جیگرێ سه‌رۆکێ پارتییا ده‌مۆکرات ئا کوردستانێ (پدک) نێچیرڤان بارزانی بانگ ل خه‌لکێ سلێمانیێ، هه‌له‌بجه و ڕاپه‌رینێ کر کو ده‌رفه‌تێ بدن پەدەکێ کو د هلبژارتنان دا دەنگ ب لیستەیا ۱۹۰ ئا پارتیا ده‌مۆکراتا کوردستانێ بدن داکو کار و خزمەتێن هێژا پێشکەشی دەڤەرا سلێمانییێ ژی بکه.
گۆتارا نێچیرڤان بارزانی ل سلێمانییێ:
جەماوەێ دلسۆز و به‌رخوه‌دێر یێ پەدەکێ،
خەلکێ سلێمانی، هه‌له‌بچه و ڕاپه‌رین یێ هێژا،
ئێڤار باش.
وه‌ک هه‌ر جار، ئه‌ز گه‌له‌ک کێفخوه‌شم کو ل ڤێ ده‌رێ ل باژارێ عه‌زیز سلێمانییێ دگەل وە یێن برێز دجڤم. هه‌ر جارا کو ئه‌ز تێم سلێمانیێ، نه ته‌نێ خزماتی و هەڤباژێری ، پێوه‌ندیا درێژ یا ناڤبه‌را پەدەکێ و بارزانی یێ نه‌مر دا ژی تێ بیرا من.
تێکلیا مه یا ل گه‌ل سلێمانییێ ب تێکۆشین و هه‌ڤکاریێ را یه. ئه‌ڤ تێکلی ژ ده‌ما نه‌مر شێخ مه‌حموود و شێخێ مه یێ ڕوحانی یێ مه‌زن شێخ ئه‌حمه‌دی بارزانی ڤه هاتیه ئاڤاکرن. د سالا ۱۹۳۰ان دا ده‌ستهلاتداریا ئیراقێ، بارزانی و هه‌ڤالێن وی سرگوونی باژارێ عه‌زیز سلێمانییێ کرن، لێ سلێمانی ده‌رفه‌ت نه‌دا کو، دژمن فه‌یده‌یێ ژ ڤێ سه‌رگونیێ ببینه.
ئاریستۆکراتێن سلێمانییێ و خه‌باتکارێن باژێر هه‌مبێزا خوه یا کوردستانی ژ بارزانییان را ڤه‌کرن. گەنجێن شۆره‌شگه‌ر یێن سلێمانییێ ژ بۆ پاراستن و ڕزگارکرنا بارزانی جانێ خوه کرن مه‌رتال. جهێ مالا نه‌مر بارزانی هین ژی ل باژارێ عه‌زیز سلێمانییێ ل تاخا مالکه‌ندی یه. ژ به‌ر ئه‌ڤینا خوه یا ژ سلێمانییێ را، پشترا ب سلێمانییێ را تێکلیه‌که خزماتیێ ئاڤا دکه.
د سالا ۱۹٥۸ئان دا پشتی کو ژ سۆڤیه‌تێ ڤه‌دگه‌ره، یه‌کسه‌ر تێ سلێمانیێ و ل مالا شێخ له‌تیف حه‌فید دمینه، دا کو خوه بگەهینه خه‌لکێ باژێر و تێکلیا خوه ب وان را نوو بکه. ژ به‌ر وێ ژی دیرۆکا پەدەکێ و بارزانییان ب سلێمانی و ڤێ هه‌رێمێ را گه‌له‌ک تایبه‌ته و که‌س نکاره ڤان پێوه‌ندیێن ب سلێمانیێ را بشکینه.
خه‌لکێ سلێمانییێ و ده‌ردۆرێن وێ کوردپه‌روه‌ر، وه‌لاتپارێز و ئازادیخوازن. ژ به‌ر ڤێ یه‌کێ نه ته‌نێ پێشوازیا بارزانییان کرن، لێ به‌لێ ل شوونا کو ل دژی داخوازا حکومه‌تا به‌غدایێ سیخوری ل وان بکن، ئالیکاریا وان ژی کرن. وان نێرینێن بارزانییان گەهاندن گه‌له‌ک ڕه‌وشه‌نبیر، تێکۆشه‌ر و وه‌لاتپارێزێن هه‌رێمێ.
