نێچیرڤان بارزانی: ب به‌شداریا ڤه‌کرنا ئۆلۆمپیاد یێن پاریسێ که‌یفخوه‌شم

سه‌رۆک نێچیرڤان بارزانی ب مناسه‌به‌تا به‌شداربوونا ئۆلۆمپیاد یێن پارسێ ل سه‌ر مالپەرا خوه‌ ئێکس داخوویانیه‌ک دا.
سه‌رۆک نێچیرڤان بارزانی دبێژه‌:
ئه‌ز ب دیتنا سه‌رۆک ئه‌مانوێل ماکرۆن و خانما یه‌که‌م برگیتا ماکرۆن کێفخوه‌ش بووم، و به‌شداری
مه‌راسیما ڤه‌کرنا ئۆلیمپیاد یێن پاریسێ بووم. لیستۆک پێشانگه‌هه‌ک به‌ربچاڤ یا یه‌کتیا گه‌ردوونی یه‌، و پاریس جاره‌ک دن ڕوحێ خوه‌ یێ ئیلهامێ د به‌رهه‌ڤکرنا جیهانێ دا نیشان دا.

وه‌که‌ تێ زانین، سه‌رۆکێ هه‌رێما کوردستانێ نێچیرڤان بارزانی د ناڤ سه‌رۆک و ڕێبه‌رێن جیهانێ دا به‌شداری مه‌راسیما ڤه‌کرنا لیستکێن ئۆلیمپیاد ٢٠٢٤ ئێن ل پاریسێ بوو .
به‌شداریا سه‌رۆکێ هه‌رێما کوردستانێ ل سه‌ر ڤه‌خواندنا فه‌رمی یا سه‌رۆکێ فرانسا ئه‌مانوێل ماکرۆن بوو.

سه‌رۆکێ هه‌رێما کوردستانێ نێچیرڤان بارزانی ئێڤاریا ڕۆژا ئینێ ٢٠٢٤/٧/٢٦ ژ بۆ به‌شداربوونا مه‌راسما ڤه‌کرنا ئۆلیمپیاد یێن ۲۰۲٤ئان گهه‌شته‌ پاریسێ.

سه‌رۆک بارزانی د چارچۆڤه‌یا مه‌راسما هان دا هژماره‌کا سه‌رکرده‌ و شاهێن جیهانێ دیتن و پشت را ژی ب هەڤ را به‌شداری مه‌راسما ڤه‌کرنا یاریێن ئۆلیمپیاد بوون.