هه‌لبه‌ستڤان خورشید ئەحمەد بیبۆ پیرۆمەری، ئه‌ڤرۆ رۆژا چارشه‌مبى رێكه‌فتى 18/6/2025ێ وەغەرا دویماهیێ کر، خودێ ژێ رازى بيت و جهێ وى به‌هه‌شت بيت.
ره‌حمه‌تى ل سالا 1955ێ ژ دايك ببوو، كه‌سه‌كێ جڤاكى يێ به‌رنياس بوو، خودان دله‌كێ ڤه‌كرى و سوحبه‌ت خۆش بوو، ژ بلى نڤيسينا هه‌لبه‌ستێ، وه‌كو مێشه‌ڤانه‌ك هاتبوو نياسين و ده‌مه‌كى سه‌رۆكێ كۆمه‌ڵا مێشه‌ڤانێن دهۆكێ بوو. هه‌روه‌سا هه‌ڤاله‌كێ نيزيكى ره‌حمه‌تى هونه‌رمه‌ند ته‌حسين تاهاى بوو، پشتى وه‌غه‌ر كرى، ب خه‌ملاندن و چێكرنا گۆڕێ وى ڕاببوو. هه‌ژى گۆتنێ يه پترييا ئه‌رشيفێ هونه‌رمه‌ندى ل نك وى يێ پاراستى بوو. ژبلى نڤيسينا هه‌لبه‌ستێ ل سه‌ر شۆپا كلاسيكان ب كراسه‌كێ نوى، هه‌روه‌سا گرنگى ددا په‌يڤ و واتايێن وان د زارێ كرمانجى دا. شييا په‌رتووكه‌كێ ل دۆر ڤێ چه‌ندێ بگه‌هينته چاپێ، كو داخواز ژ مه كر پێشگۆتنه‌كێ بۆ بنڤيسين، پشتى مه په‌رتووك خاندى و هنده‌ك تێبينى داينێ و پێشگۆتن مه بۆ نڤيسى. هه‌روه‌سا كۆمه‌كا ديوانێن هه‌لبه‌ستان چاپكرينه، وه‌كو:
1- به‌يان به‌يان بوو.
2- هه‌مبێزه‌ك د گه‌ل هه‌لبه‌ستان.
3- سۆزمان.
4- خۆرزان- هه‌ڤپشكه د ناڤبه‌را وى و سۆزان عه‌بدالهادى دا.
5- باخچێ ئه‌ڤينێ – ئه‌و ژى يا خورشيد و سۆزانێ يه.
6- چل و چار چرا.
7- 2 دل و 1 هيڤى.
8- په‌يڤه‌ك و چه‌ند ڕامان.
د چالاكييێ، ئه‌ده‌بى دا، به‌رهه‌ڤييه‌كا باش هه‌بوو، گرۆپێ (فه‌له‌ك) ل گه‌ل چه‌ند هه‌ڤاله‌كان برێڤه دبر كو گرنگى ددا چالاكييێن ئه‌ده‌بى.
چاڤكانی:فێسبۆكێ ئیسماعیل بادی