هەر ئەو پەیوەندی و دلسۆزییا خەلکێ سلێمانییێ بوو بۆ کورداتییێ، بۆ پاەرتی و بارزانی کو ب پاشی ب دەنگێ زەلال و ب یەک دەنگ هاوار کر.
پێشرەوی کورد پارتی یە،
سه‌رۆکمان بارزانی یه.
وان دزانی کو رێبازا بارزانی و پارتیا ده‌مۆکراتا کوردستانێ (پدک) ڕێیا کوردایه‌تیێ یه، ڕێیا نشتمانپه‌روه‌ریێ یه و نوونه‌رتیا خه‌ون، داخواز، هێڤی و داخوازێن ته‌ڤاهیا کوردستانێ و هه‌موو پێکهاته‌یێن وێ دکه. ژ به‌ر ڤێ یه‌کێ گه‌لێ سلێمانییێ ئه‌و ڕێ هلبژارت.
ئەندام و جەماوەرێ خوەشتڤی یێ پەدەکێ ل سلێمانییێ و ل ڤێ دەڤەرێ هەموویێ ، هوون یێن دلسۆز و وەفادار و خوەراگر، ژ بۆ پارتتبوونێ وه هه‌ر تم باجەکە گران دایە. ژ هەموو خێر و بێرێن ڤێ دەڤەرێ بێپار بوونە گەلەک زیختێن دەرونی ل سەر وەنە، نها ژی، هوون یێن هێژا و خوەشتڤی، هوون نموونه‌یا به‌رده‌وامیا وێ پێوه‌ندیا مەعنەوی و که‌ڤنارن ل سلێمانییێ. هوون نموونەیا وێ تێکەلیا روحین دگەل پارتی و دگەل بارزانی.
ژ بەر وێ یەکێ ئەم ئیرۆ ل ڤێرە ل خزمەتا خەلکێ سلێمانییێ و ڤێ دەڤەرێ دبێژن
پەدەکە هه‌رتم کار کریه کو ل هه‌رێما کوردستانێ حکومه‌ته‌که نشتمانی هه‌به کو ب ئاوایه‌کی وه‌کهه‌ڤ و بێ جوداهی خزمه‌تا هه‌موو ناڤچه‌یێن کوردستانێ بکه.
خه‌لکێ سلێمانی و ڤێ دەڤەرێ ژ به‌ر ناکۆکی و ئالۆزیێن ناڤبه‌را ئالیێن سیاسی و هه‌ڤرکیا وان باجێن گران دانه، کو ژ بلی زیانێ چو سووده‌ک بۆ خه‌لکێ ڤێ دەڤەرێ نه‌بوویه. پارتی ژ بۆ کو جەلکێ سلێمانی و دەڤەرێ ئێدی نه‌بن قوربانیێن ناکۆکیێن سیاسی دخەبتە.
سلێمانی و ئه‌ڤ دەڤەر ب گشتی، ب ڕۆلا خوه یا مه‌زن د دیرۆکا سیاسی، چاندی و ڕه‌وشه‌نبیری یا ڤی گه‌لی دا رابوویە، هێژایی ژیانه‌کا هه‌ری باش، به‌خته‌وەری، خزمه‌تگوزاری، ئه‌وله‌کاری، ئارامی و به‌خته‌وه‌ریێ یه.
پشتراست بن کو سلێمانی دکاره ژ نها دا پر پێشکه‌تیتر به، ژ به‌ر کو نفشێ نوو یێ سلێمانییێ ل پێشکه‌فتن و گه‌شبوونێ دگه‌ره، نه ل کاۆس و هاوارا بێکێره کو جهێ وێ نینه. ئه‌م وه پشتراست دکن کو پارتی دخوازه خزمه‌تا هه‌ری مه‌زن ژ سلێمانیێ را بکه.
