ڤه‌خوه‌ندنا سه‌رۆککۆمارێ فرانسایێ دێ به‌شداری ڤه‌کرنا دێرا کاتێدرالی نۆتردام یا پاریسێ ببه.
گه‌له‌ک سه‌رکرده‌یێن جیهانێ دێ به‌شداری مه‌راسما ڤه‌کرنا کاتێدرالی نۆتردام ببن. د ناڤ به‌شداران دا سه‌رۆکێ هلبژارتی یێ ئامه‌ریکایێ دۆنالد ترەمپ هه‌یه کو پشتی هلبژارتنا خوه دێ یه‌که‌م سه‌ردانا وی یا ژ بۆ ده‌رڤه‌یی ئامه‌ریکایێ بە.
ل گۆری زانیاریێن نووچه‌گها ڕووداوێ، ئالا شالی، سه‌رۆکێ هه‌رێما کوردستانێ نێچیرڤان بارزانی دێ ۷ێ کانوونا پێشین ۲۰۲٤ئان ل پاریسێ به‌شداری مه‌راسیما ڤه‌کرنا کاتێدرالی نۆتردام ببه. مه‌راسیم دێ د ئاستەک پر مه‌زن دا به و د ئاسته‌کا پر بلند تێ لدارخستن.
د جڤینێ دا ب گشتی دێ ٥۰ سه‌رۆک و سه‌رۆکوه‌زیرێن ده‌وله‌تان به‌شدار ببن کو یه‌ک ژ وان ژی سه‌رۆکێ هه‌رێما کوردستانێ نێچیرڤان بارزانی یه.
دۆنالد ترەمپ ده‌ربارێ مژارێ ل سه‌ر هه‌سابێ خوه یێ تروس سۆشیال داخویانیه‌ک به‌لاڤ کر و گۆت: “شانازی یه کو ئه‌ز ڕاگەهینم کو ئه‌ز دێ ڕۆژا شه‌میێ بچم پاریسێ، فرانسایێ، دا کو به‌شداری ڤه‌کرنا کاته‌درالا پیرۆز و دیرۆکی یا نۆتره دامه‌یێ یا کو پێنج سال به‌رێ پشتی شه‌واته‌کا وێرانکه‌ر ب ته‌ڤاهی هاتیه نوونه‌ژکرن، ببم.”
کاته‌درالا نۆتره دامه‌یێ یا ۸٥۰ سالی د ناڤ میراتا جیهانی یا یۆنسکو دا یه.
