نێچیرڤان بارزانی ل ڤیەنایێ: پەکەکە ل پشت شەواتێن هەرێما کوردستانێ یە
![](/wp-content/uploads/2024/07/NB-nemsa.jpg)
پشتی بداویهاتنا سهردانا یهک ڕۆژی بۆ نەمسایێ و پشتی جڤینا دگهل برێز ئالهخاندهر ڤان دهر بهلهن سهرۆکۆمارێ نەمسایێ، برێز نێچیرڤان بارزانی سهرۆکێ ههرێما کوردستانێ د کۆنگرهیهکا ڕۆژنامهڤانی دا بهحسا ئارمانج و ئهنجامێن سهردانا خوه یا بۆ نەمسایێ و چهندین مژارێن گرێدایی ئیراق و ههرێما کوردستانێ کر.
دهستپێکێ سهرۆک نێچیرڤان بارزانی گۆت: دهربارێ سهردانا مه یا بۆ نەمسایێ، وهکه کو هوون دزانن، پێوهندیهکا مه یا پر کهڤن ب نەمسایێ را ههیه کو ڤهدگهره بۆ سالێن دووروودرێژ، دهما داوی جار وهزیرێ دهرڤه یێ نەمسایێ سهردانا ههرێما کوردستان و ئیراقێ کر ئهز ب فهرمی ڤهخواندم کو سهردانا نەمسایێ بکم، ئهم ژی ل سهر ڤێ ڤهخواندنێ هاتنه. ئیرۆ جڤینهکا گهلهک باش و درێژ دگهل برێز وهزیرێ دهرڤه و نوها ژی دگهل برێز سهرۆکۆمار ههبوو، د ڤان جڤینان دا مه بهحسا چهوانیا پێشدهبرنا تێکهلیێن ب ئیراقێ را ب ئاوایهکی گشتی و ب ههرێما کوردستانێ را کر، ههم دگهل سهرۆکۆمار و ههم ژی دگهل وهزیرێ دهرڤه وسا ئهم ههست پێ دکن کو، نەمسا دخوازه تێکهلیێن خوه یێن د وارێ سیاسی ههم ژی د وارێ ئابۆری دا پێشبخه. بێ گومان، وان نها بالیۆزخانهیا خوه ل بهغدایێ ڤهکریه. مه ژێ داخواز کر کو کۆنسولخانهیا خوه ل ههولێرێ ڤهکن. بالیۆزێ مه، بالیۆزێ ئیراقێ، دێ ڤێ پرسێ بشۆپینە. ب باوهریا من تێگهشتنهک باش ههیه ههم ژ بۆ تێکهلیێن ئابۆری و ههم ژی ژ بۆ پێشدابرنا پهیوهندیێن سیاسی ب ئیراق و ههرێما کوردستانێ را. مه سپاسیا پێشوازیا ئیرۆ یا سهرۆکۆمار کر و ئهز هێڤیدارم ئهڤ پهیوهندی د ههموو واران دا بهر ب پێش ڤه ههرن.
د بهرسڤا پرسهکێ دا دهربارێ ئاستا پهیوهندیێن ههولێر و بهغدایێ د ڤێ قۆناخێ دا، سهرۆکێ ههرێما کوردستانێ گۆت: ب باوهریا من پهیوهندیێن د ناڤبهرا ههرێما کوردستانێ و بهغدایێ دا د ئاستهکا باش دا نه. ئهڤ نایێ وێ واتهیێ کو مه ههموو پرسگرێک چارهسهر کرنه، لێ ئهو سهردانێن کو مه بۆ بهغدایێ کرنه، سهردانێن من ب خوه بۆ بهغدایێ و سهردانێن سهرۆکوهزیرێ ههرێما کوردستانێ بۆ بهغدایێ و ههروهسا شاندێن دن یێن حکوومهتا ههرێما کوردستانێ ژی، ئهڤ ههموو د چارچهوهیا وێ یهکێ دا یه کو ئهم بکاربن وان کێشهیان چارهسهر بکن، یا کو ئهز دبینم بهغدا ژی ب ههمان ئاوایی ب ههرێما کوردستانێ را ڕهفتار دکه، بهغدا ژی جدی یه و ههولێن جدی دده کو پرسگرێک چارهسهر ببن. ئهز باوهر ناکم کو ئهڤ پرسگرێک د ناڤا شهڤ و ڕۆژهکێ دا چارهسهر ببن. لێ پێنگاڤێن نها یێن ههر دو ئالیان بهر ب چارهسهرکرنا پرسگرێکان ڤه نه. بێ گومان ئهم دێ ل سهر ڕۆلا خوه یا ل ههرێما کوردستانێ بهردهوام بن ژ بۆ چارهسهریا پرسگرێکان. د ئهنجام دا ئهم د جۆگرافیهکێ دا دژین و بهغدا پایتهختێ مه ژی یه، د ڤێ ئهم ههموو ب جدی لێبخهبتن کو پرسگرێکێن ههنه چارهسهری ژێ را بێ دیتن، ب تایبهتی یێن گرێدایی ژیان و ژیارا خهلکێ ههرێما کوردستانێ بێن چارهسهر کرن.
پشترا ژی د دهربارێ ئهنجامێن لێکۆلینێن دهربارێ سهدهما شهوتاندنا بازارێن ههولێر، کهرکووک و دهۆکێ و گرتنا چهندین کهسان دا، سهرۆک نێچیرڤان بارزانی گۆت: وه ههموویان دیت یێن کو هاتنه بنچاڤکرن د ئۆپهرسیۆنهکا ههڤپار یا بهغدایێ دگهل ههرێما کوردستانێ، دگهل وهزارهتا ناڤخوه یا ههرێما کوردستانێ دگهل دهزگههێن ئاساییشا ههرێما کوردستانێ کو ههماههنگیا تمام دگهل بهغدایێ ل سهر ڤێ پرسێ ههبوویه. ئهڤ کهس ب ئاوایهکی یهکئالی نهگرتنه، ههرێما کوردستانێ ب یهکئالی نهگرتنه. ئهڤ یهک ژ ئهنجامێ کارهکی ههڤپار ناڤبهرا سازیێن ئهمنی یێن ههرێما کوردستنێ و یێن بهغدایێ دا هاتیه کرن. دیاره کو پەکەکە ل پشت ڤێ مهسهلێ بوویه، چ شەواتێن ل ههولێرێ قهومین و چ ل کهرکووکێ قهومین. یا کو پهیوهندی ب یەنەکێ ڤه ههیه، چ دهلیل نینن کو یەنەکە وهک پارتی ل پشت ڤێ پرسێ به، د وان لێکۆلینێن ل بهغدایێ هاتنه کرن دا وه ههموویان د تهلهڤزیۆنێ دا دیت، دبه کو چهند کهس ئهندام بن یان ژی بهرێ ئهندام بوون ئهڤ پرسهک دنه، لێ وهک هێزهکه سیاسی چ بهلگهیهک نینه کو هێزهکه سیاسی وهک یەنەکێ ل پشت ڤێ مهسهلێ به.