ده‌ما ئه‌ز ئیرۆ هاتم سلێمانیێ، من بهیست کو ل ڤێرە ل سلێمانیێ تشته‌ک گۆتنه:
گۆتن ئه‌م هه‌موو ژ بۆ ئاڤەدانی و خزمه‌تێ ده‌یندارێ پارتییێ نە. ژ به‌ر ڤێ یه‌کێ خەلکێ سلێمانی و ڤێ دەڤەرێ، ئه‌ز ژ وه داخواز دکم، ل سلێمانیێ و ل ڤێ دەڤەرێ ب گشتی، ڤێ جارێ، ژ بۆ جارەکێ ب تەنێ ژی بە پارتی بجه‌ربینن، پارتی بجه‌ربینن و ڤێ ده‌رفه‌تێ ژی بدن پارتی و دەستێ پارتی ل ڤێ دەڤەرێ بهێز بکن. ڤێ ده‌رفه‌تێ بدن پارتی و ب ده‌نگدانا ڕۆژا هلبژارتنێ ده‌ستێ پارتی ل ڤێ هه‌رێمێ خورت بکن. ئه‌م دلنیا دکن کو پارتی دێ ل سه‌ر سۆزێن خوه بمینه و ژ بۆ گه‌شبوونا ڤێ دەڤەرێ دودلی نه‌مینه و هه‌رتم ب پشته‌ڤانیا وه سۆزێن خوه بجیه بینه.
ده‌رفه‌ته‌ک بدن پارتی کو ژ ئالۆزیا سیاسی و قێرینا پووچ یا ل ڤێ دەڤەرێ ڕزگار ببه. پارتی ل هێڤیا پشته‌ڤانیا وه یه و ژ وه داخواز دکه کو هوون باوه‌ریا خوه ب ڤان هه‌ڤالان بینن و ب سه‌ربلندی دکارن سلێمانییێ ژ قۆناغا نها به‌ر ب قۆناغه‌که باشتر و ب ڕێکووپێکتر ڤه ببن. که‌نگی ئه‌و ڕۆژ ئه، ڕۆژا کو هه‌ر که‌س دچه سه‌ر سندۆقان و په‌یاما مه و داخوازێن مه وه‌ردگره ئه‌و ڕۆژ ۲۰ێ ڤێ مه‌هێ یه؟ ڕۆژا ۲۰ێ مژدارێ ڕۆژا بهێزبوونێ یه، ناڤونیشانا بهێزبوونێ دیاره، لیسته‌یا ۱۹۰ یا پارتیا ده‌مۆکراتا کوردستانێ یە.
خه‌لکێ سلێمانی، هه‌له‌بجه، گه‌رمان، پێنجوێن، ڕاپه‌رین، سه‌ید ساق، ڕانیا، قه‌لادزه، دوکان، ده‌ربه‌ندیخان، هەورامان، خورمال، چه‌مچه‌مال، قه‌ره‌داخ، عه‌ربه‌ت، که‌لار، بیارە، تەوێلە و هه‌موو باژار و گوندێن دن یێن کوردستانپارێز، شەهیدپارێز، یێن بەر ئەنفال و چەکێ کیمایی کەفتین هێژایی کار و خه‌باتێن زێدەترن. خزمه‌تێن. پارتیا ده‌مۆکراتا کوردستانێ (پدک) ب کریار ئیسبات کر کو دکاره هێڤیێن گه‌لێ کورد ب گشتی و دەڤەرا سلێمانیێ ب تایبه‌تی پێکبینه. ئه‌نجامێن خه‌باتا وی شاهدیێ ددن کو سۆز، خه‌بات و ئه‌نجام هێژایی پارتیێ نه.
ئه‌ز دزانم خه‌لکێ ڤێ ده‌ڤه‌رێ گه‌له‌ک جاران دبێژن: سۆزێن مه‌زن دانه مه. دێ سۆزا ڤێ جارێ جودا به؟ ئه‌و ژ وه را دبێژم: ده‌نگێ خوه بدن پارتی. ئه‌م سۆز ددن کو د چار سالێن پێش دا ئیسبات بکن کو ده‌نگدانا ژ بۆ پارتی وێ جودا به و د هه‌موو قادێن خزمه‌تگوزاریێ دا ده‌رکه‌ڤه هۆلێ.
جەماوەر و به‌شدارێن هێژا،
خه‌لکێ هێژا یێ سلێمانی، هه‌له‌بجه، گه‌رمیانی و ڕاپه‌رینێ.
ئارامی و ئاڤەدانی، هه‌ڤگرتن و به‌رخوه‌دان.
ئه‌ڤ سلۆگانا پارتییا مه یه. فه‌لسه‌فه، جیهانبین، پلان و به‌رنامه‌یا پارتی ئه‌ڤە یە. پاەرتی د و باوەرییێ دا یە کو کوردستان پێدڤی ب ڤان درووشمانە ژ به‌ر ڤێ یه‌کێ پارتی ب درووشم و ئاخافتنا خوه ڕاسته و ئه‌م دێ وه‌که هه‌ر جارێ ب به‌رپرسیاری ته‌ڤبگه‌رن.
