نێچیرڤان بارزانی سه‌رۆکێ هه‌رێما کوردستانێ د پەیامەکێ دا ب مناسبەتا کۆچاداویا سری سورەییا ئۆندەر جیهرێ پەرلامەنتۆیا ترکیێ و ەندامێ شاندەیا ئیمرالیێ، سه‌رساخیێ ژ مالبات، که‌سووکار و هه‌ڤالێن وی و ده‌م پارتیێ را دخوازە ودبێژە: ئۆندەر، ب ڕۆل و هه‌ول و ته‌کۆشینا خوه یا ژ بۆ سه‌رخستنا پێڤاژۆیا ئاشتیێ ل ترکیێ، ب بیر و کریار و خه‌باتا خوه یا دلسۆزانه یا ژ بۆ ئاشتی و براتییێ و بهه‌ڤره‌ژیانا ئاشتیانه، میناکه‌ک بلند یا ئاشتخیوازی و مرۆڤپه‌روه‌رییێ نیشان دا
ئەڤ ل ژێر ناڤەرۆکا پەیاما سەرۆکێ هەرێما کورستانێ:
ب خه‌مه‌ک مه‌زن، من نووچه‌یا کۆچاداوی یا سیاسه‌تمه‌دارێ ناڤدارێ ترکیێ، سری سورەییا ئۆندەر، بهیست. ژ دل سه‌رساخیێ ژ مالبات، که‌سووکار و هه‌ڤالێن وی و ده‌م پارتیێ را دخوازم، هه‌ڤسۆز و هه‌ڤخه‌مێ وانم. ژ خوه‌دایێ مه‌زن دخوازم کو جانێ وی ب دلۆڤانی و میهره‌بانییا خوه شاد بکه و ئارامی و ڕه‌حه‌تییێ ب ته‌ڤان بدە.
سری سورەییا ئۆندەر، چ وه‌ک ئالیکارێ سه‌رۆکێ پەرلامه‌نتۆیا ترکیێ و چ ژی وه‌ک ئه‌ندامێ شاندەیا ئیمرالیێ، ب ڕۆل و هه‌ول و ته‌کۆشینا خوه یا ژ بۆ سه‌رخستنا پێڤاژۆیا ئاشتیێ ل ترکیێ، ب بیر و کریار و خه‌باتا خوه یا دلسۆزانه یا ژ بۆ ئاشتی و براتییێ و بهه‌ڤره‌ژیانا ئاشتیانه، میناکه‌ک بلند یا ئاشتخیوازی و مرۆڤپه‌روه‌رییێ نیشان دا کو جهێ ڕێز و حورمەتا هه‌رکه‌سی یه.
ژ به‌ر ڤێ یه‌کێ، بیرانینا وی دێ هه‌رتم د وژدانا هه‌موو وان که‌سان دا یێن کو باوه‌ریا وان ب ئاشتیێ هه‌یه، زندی بمینه.
نێچیرڤان بارزانی
سه‌رۆکێ هه‌رێما کوردستانێ
٣\٥\٢٠٢٥
