سه‌رۆک نێچیرڤان بارزانی به‌شداری مه‌راسما ڤه‌کرنا کۆنفەرەنسا ئاڤوهەوایێ بوو
نێچیرڤان بارزانی سه‌رۆکێ هه‌رێما کوردستانێ، ل سه‌ر ڤه‌خواندنا فه‌رمی یا ئیلهام ئالیێڤ سه‌رۆکۆمارێ ئازه‌ربایجانێ، دوهی (١١\١١\٢٠٢٤) گەهشتبوو باکویێ و ئیرۆ سێشه‌مێ ١٢\١١\٢٠٢٤ێ د مه‌راسما ڤه‌کرنا کۆنفه‌رانسا گوهه‌رتنا ئاڤوهه‌وایێ یا نه‌ته‌وه‌یێن یه‌کبوویی (جۆپ۲۹) دا به‌شدار بوو.
د چارچۆڤه‌یا چالاکیێن ڤێ کۆنفه‌رانسێ دا سه‌رۆک نێچیرڤان بارزانی دگه‌ل هژماره‌که سه‌رۆک و سه‌رکرده‌یێن وه‌لاتان یێن به‌شدار د کۆنفه‌رانسێ دا جڤیا.
کار و خاباتێن ڤێ کۆنفەرەنسێ دێ هه‌تا ۲۲ێ مژدارێ به‌رده‌وام بکن و وه‌لاتێن به‌شدار دێ چەوانیا پاراستنا گه‌رستێرکێ ژ باندۆرێن گوهه‌رینا ئاڤوهه‌وایێ و ڕووبرووبوونا خه‌ته‌ره‌یێن وێ لێکۆلین بکن.
هه‌ر ئێڤاریا رۆژا (١٢\١١\٢٠٢٤) سه‌رۆک نێچیرڤان بارزان دگه‌ل سه‌رۆک و سه‌رۆکرده‌یێن وه‌لاتان به‌شداری شیڤخارنا کو، ژ ئالیێ سه‌رۆکۆمارێ ئازه‌ربایجانێ ڤه ژ بۆ مێڤانێن کۆنفەرەنسێ هاتبوو ئاماده‌کرن، بوو.
سه‌رۆکێ هه‌رێما کوردستانێ د په‌یامه‌کێ دا ل سه‌ر تۆرا (ئێکس) سپاسیا ڤه‌خوه‌ندنا سه‌رۆکۆمارێ ئازه‌ربایجانێ کر و ژ بۆ مێڤانداریا سه‌رکه‌فتی و ئۆرگانیزه‌کرنا کۆنفەرەنسێ ب ئاوایه‌کی ڕێکووپێک پیرۆزباهی ل حکومه‌ت و گه‌لێ ئازه‌ربایجانێ کر.