ئارامی د هه‌موو قادێن ژیانێ دا ژ بۆ پێشکه‌تن، گه‌شه‌پێدان و به‌خته‌وەریا ڕاست ده‌رفه‌تان دده. ئارامی، خوەشی و جوانی و به‌خته‌واری، ئه‌وله‌کاری و خوەسییێ ب ژیانێ ددە، ئازادی و ده‌مۆکراسیێ خورت دکه. ئه‌و ده‌ریێ نووژه‌نیێ ڤه‌دکه. ئه‌و دهێله کو ئه‌و ب هێڤیه‌ک بێتر ل پاشه‌رۆژێ بنێره.
ئارامی ب خوە را ئاڤەدانیێ تینه و ئاڤەدانی ژی وەلات ئاڤا دکه، گه‌ش دکه، خوه‌ش دکه، ده‌رفه‌تێن کار دافرینه، چاند و ستانداردا ژیانێ پێشده‌تر دکه، و یا هه‌ری گرینگ ژی نێزیکبوون و حه‌زکرنا ژ بۆ ئاخێ زێده دکه و باوه‌ری و خوه‌باوه‌ریێ خورت دکه. ڕامانێن باش و چێکه‌ر ژ بۆ باشترکرنا ژیانێ ئه‌نه‌رژیا ئه‌رێنی به‌رفره‌ه دکن و زێده دکن.
بهه‌ڤرا‌بوون کو یه‌ک ژ سلۆگانێن پارتی یه، دێ گه‌ل و وه‌لات خورت بکه. سه‌رکه‌فتن و ژیان ب هەڤرابوونێ دانە. یه‌کتیا هه‌موو پێکهاته‌یێن ئه‌تنیکی و ئۆلی یێن کوردستانێ، یه‌کرێزیا هێز و ئالیێن سیاسی، یه‌کرێزیا هه‌موو به‌شێن جڤاکێ، خه‌باتا هه‌ڤبه‌ش یا هه‌موویان، یه‌کانه ڕێیا دابینکرنا ماف و پاشه‌رۆژه‌که باشتر بۆ گه‌لێ کوردستانێ یە.
کوردستان وه‌لاتێ هه‌موویانه و پێویستیا وێ ب یه‌کیتیا هه‌موویان هه‌یه، له‌وما پارتی ده‌ستێ ئاشتی و هه‌ڤکاریێ درێژی هه‌موویان دکه.
خوەراگری مان و ژیانه، سه‌رکه‌فتن و سه‌ربلندی یه. باوه‌ریا مه یا خورت ب ڕه‌وابوونا دۆزا گه‌ل ومافێن رەوا یێن کوردستانێ یە، پارتی هه‌رتم ل به‌رخوه ددە بەرگرییێ ژ بوون و مان ، ژ هەبوون و ماف ە ژیانا خەلکێ کوردستانێ دکە. ب هەر باجەکە بە پارتی خوەراگرە و هەر ب خوەراگری دمینە.
دیرۆک شاهده کو به‌رخوه‌دان و ئیراده‌یا خورت یه‌ک ژ تایبه‌تمه‌ندیێن هه‌ری بلند ئێن پاتییێ یه کو ل هه‌مبه‌ر دژمن و دژبه‌رێن کوردستانێ یێن هه‌ری دژوار ل به‌ر خوه دایه و ب پشته‌ڤانیا گه‌ل، ب پشتگریا وه هه‌ر تم ب سه‌رکه‌فتی ل به‌ر خوه دایه.
به‌رنامه و باوه‌ریا پارتی ژ بۆ گه‌لێ کوردستانێ سه‌رکه‌فتن و ئاشتی یه، نه وه‌ک سلۆگانا هنده‌ک ئالیێن کو به‌حسا وێرانیێ دکن!
هه‌ڤالنۆ.
ڕێزداران
ئه‌م ژ هشمه‌ندی و زیره‌کیا خەلکێ سلێمانیێ، ڤێ دەڤەرێ و ته‌ڤاهیا کوردستانێ پشتراستن کو دێ د ڕۆژا ده‌نگدانێ دا وژدانێ خوە ڕه‌حه‌ت بکه. ئه‌م دزانن کو ئه‌و دێ ب گۆتن و سلۆگانێن ڤالا گه‌لێ کورد نه‌خاپینن. کوردستانی ب مه‌نتقی دفکره، ب ئاقل دفکره، په‌یامێن وێرانکه‌ر د پسیکۆلۆژیا کوردستانیان دا جهناگرن.
