ژ ڕۆژا پەکەکە هاتی دامهزراندن ههتا وهک ئیرۆ ئەو کهسان ڕاستیا پەکەکێ دزانی و ئهو راستی ل گۆرا ئمکانێن خوه ژ ڕایا گشتی یا کورد را و ژ ئالیێن سیاسی را دا ئاشکرا کرن. لێ مخابن دهولهتێن داگیرکهر کو پشتهڤانیا پەکەکێ دکرن ڕێ نەدان ڤێ یهکێ و ب پتر ههولددان پەکەکێ ژ بۆ ئارامانجێن خوه ب هێزتر بکن.
پەکەکە ب کۆنرۆلا دهولهتا کوور یا ترکی هاته دامهزراندن، بوو سخوورێ موخاباراتان (دهزگههێ ئیستخباراتا سووری)، بوو سیخوورێ ئیستخباراتا ئیرانێ و ههروهها ب ههموو ئاوایی ل دژێ سهرهلدانا کوردێن باشوور ههڤالتیا رژێما سادام کر.
بێگومان ئهڤ بابهت گهلهکی درێژه و ب ههزارێن بهلگه ههنه کو، ڤێ راستییێ ئیسپات دکه. ئانکو ئاڤ تشتەکە کو پەکەکە پئ بهێتە تاوانبارە کرن.
پەکەکە ب هاریکاری و پلانێن رژێما بشار ئهسەد ە ب هاریکارییا ئیران و ئیراقێ د سالا ۲۰۱۱ێ دا ل ڕۆژاڤایێ کوردستانێ بوو خوهدیا دهستهلاتێ و د دهما شهرێ دژی داعشێ دا ههڤپهیمانیا ناڤدهولهتی و ئامریکایێ، هسد ئاڤاکر و گهلهک عهشیرێن عهرهبان تهڤلی هسدێ کرن. ڤێ یهکێ قادا دهستهلاتا هسدێ بهرفرەههتر کر.
پشتی دهمهکی ب داخوازیا ئامهرکایێ، ترکیێ ههرێما عهفرین و پاشی ژی دهڤهرێن وهک سهرێ کانیێ، گرێ سپی و هندهک جهێن دن ژ دهستێ هسدێ دهرخستن. هسدێ سیاسهتا پەکەکێ ڕێڤه دبرا و ههموو ئیمکانێن داهاتێن ههرێما کو هسد لێ دهستهلات بوو ڕادهستی پەکەکێ (قهندیل) دکرن.
هسد/پەکەکێ ل ڕۆژاڤایێ کوردستانێ، زۆردهستیهک مهزن ل ئالیێن کوردێن کو نه د خهتا وانده بوون دکر. ئهندامێن پارتی و ڕێخستنێن کوردا درهڤاندن، دگرتن و هندهک ژ وان دکوشتن. ئۆفیس و ئاڤاهییێن ڤان ڕێخستنا دشهوتاندن و سڤکاهی ل ئالا کوردستانێ دکر. ئالا کوردستانێ ل ههرێما خوهسهریا د ب دهستێ پەکەکێ دا قهدهخه کرن.
ئهڤ تهنێ چهند خالێن سهرهکهنه کو مرۆڤ بهیس دکه. ب سهدان، ههزاران کریارێن وان ل دژێ هەبوونا کوردان ههبوون. ڕێخستنهک تهرۆریست ب ناڤێ ”جوانێن شۆرهشگهر ” چێکرن و ب ڕێیا وان ههموو کارێن دکرن، یا ژ ههموویێ خرابتر زارۆکێن کوردا هینێ بکارانینا مادهیێن هشبهر کرن و ئهڤ یهک بهلاڤ کرن.
یانی ب کورتی پەکەکە ههرچقاس ب ناڤێ کوردا دهرکهتبه هۆلێ، لێ چو تێکلیێن وان ب کورداتیێ و دهستخستنا مافێن ڕهوا یێن کوردا را نەبوویە.
لێ مخابن گهلهک ئالیێن سیاسی ژی وهک دهولهتێن داگیرکهر پەکەکە ب بکارئانین و ژ بۆ ڤێ ژی جار ب جار پشگریهک بهێز ددان پەکەکێ.
گهلهک، ئەگەر ب کورتی بە ژی بهحسا پەکەکێ هاته کرن. لێ گهلۆ ئالیێن دن یێن سیاسی ل باکورێ کوردستانێ ما نهبوون ئەگەرا پێشکهتنا پەکەکێ؟ گهلۆ کهسهک د ڤی واری دا ڕۆژهک ژ ڕۆژا خوه ڕهخنه کر. دهمهکی ژ بۆ ههڤکاریا ل گهل پەکەکێ گهلهک ڕێخستنێن کوردێن باکور کهتن د ناڤ پێشبرکێ دا داکو ب هەڤالبەندیا پارتییا میتێ ببن پارلهمهنتهر یان ژی ژ بۆ سهرۆکهکی شهرهداریهکی ل گهل پەکەکێ ههڤکاری کرن. یانی د ڤێ خالێ دا بوون شریکێ تاوانێن پەکەکێ.
