سیاسی

هه‌ڤپه‌یمانیه‌كا ته‌ڤایی دكارە ببە مزگینیا نه‌وروزێ

هه‌ڤپه‌یمانیه‌كا ته‌ڤایی دكارە ببە مزگینیه‌كا مه‌زنا نه‌وروزێ ژ بو گه‌ڵێ مه‌

 ل باشورێ كوردستانێ، سه‌ر بارێ ھەبوونا ھندەك تێبینیان لسه‌ر ڕێكه‌فتنا ڤێ داویێ یا ناڤبەرا پارتیا دەمۆكراتا كوردستانێ (پارتی) و یەكێتیا نشتمانیا كوردستانێ (یه‌كێتی) لێ دیسان ژی ژ بو ڤێ قۆناخا دەڤەر ب گشتی و كردستانێ ب تایبەتی تێدا دەرباس دبە،   ئەو رێكەفتن پێنگاڤه‌كا گه‌له‌ك ل جهێ خوە و پێویست و گرنگە.

پرسیار ئه‌وه‌؛ گه‌لو ئە چ ئاریشه‌ و پرسگرێكێن  هند مه‌زن بون كو ھەر دوو حزب زێدەتر  ژ ٤ هه‌یڤان نه‌شیان  لئ ھەڤ بكن و حكومه‌تێ پێك بینن، لێ به‌لێ ب كومبونه‌كا ٤سەعه‌تی هه‌ڤپه‌یمانه‌كا ٤ سالی دگه‌ل هنده‌ مه‌رج و ڕێنیشانده‌ریان ئیمزا كر.

 گه‌لو ئه‌و شەرت و مه‌رج چ بون‌ هند گرنگ كو ھەر دوو حزب د ناڤا ٤ هه‌یڤان دا نه‌كارین وان مه‌رجان بجێ بینن و چما به‌ند و مه‌رجێن وێ رێكەفتنێ ژ رایا گشتی ژ بو جه‌ماوه‌رێ كوردستانێ خویا نه‌ كریه‌؟

 ئیرو هه‌ڤپه‌یمانیه‌ك د ناڤبەرا یه‌كێتی و گوران دا هه‌یه،‌ هه‌ر وه‌سا هه‌ڤپه‌یمانیه‌ك دناڤبه‌را پارتی و یه‌كێتیێ دا چێ بویه‌ ، گوران و پارتی ژی لهه‌ڤهاتینه‌ ژ بو پێك ئینانا حكومه‌تێ، هه‌ر وه‌سا گوران كه‌یفخوشیا خوه‌ ل ھەمبەر رێكەفتنا پارتی و یەكێیێ  نیشان دا. ئانكو زمینەك گەلەك خوەش ھەیە ھەر سێ ئالی؛ پاری، یەكێتی و گوران ل سەر پرۆژەیەك نشتمانی رێكبكەڤن و ھەڤپەیمانیەكا سێ ئالی ێمزا بكن و نابگ ل ئالیێن دن یێن باشوورێ كوردستانێ بكن كو ئە ژی بكەڤن ناڤ وێ ھەڤپایمانیێ .

پڕ باش دبە كو ئیرو هیمه‌ته‌كێ بكه‌ن و دلێ گه‌لێ مه‌ خوه‌ش بكه‌ن بو نه‌ڤروزێ و هه‌ر سێ حزب پەیمانەكا ته‌ڤایی پێك بینن.

د ڤێ قۆناخێ دا ژبۆ كوردان گرنگە یەك به‌رنامه‌و داخاز هه‌بن بو پاشه‌ڕوژا كوردان ل باشوورێ كوردستانێ و ده‌رگه‌هی ژ بو حزبێت كوردی یێن دن ژی ل باشور ڤه‌كه‌ن ، وێ گاڤێ دێ بەرەیەك بھێز چێبە  و دوژمن دێ هزره‌كێ بو كوردان بكە.

ئامادەكرن: نەوزاد بەرواری

Back to top button