ژ به‌ر ڤێ یه‌کێ په‌یاما مه نه په‌یاما د ئاڤەدانییێ یە دا بمینه یه ژ به‌ر ڤێ یه‌کێ د ۲۰ێ جۆتمه‌هێ دا خەلکێ سلێمانی، باژارێ چاند و مەردییێ، خه‌لکێ هه‌له‌بجه، گه‌رمیان و ڕاپه‌رینێ دێ بریارا خوه یا ڕاست بدن و ده‌نگێ خوه بدن لیسته‌یا ۱۹۰ ئا پارتییێ.
ئه‌زموونا گه‌لێ کورد و دیرۆک شاهدێ وێ یه‌کێ یه کو پارتی پارتیه‌کا ب به‌رپرسیاری و پارتیه‌کا کار و کریارێ یه. ژ گه‌لێ کوردستانێ و ده‌نگدێرێن خوه را ڕێز دگره. چو پارتیه‌ک نینه کو دو هه‌فته به‌ریا هلبژارتنان خوه ژ هه‌موو به‌رپرسیاریا خوه دوور بخه و پاشێ ژی بفکره کو دێ گه‌ل ژێ باوه‌ر بکه و دێ ده‌رباس ببه! هوون شاش دفکرن گه‌لێ کوردستانێ هشیاره.
پارتی چو جاری ژ به‌رپرسیاریێ نه‌ره‌ڤیایه. ژ به‌ر کو خه‌بات و خزمه‌ت ئه‌رکا پارتی یه و پۆشمان نینه. پارتی خزمه‌تکارێ گه‌له و ژ کار و خزمه‌تا گه‌ل پۆشمان نابه.
ژ دامه‌زراندنا خوه هه‌تا ئیرۆ، ژ بۆ خاترێ کوردستانێ و ئازادیا گه‌لێ خوه کاروانه‌کی شه‌هید و قوربانیان پێشکێش کریه. ئیرۆ ژی ب سه‌ربلندی داخوازێ ژ خه‌لکێ ڤێ دەڤەرێ دکه کو ده‌نگێ خوه بدنێ، ده‌نگێ خوه بدن لیسته‌یا ۱۹۰ یا پەدەکێ، ژ بۆ خه‌بات و خزمه‌ته‌که زێده‌تر، ژ بۆ پێشکه‌تنا کوردستانێ و ژ بۆ پێشکه‌تنا ڤێ دەڤەرێ.
برایێن ده‌لال،
خەلکێ کوردستانێ یێ هێژا،
خەلکێ سلێمانی و ڤێ دەڤەرێ.
ده‌ما کو ئه‌م دبێژن سه‌رکه‌فتنا پارتی تێ واته‌یا سه‌رکه‌فتنا کوردستانێ، ئه‌م زێده مه‌زن ناکن. هێزا پارتی هێزا کوردستانێ یه، گارانتییا ماف و پاراستنا ده‌ستکه‌فتیان و خوینا شه‌هیدانه.
دژمنێن کوردستانێ ژی ڤێ ڕاستیێ باش دزانن، ژ به‌ر وێ ژی دژمنێن کوردستانێ هه‌ر تم پارتی کرنه هه‌ده‌ف. ئەو ژی وسا دیزانن بی حسبا وان وان دێ پارتی بچووک بکن بشکینن، بچووکرن و شکاندنا پارتی ئانکو بچووکرن و شکاندنا کوردستانێ، لێ ب دلسۆزی و پشتگریا وه وێ ڕۆژێ قه‌ت نابینن. ب دلسۆزیا گه‌لێ کوردستانێ پەدەکە وێ بمینه، مه‌زن ببه و ب هێز ببه.
ژ به‌ر ڤێ یه‌کێ ئه‌ز داخوازێ ژ وه دکم، ئه‌ز داخوازێ ژ خوه‌نده‌کار، جوان، ژن و مێر دکم کو د ۲۰ێ ڤێ مه‌هێ دا بریارا خوه یا ڕاست بدن. هه‌رن سه‌ر سندۆقان، جارا یه‌که‌م ڤێ ده‌رفه‌تێ بدن پەدەکێ، ده‌نگێ خوه بدن لیسته‌یا ۱۹۰ ئا پارتیا ده‌مۆکرات ئا کوردستانێ.