مهبهست ژ پارتییا میتێ هەدەپە بوو. رۆژا ١٣\٢\٢٠٢٥ ێ بهشیر ئاتالای جگرێ سهرۆکوهزیر بوو و کۆئۆردیناتۆرێ پێڤاژۆیێ بوو. ئاتالای د بهرنامهیهکا تهلهڤزیۆنێ دا گۆت: هەدەپە، کو د دهما پێڤاژۆیێ دا ب رێنمایێن ئۆجەلان و میتێ (تهشکیلاتا ئیستیخباراتا نهتهوهیی یا ترکیێ) هاتیه دامهزراندن، ژ دامهزراندنا خوه ڤه جارا یهکهم ڕۆلهکا ئهوقاس واتهدار لیستیه و گۆت، “بەدەپە-هەەدپە د ڤێ خهباتێ دا ڕۆلهکا گرنگ گرتنه سهر خوه. سهلاحهدین دهمیرتاش، نامزهتێ سهرۆکۆماریێ یێ هەدەپێ، ههر کو دچه نێزیکاتیهک سیاسی یا ئالیگرێ ترکیهیێ دشۆپینه.”
یا بالکێش ئهوه کو، چو جارا کوردان سهرێشییا هەدەپێ/دهم پارتییێ نهکریه. کهسایهتێن نه کورد، چهپێن کهمالست ئهڤ یهک کرنه کو، د خزمهتا دەولهتێ دا بوون.
ههردهما ئالیهک یێ کوردا نێزکاتیهک ل گهل پەکەکێ کریە خوهسریه و پەکەکێ ئهو ژ بۆ ئارمانجێن خوه ب کارانیه.
د ڤێ یهکێ دا گهلهک کهسایهت و سیاسهتمهدار ههبوون کو، چو جارا ل همبهر پەکەکێ خوه وندا نهکرن و ل گۆر مهجالا خوه ب مێرانی ل همبهر پەکەکێ راوەستان، پەکەکە ڕهخنه کرن و چو جارا باوهر نهکرن کو، پەکەکە پارتییهک کورد یان ژی کوردستانی یه. لێ مخابن هێژمارا ڤان کهسان تلیێن دهستا دهرباس ناکن. ژ ئالیهک دن ژ بلی کهسایهتان، تهنێ پرانیا ئهوێن کو، خوه بهردهواما سیاسهتا پدکت(کوک)دتیتان چو جارا نهکهتن خهفکا سیاسهتا پەکەکێ دا. پرانییا وان ئیرۆ ژی دکارن شانازیێ ل ڤێ یهکێ بکن. لێ مخابن د ناڤ ڤێ کۆمێ دا ژی یێن خوه ل همبهر بهرژهوهندیێن پەکەکێ پێشکێشی وان کرن نهکارین بسهکنن و خوه ڕادهستی پەکەکێ کرن ههبوون.
گرنگیا ڕۆژاڤایێ کوردستانێ یا ههری بهربچاڤ یهک ژی ئهو بوو کو، ڕاستییا سیاسهتا پەکەکێ د دهربارێ کوردان دا د چاڤێن ههموو کوردان دا ئاشکهره بوو، پەکەکە هاته ناسکرن. لێ مخابن ههتا پەکەکە هاته ناسکرن کوردستانێ ژی گهلهک تشت وندا کرن.
خوهدیدهرکهتنا کوردان ل ههموو دهڤهرێن جهانێ یا ڕۆژاڤایێ کوردستانێ، ژ بۆ پاشهرۆژهکی ژی وهک هیڤیەک مهزن دهرکهت هۆلێ. تایبهتی ڕۆلێ سهرهکه یێ سهرۆک بارزانی و سهرۆکێ ههرێما کوردستانێ نێچیرڤان بارزانی داخوویاکرن کو، کورد نه بێ خوەدانن. خوهدیلێدهرکهتنا باشوورێ کوردستانێ و ڕۆلێ کو سهرۆک بارزانی و سهرۆکێ ههرێما کوردستانێ نێچیرڤان بارزانی لهیزتین بوو وهک گارانتیەکێ بۆ پێشهرۆژا کوردستانێ.
لێ ههتا کو کورد، ئالیێن سیاسی یێن کوردا ڕاستیا پەکەکێ تێنهگەهن نکارن ب ئاوایهک زهلال پێشیا خوه ببینن.
۲۳.۲.۲۰۲٦
نێرین / شرۆڤه
ن.فرات
