سیاسی

نەبن دیلێ سیاسەتا پەكەكێ

ل ترکیێ‌ پرسا کورد ژ ئالیێ سیاسه‌تمه‌دار و ڕه‌وشه‌نبیران ڤه‌ ب ئاوایێن جودا دێتە گۆتوبێژ کرن. د ڕاستیا خوه‌ دا‌ که‌سه‌ک ژ ترکان پرسا کورد ل ترکیێ‌ وه‌ک پرسا مله‌ته‌کی کو خوه‌دی وه‌لاتن و وه‌لاتێ وان هاتیه‌ داگرکرن نابینه‌. ده‌ما تو ڤێ یه‌کێ نه‌بینی هه‌موو پرۆژه‌یێن چاره‌سه‌ریێ ڤالانه‌ و چ جارا ناگەهن ئه‌نجامه‌کی.

ل هەمبه‌ر ڤێ دیتنا سیاسه‌تمه‌دار و “ڕه‌وشه‌نبیرێن” ترک ، گه‌له‌ک مخابن کورد ب خوه‌ ژی پرانیا جاران د پەنجەرا ترکان ڕا ل پرسگرێکا کورد دنێرن و ل گۆرا ڤێ یه‌کێ ژی پرۆژه‌یێن چاره‌سه‌ریێ ڕادگەهینن. ژ سالا 1984 ێ وەرە ‌ پارتیا كاركەرێن كوردستانێ (پەکەکە) شه‌رێ چه‌کداری دکه‌، لێ شه‌رێ چیه؟‌ ئه‌و ب خوه‌ ژی نکارن تێبگەهن. تشته‌ک گه‌له‌ک ڤه‌کری هه‌یه‌ کو، شه‌رێ پەکەکێ نه‌ شه‌رێ سه‌رخوه‌بوونا کوردستانێ و هه‌روه‌ها نه‌ شه‌رێ ده‌ستخستنا مافێن ڕه‌وا یێن گه‌لێ کوردستانێ یه‌.

ترکیا‌ ب زانه‌بوون شیایە ‌ پرسا کوردی ل باکورێ كوردستانێ ب پەکەکێ ڤه‌ گرێبده‌ و ب وان بده‌ ناساندن. ئه‌ڤ یه‌ک ژ ئالیێ پرانیا کوردێن باکورڤه‌ ژی، مخابن، ب ڤی ئاوایێ هاتیه‌ قه‌بوول کرن.

پەکەکە و هه‌موو پارتی و ڕێخستن و ده‌زگه‌هێن پێڤه‌ گرێدایی، گه‌له‌ک ڤه‌کری ل دژی سه‌رخوه‌بوونا کوردستانێ رادوەستن. ب سه‌دان به‌یان و داخوویانیێن به‌رپرسێن هه‌ری بلند یێن پەکەکێ و ده‌ردۆرا وێ د ڤێ ده‌ربارێ ده‌ هه‌نه‌. ژ بەر ڤێ ژی مرۆڤ تێ ناگەهە که‌سایه‌تیه‌ک یان سیاسه‌تمه‌داره‌ک کو ژ بۆ سه‌رخوه‌بوونا کوردستانێ تێد‌کۆشه‌ چه‌وا دکه‌ڤه‌ د خزمه‌تا سیاسه‌تا پەکەکێ دا‌ و ل دژێ ئارمانجا خوه‌ ته‌ڤدگه‌ره‌. ئه‌ڤ پرسه‌ک هه‌ری گرینگه‌، هه‌ر ئینسانه‌ک سه‌رخوه‌بوونا کوردستانێ پپارێزه‌ و دۆزا مه‌فێن نه‌ته‌وەیی ل باکورێ کوردستانێ ژ بو گه‌لێ کورد بکه‌، چه‌وا‌ دکه‌ڤه‌ د خه‌فکا سیاسه‌تا پەکەکێ دا و ل دژی بیر و باوه‌ریا خوه‌ رادوەستە‌؟ ئه‌گه‌ر ئه‌ڤ جوره‌یێ ئینسانا ل خوه‌ بنێرن و بخوازن به‌رسڤا ڤێ پرسێ بدن، ئیحتماله‌ کو، ئەگەرهندک بە ژی، ڕێیا سیاسته‌ک کوردستانی ببینن.

