مه‌ها ئادارێ ژ بۆ گەلێ کور مەھەكە تایبەتە. پرانیا شین و شاهیێن کوردا د مەھا ئادارێ دا نە. گه‌له‌ک بوویەرێن دیرۆكی، سه‌رکه‌فتن و کاراسه‌تێن مه‌زن یێن ب سەر گەلێ كورد دا ھاتنە د ڤێ مه‌هێ دا قەومینە وچێبوونه. هه‌ر سال د مه‌ها ئادارێ ژئ بۆنا ب بیرئانینا وان بوویەران گەلەك چالاكیێن جودا دھێن كرن.
ئادارا ئیسال یا سالا ۲۰۲۰ێ ل ھەر چوار پارچەیێن كوردستانێ، ھەما بێژە د ناڤ كوردێن دەرڤەیی كوردستانێ ژی، د ناڤ دیاسپۆرا كورد دا ژی بێ ده‌نگ ده‌رباس بوو، خه‌لکێ کوردستانێ، ژ بۆ پاراستنا به‌ده‌نا خوه و ساخلەمیا خوە ژ ڤیرووسا كۆرۆنایێ، د مالێن خوه دا ده‌رباس کرن.
د ده‌مسالا مۆده‌رن دا كۆرۆنا کاراسه‌تا هه‌ری مه‌زنه ب سه‌ر مرۆڤاتیێ دا هاتی. گه‌له‌ک وه‌لاتان نه‌کارین خوه ل هەمبه‌ر ڤێ کاراسه‌تێ بپارێزن. ترسه‌ک مه‌زن که‌تیە جیهانێ.
كۆرۆنا بوویە بەنیشتێ ناڤ دەڤێ ھەر كەسەكی و ئه‌ڤ پرسا كۆرۆنایێ یه‌که‌مه کو ل جیهانێ تێ گۆتوبێژ کرن.
جیهان ل هەمبه‌ر ڤێ ڤیرووسێ بێ چاره مایە. هنده‌ک وه‌لاتان ل گۆرا ئیمکان و زانه‌بوونا خوه ب ئاوایه‌کی خوه ژ ڤێ ڤیرووسێ پاراستن.
کوردستانا باشوور و حكومەتا وێ گاڤێن هێژا ئاڤێتن و کاری هه‌ڤوه‌لاتیێن خوه باش ژ ڤێ ڤیرووسێ بپارێزه. ته‌دبیرێ کوردستانێ ژ یێن گه‌له‌ک وه‌لاتێن ئه‌ورۆپایێ باشتر و سه‌رکه‌فتیتر بوون.
د ڤان ڕۆژێن دژوار کو مرۆڤاتی تێرا ده‌رباس دبە، ئەم نه‌ورۆزێ پیرۆز دکن.
مالپەرا مە، سبەھی، نەورۆزا ھەموو خاندەڤانێن خوە و گەلێ كورد ل ھەر چوار پارچەیێن كوردستانی و جەژنا ھەموو كوردان ل ھەر دەرا لێ بن پیرۆز دكن. ئەم ھیڤیدارین ھەموو ژ ڤیروسا كۆرۆنایێ پاراستی بن و سالەكا دوو ژ ھەموو بەلا و نەخوەشیان ژ بۆ گەلێ كورد دخوازین.
مالپەرا
www.sibehi.com