هه‌ڤالان،
خەلکێ سلێمانییێ یێ هێژا،
یێن کو ب پۆپولیزم و خاپاندنێ ب سه‌ر بکه‌ڤن دێ د ده‌مه‌ک نێز دا بکه‌ڤن. ئه‌ز ب تایبه‌تی ژ جوانان را دبێژم، هوون جوان. دڤێ جوان ب تایبه‌تی هشیار بن کو ب گۆتن و ته‌ڤگه‌رێن ڤالا نه‌یێن خاپاندن. تشتێ کو دێ ب کێری وان، پاشه‌رۆژا وان و کوردستانێ وه‌ره، ته‌نێ کار و خەناتە. پەدەکە پارتیا پرۆژه، خه‌بات و چالاکیانه.ژ به‌ر ڤێ یه‌کێ ده‌ما کو هوون دچن ناڤ خەلکی، گاڤا هوون دچن و خەلکێ ڤێ دەڤەرێ دبینن، ل سلێمانیێ، ل هه‌له‌بجه و ل هه‌ر ده‌رێ دبینن، ژ وان ڕه بێژن:
پارتی دێ پرۆژه‌یێن کو ده‌ست پێ کریه بقه‌دینه، یێن کودەستپێنەکرنە ژی ئه‌م دێ دەسی پڕ بکن.
پەدەکە د دیرۆکا هه‌ری تاری یا سیاسی یا کوردستانێ دا چرایەکێ گەش گەشکرنێ بوو، ل دژی ته‌سلیمیه‌تێ، ژ بۆ به‌رخوه‌دان، ئازادی، ده‌مۆکراسی و عه‌داله‌تێ بوویه، ته‌ڤی هه‌موو زه‌ختێن ل سه‌ر پارتی یێن ل ڤێ دەڤەرێ، هوون، جەماوەێ پارتی، میناکا ڤێ به‌رخوه‌دانێنه. پشت راست بن ب هەموو شیانێن خوە دێ پسپۆری و شارەزاییا خوە ژ بۆ بهێزکرنا پره‌نسیپ و مه‌کانیزمایێن سیسته‌ما ده‌مۆکراتیک ژ بۆ باشترکرنا خزمه‌تگوزاریان بۆ هه‌موو هه‌رێم و جڤاکێن کوردستانێ بکاربینین.
پەدەکە ب هه‌ڤکاری و پشتگریا هه‌موو پێکهاتەیێن کوردستانێ، قۆناغا شۆره‌ش و سه‌رهلدانێ ئانیه قۆناخا ئاڤاکرنا ده‌ستهلاتداریا ل سه‌ر سندۆقان. ژ سالا ۱۹۹۱ێ ڤه سه‌رۆکێ پارتیا ده‌مۆکرات ئا کوردستانێ (پدک) سه‌رۆک مەسعود بارزانی پێشنیار کریه کو پرسگرێک ب ڕێیا سندۆقان بێن چاره‌سه‌رکرن و چو که‌س و ئالیه‌ک ژ نەهێن پشتگوهخستن. ئه‌م ده‌ستێ ئاشتی، یه‌کیتی و هه‌ڤکاریێ درێژی وان هه‌موویان دکن. پارتی دخوازه ل کوردستانێ ڕێڤه‌به‌ریه‌که باش ئاڤا بکه کو بکاربه باشتر خزمه‌ت بکه، کوردستانێ و مافێن وێ بپارێزه و پاشه‌رۆژه‌که گه‌شتر ژ بۆ وه‌لاتێ مه مسۆگه‌ر بکه.
ئه‌م د ڕێڤه‌به‌ریا خوه دا بێ کێماسی نه‌بوونه و نابن. هوون ڤێ ڕاستیێ ژ هه‌ر که‌سی چێتر دزانن. لێ تشتا کو د نێرین و دیتنێن پارتی دا هه‌یه شەو ئەم نابێژن ئەم بێ شاشینە. ته‌نێ یێن بێقسوور و تژی گلی و گازندە ئەون یێن کو نە ئاماده نه به‌رپرسیاریێ بگرن سه‌ر خوه. پارتی ژ بۆ باشکرنا ڕه‌وش و ژیانا هه‌موه‌لاتیێن مه ب سه‌ربلندی هه‌موو دیرۆکا خوه، ب سه‌رکه‌فتن، تێکچوون و کێماسیێن خوه دبینە و چارەسەر دکه و ژێ ناره‌ڤه. یا گرینگ ته‌سپیتکرنا خه‌له‌تی و کێماسیانه. ژ خه‌له‌تیان را چاره‌سه‌ریێن گونجاو ببینن.