د سیاسه‌تێ دا‌ دوروویی تاوانه‌کا مه‌زنه‌ کو مرۆڤ ل مله‌تێ خوه‌ دکه‌. نابە تو ژ ئالیه‌کی به‌حسا ده‌ستکه‌فتیێن نه‌ته‌وەیی بکی و ژ ئالیه‌ک دن هه‌موو پۆتانسیه‌لا خوه‌ بێخی د خزمه‌تا سیاسه‌ته‌کا چه‌وت و نه‌ کوردستانی دا‌. ئه‌ڤ یەك دورووییا سیاسیه‌ و پرسه‌کا ئه‌خلاقیه‌ ژی.

چێنابە تو د جڤاته‌ک ته‌نگ دا‌ ڕه‌خنه‌یێن هه‌ری گران ل سیاسه‌تا پەکەکێ بکی ود جڤاته‌ک به‌رفره‌ھ دا‌ وه‌سفێ سیاسه‌تا پەکەکێ بدەی. گه‌له‌ک جاران هنده‌ک ئینسان ژ بۆ کو پەکەکێ ڕه‌خنه‌ دکن ژ ئالیێ ڤان جوره‌یێ ئنسانان ڤه‌ تێنه‌ تاوانبار کرن و دبێژن: وه‌سا ‌ تووژ نەبن، هه‌رتشته‌کی نه‌بێژن و ب ڤێ یه‌کێ هه‌ولددن سیاسه‌تا خوه‌ یا دوروویی به‌رفره‌ھ بکن.

گه‌له‌ک ڤه‌کری، ب ده‌نگێ بلالێ حه‌به‌ش، به‌پرسێن پەکەکێ ، به‌رپرسێن هەدەپێ و سه‌لاحەدین ده‌میرتاش ژی د ناڤ دا، دبێژن “ئه‌م ژ بۆ ده‌مۆکراتیزه‌کرنا ترکیێ‌ خه‌باتێ دکن”، وه‌ک دن دبێژن “ئه‌م هه‌موو ب هه‌ڤره‌ ترکیه‌نه‌ و ئه‌م ناهێلن ده‌وله‌ته‌ک سه‌ربخوه‌ یا کوردا چێببه‌” باشه‌ سیاسه‌تمه‌داره‌ک ل هەمبه‌ر ڤان گۆتارا چه‌وا‌ دکاره‌ پشتگریا خوه‌ ژ بۆ وان رۆھن بکه‌؟

تشتا کو کوردا بینە با هه‌ڤ نه‌ دژتیا ئه‌ردۆگان یان ژی پارتیه‌ک دنه‌. تشتا کوردا بینە با هه‌ڤ به‌رژه‌وه‌ندیێن نه‌ته‌وەینه‌. بیر و باوه‌ریا کوردستانیه‌ . وه‌ک دن سیاسه‌تا دن سیاسه‌تا به‌رژه‌وه‌ندیێن که‌سایه‌تیه‌، سیاسه‌تا حەلاندنا كوردانە د ناڤ تركیێ دا.

ئیرۆ د ڤێ پێڤاژۆیێ دا‌ هه‌لوه‌ست ل هەمبه‌ر سیاسه‌تا پەکەکێ و هه‌موو پارتی، ڕێخستن و ده‌زگه‌هێن ب وێڤه‌ گرێدایی بوویه‌ پیڤانه‌نه‌ک به‌ربچاڤ یا نه‌ته‌ویبوونێ. “نیڤا وەریسی‌ نه‌گرن”، یان کوردستانی بن یان ژی هوون دێ مه‌حکومێ خزمه‌تا سیاسه‌تا ترکیه‌بوونێ د‌ا بن.

2020.07.14

Back to top button