سیاسی

هسد: ئه‌م دێ ته‌ڤلی لەشكەرێ ڕژێما سوریێ ببن

فه‌رماندارێ ھێزێن سوریا دەمۆكرات (هسد) ێ، مازلوم کۆبان دا خوویاکرن کو، ئه‌گه‌ر ستاتویه‌کی تایبه‌ت بدن وان ئەو دێ ته‌ڤلی هێزێن ڕژێما سوریێ ببن.

 سه‌رۆکێ ئەمریکایێ دابوو خویاکرن کو دێ ئەمریکا ژ سوریه‌ ڤه‌کشه‌. لێ به‌حسا ناڤەرۆكا پلانا ڤه‌کشاندنێ نه‌کربوو. ڕوسیا ژی د جھ دا دابوو خوویاکرن کو، ئه‌و جهێن ئەمریکی ژێ ڤه‌دکشن دڤێ هێزێن ڕژێما سوریێ ل وان دەڤەران بجھ ببن.

ترکیێ ژی ژ ئالیێ خوە ڤە ڕاگەهاند کو ژ بۆ ئه‌وله‌هیا سنۆرێ خوه‌، دێ ل دژێ هسدێ  بکه‌ڤه‌ وان ده‌ڤه‌ران. ژ به‌ر کو ترکیا ھەبوونا پککێ ل ده‌ڤه‌رێن سەر سنۆر ژ بۆ خوه‌ وه‌ک ته‌هدیدەكێ دبینه‌.

ل هەمبه‌ر ڤان داخوویانیان، هێزێن هسدێ هه‌ول ددن کو ل هه‌رێمێ بمینن. لێ پشتی بریارا ئەمریکا، ل سه‌ر داخوازیا ڕوسیا هه‌ول ددن کو بکه‌ڤن ناڤا هێزێن ڕژێمێ. ئه‌ڤه‌ ده‌مه‌که‌ هه‌ڤدیتن د ناڤبه‌را هسدێ و ڕژێمێ دا‌ پێکتێن. ڕوسیا چاڤده‌ریا وان ھەڤدیتنان  دکه‌.

فه‌رماندارێ هێزێن هسدێ دبێژه‌ کو، هه‌تا هه‌یڤه‌کا دن  ئەو دێ ل ڕۆژهلاتێ سوریه‌ پاشڤه‌مایینێن داعیشێ پاقژ بكن.

کۆبانی دبێژه‌: پشتی داعیش ب ته‌مامی ژئ ڤان دەڤەران بێ پاقژ کرن ھینگێ ئه‌گه‌ر سوریا‌ ستاتویه‌کی د ناڤا هێزێن خوه‌ دا بده‌ مه‌، ئه‌مێ ته‌ڤلی وان ببن. کۆبانی دبێژه‌ کو، ستاتوو ژ بۆ وان خه‌تا سۆره‌، لێ به‌حسا ناڤه‌رۆکا ستاتوویێ ناکه‌. کۆبانی د ڤێ ده‌ربارێ دا گۆت: باکورێ سوریێ د بن کۆنترۆلا مه‌ دا یه‌. مه‌ داعیش پاقژ کریه‌، ئه‌گه‌ر ئه‌م نه‌بن ئارتێشا سوریێ نکاره‌  وان ده‌ڤه‌رێ کۆنترۆل بکه‌. هه‌ڤدیتنێن مه‌ د گه‌ل ڕژێمێ به‌رده‌وامن. لێ هێژا ئه‌م نەگەھشتنە ئه‌نجامه‌کی

Back to top button