تەڤی کار و خزمەتێ دێ شاس هەبن، ژ به‌ر ڤێ یه‌کێ ژ بەر وان کێماسیان ئه‌م ب سه‌ربلندی لێبۆرینا خوه ژ گه‌لێ خوه دخوازن ژ به‌ر ڤان خه‌له‌تی و کێماسیان. لێ پشتراست بن ەم دێ ژ شاسییێن خوە هین ببن و به‌ر ب پاشه‌رۆژه‌که گه‌شتر ڤه بمه‌شن.
ده‌نگێ خوه بدن پەدەکێ، نامزه‌تێن وێ و به‌رنامه‌یا وێ ناس بکن، ببینن کو ئاستا خزمه‌ت و دلسۆزیا وان وێ چقاسی نێزی سۆزێن وان به. لێ وه ل ڤێ دەڤەرێ چو ده‌رفه‌ت نه‌دایه پارتی، ده‌نگ بدن پارتی کو ئه‌م ب هه‌ڤ را به‌رده‌وام بکن و خه‌له‌تی و کێماسیان ب هه‌ڤ ڕه چاره‌سه‌ر بکن.
هه‌ڤالێن هێژا،
وه‌زیفه‌یا وه یه کو ڕۆژا ۲۰ێ ڤێ مه‌هێ ده‌ست و ملێن خوه بلند بکن و ل گه‌ل مالبات و که‌سووکارێن خوه خه‌لکێ ته‌شویق بکن کو لیسته‌یا ۱۹۰ێ هلبژێرن و ده‌نگێ خوه بدن پارتیا ده‌مۆکراتا کوردستانێ.
کی وێ سه‌رکه‌فتنا هلبژارتنا ۲۱ئێ مژدارێ پیرۆز بکه؟
ئه‌و هوونن.
ڕۆژا ۲۱ێ ڤێ مه‌هێ کێ دێ پیرۆزباهیا سه‌رکه‌فتنا لیسته‌یا پارتیا ده‌مۆکراتا کوردستانێ (پدک) بکه؟
ئه‌و هوونن.
پارتیا ده‌مۆکراتا کوردستانێ (پدک) دێ ببه پارتیا یه‌که‌م و ب پشته‌ڤانیا وه دێ ببه پارتیا سه‌ره‌که.
پەدەکە و لیسته‌یا ۱۹۰ێ دێ ب سه‌ر بکه‌ڤن
کوردستان دێ ب سه‌ر بکه‌ڤه.
ئه‌ز ژ وه را دلنیا دکم کو ئه‌ڤ نامزه‌دێن کو ئیرۆ ل پێشبه‌ری وه نه، هه‌موو ژی ب دلسۆزی، ب یه‌کده‌نگی د خزمه‌تا ڤێ دەڤەرێ دا نه و ب شه‌ڤ و ڕۆژ دخه‌بتن کو ئه‌ڤ ناڤچه ژی وه‌که هه‌موو پارچه‌یێن کوردستانێ پێش بکه‌ڤه.
هه‌ڤالنۆ، گۆتنا من ئا داوی ل دەڤەرا سلێمانیێ یه و ئه‌م ژ وان را دبێژن: شانسه‌ک بدن پەدەکێ، هه‌تا جارا یه‌که‌م به، فرسه‌ندێ بدن پارتی و ببینن کا پارتی چاوا دکاره سۆزین دایین وه پێک بینه.
د داویێ دا ئه‌م ڕێز، سلاڤ و حه‌زکرنا خوه ژ وه هه‌موویان را دشینم و ب ڕێیا وه ژ هه‌موو خه‌لکێ ڤێ دەڤەرێ را دلنیا بن کو ئه‌ز ب خوه ژی گه‌له‌ک کێفخوه‌ش بووم و خوه‌ست کو به‌شداری ڤێ مه‌راسمێ بووم.
ژ من را گۆتن کو گه‌ل داخوازا وێنه‌یان کریه، لێ ئه‌ز سۆز ددم وه کو ئه‌م دێ ڤه‌گه‌رن جه‌م وه و د ۲۰ێ جۆتمه‌هێ دا ئه‌م دێ ب هه‌ڤ را سه‌رکه‌تنێ پیرۆز بکن.
