مالپهرا ئال-مۆنتۆرێ یا ئامهریکی ڕاگەهاند کو سهرۆکێ ههرێما کوردستانێ نێچیرڤان بارزانی د ڕێکهفتنا د ناڤبهرا حکومهتا ڤهگوهێز ئا سووریهیێ و هێزێن سووریهیا دهمۆکراتیک (هسد) دا ڕۆلهکا سهرهکی لیستیه.
ل گۆری ڕاپۆرێ، نێچیرڤان بارزانی ب تێکلیێن خوه یێن بهێز هەر دو ئالی نێزیکی ههڤ کرنه و مهترسیێن ل سهر ڕۆژاڤایێ کوردستانێ کێم کرنه.
ڕۆژنامهگهر ئەمبهرین زەمان د ڕاپۆرا خوه یا ل ئال-مۆنتۆرێ دا دیار کر کو دهما تیمێن دیپلۆماتیک یێن ئامهریکایێ مژوولی دانووستاندنان بوون، نێچیرڤان بارزانی بێدهنگ و ب ڕێیا پێگهها خوه یا ناڤنهتهوهیی ههول ددا ڕهوشێ ئارام بکه.
ڕاپۆر ئاشکهره دکه کو نێچیرڤان بارزانی پەیوهندی ب سهرۆکێ دهزگهها بڵی گراهامێ و یهک ژ کهسایهتێن دینی یێن ههری ب باندۆر یێن ئامهریکایێ فرانکلن گراهامێ را کریه.
د ئهنجاما ڤێ پەیوهندیێ دا، گراهام نامهیهک ژ سهرۆکێ ئامهریکایێ دۆنالد ترەمپ را شاندیه و ژێ خوهستیه کو ژ بۆ ڕێلبهرگرتنا ئێرشێن ل دژی کوردان گاڤێن پێویست باڤێژه.
دۆنالد ترومپ د بهرسڤا خوه ده نڤیسیه، “هاته بجهکرن.”
ل گۆری ڕاپۆرێ ژ بهر پەیوهندیێن بهێز یێن نێچیرڤان بارزانی یێن ب سهرۆککۆمارێ ترکیهیێ ڕهجهپ تەیییپ ئهردۆگان را و باوهریا تام یا فهرماندارێ گشتی یێ هەسەدەیێ مهزلووم ئهبدی یا ب نێچیرڤان بارزان را، وی کاریبوو ڕۆل بلیزه و ڕێیا ڕێکهفتنێ خوهش بکه.
ئامبهرن زامان بهریا ئیمزهکرنا ڕێکهفتنێ ل سهر ههسابێ خوه یێ خێ گۆتبوو:
“ئهگهر ڕێکهفتن ب فهرمی وهره ئیمزاکرن، دڤێ سپاسیهکا زێده ژ نێچیرڤان بارزانی، مهزلووم ئهبدی و لندسهی گراهام وهره کرن.”.
ترکیهیێ کو بهرێ ههبوونا هسدیێ ب تهمامی ڕهد دکر، نها نیشانهیێن قهبوولکرنا ڕێکهفتنێ دده.
وهزیرێ کارێن دهرڤه یێ ترکیهیێ هاکان فیدان گۆتیه، “ئهنتهگراسیۆنهکه ڕاستهقین د بهرژهوهندیا سووریهیێ ده یه.”
ل گۆری ئەمبهرین زەمان، ئهڤ ڕێکهفتن دکاره دهریێ نێزیکبوونا ئهنقهره و کوردێن سووریهیێ ڤهکه، مینا پەیوهندیێن ئابۆری یێن د ناڤبهرا ترکیه و ههرێما کوردستانێ دا.
د ڕاپۆرێ دا قۆناخێن ههولدانێن نێچیرڤان بارزانی وها هاتن ڕێزکرن:
۱٦ێ کانوونا پاشین یا ۲۰۲٦ئان: پەیوهندیا ب فرانکلن گراهام را و وهرگرتنا بهرسڤا ئهرێنی ژ ترەمپ.
۱۷ێ کانوونا پاشین یا ۲۰۲٦ئان: جڤینا ل ههولێرێ ب بهشداریا مهزلووم ئهبدی و نوونهرێ ئهنکسیێ محهمهد ئیسمائیل.
د جڤینێ دا تهکهزی ل سهر یهکرێزیا کوردان و ڕاوهستاندنا شهر هات کرن.
۲۲ێ کانوونا پاشین یا ۲۰۲٦ئان: جڤینا دویهم ئا ب مهزلووم ئهبدی را ل ههولێرێ.
نێچیرڤان بارزانی د ههمان دهمێ دا هێسانکاری ژ بۆ جڤینێن شاندائهتا ئامهریکایی (تۆم باڕاک و ئادمیرال براد کۆئۆپهر) و سهرکردهیێن هەسەدەیێ کر.
نێچیرڤان بارزانی د تهڤاهیا پێڤاژۆیێ دا ەیێوهندیێن خوه یێن ب ئهردۆگان را ب کار ئانین دا کو ئهنقهرهیێ پشتراست بکه و ڕێ ل بهر تێکچوونا ڕێکهفتنێ بگره.
رووداو
