هێمن هه‌ورامی گۆت کو، د ڤێ قۆناخا نوو یا سووریێ دا دڤێ پەیەدە خوه ژ پەکەکێ دوور بکه .
ڕۆژا چارشه‌مێ، ١٧\١٢\٢٠٢٤ هێمن هه‌ورامی، به‌رپرسێ نڤیسینگەها ڕێخستنێا پارتییا ده‌مۆکراتا کوردستانێ دپانەلەکێ دا ل هەولێرێ گۆت: کلیلا پاراستنا پێگه‌هێ کوردان ل ڕۆژاڤایێ کوردستانێ د ڕه‌وشا نوها یا سووریێ دا ئه‌ڤه کو، پێدڤی یه پەیەدە هه‌موو تێکلیێن خوه ب پەکەکێ را قوت بکه و ب فه‌رمی ڕابگەهینه کو ئه‌و هێزه‌کها کوردی کوردستانی یه د چارچۆڤه‌یا پێڤاژۆیه‌کا ئاشتی و ده‌مۆکراسی دا د چارچۆڤه‌یا سووریێ و د ناڤا سووریێ دا خه‌بات دکە. ب فه‌رمی ڕابگه‌هینه کو وان چو په‌یوه‌ندیه‌ک ئیدۆلۆژیک، ڕێخستن و فکری ب ڕێخستن و سه‌رۆکێن پەکەکێ را نینه. هه‌که ئه‌و ڤێ بکن، ئه‌و دێ پشته‌ڤانیا هه‌رێما کوردستانێ و پشته‌ڤانیا ناڤده‌وله‌تی ژی ب ده‌ست بخن.
هه‌ورامی وها گۆت: دیرۆکێ ئیسبات کریه کو هه‌رێما کوردستانێ پشتەڤانیەک مه‌زن ژ ڕۆژاڤایێ کوردستانێ را بوویه، د ڕێکه‌فتنا هه‌ولێرێ یه‌ک دا، ڕێکه‌فتنا هه‌ولێرێ دو، ڕێکه‌فتنا دوهۆکێ، شاندنا پێشمه‌رگه بۆ کۆبانێ، ئالیکاری و پشته‌ڤانیا شه‌رێ ل دژی داشێ دا.
هه‌ورامی گۆت: کوردستان ئاخا هه‌موو کوردانه، لێ ته‌ڤی ڤێ ژی پشته‌ڤانیا سه‌رۆک بارزانی و سه‌رکردایه‌تیا مه ژ بۆ وێ یه‌کێ بوو کو، ل وێرێ یه‌کرێز و یه‌کده‌نگ بن، گه‌لێ کورد ل ڕۆژاڤا یه‌کده‌نگ بن و بکارن ل سه‌ر چارچۆڤه‌یه‌کێ ل هه‌ڤ بکن، بلا جوداهیێن حزبی و ئیدۆلۆژیک هه‌بن، لێ ل سه‌ر مژارێن سه‌ره‌کی یێن مافێن گه‌لێ کورد ل ڕۆژاڤایێ کوردستانێ د چارچۆڤه‌یا سووریەیا نوو دا یه‌ک بن. د ڤێ چارچۆڤێ دا سه‌رۆک بارزانی د داخویانیه‌کێ دا پشتگیری و پیرۆزباهی ل چه‌ند داخویانیێن سه‌رۆکێ ده‌سته‌یا ته‌حریر شام کر، ژ به‌ر کو به‌رێ ئه‌ڤ هه‌لوه‌ست د ناڤ ده‌ستهلاتدارێن سووریێ دا نه‌بوویه. ئه‌م هێڤیدارن کو ئه‌ڤ هزر و رامانێن ب ڤی ئاوایی بکەڤن وارێ پراکتیکێ دا کو گه‌لێ کورد بگەهیتە مافێن خوه یێن ڕه‌وا د ناڤا سووریێ دا.
هێمن هاورامی ته‌که‌ز کر کو سه‌رۆک بارزانی هه‌ر گاڤ ڕۆله‌ک گرینگ و بریاردار لیستیه و گۆت: گه‌ر سه‌رۆک بارزانی نه‌بوویا کۆبانێ دا کەڤیت و پێشمه‌رگه نه‌دکاری بگەهە کۆبانێ. دپلۆماسیه‌تا سه‌رۆک بارزانی کاری قه‌نائه‌تێ ب ئامه‌ریکا و ترکیێ بکه کو، هێزێن پێشنه‌رگه بچن کۆبانێ. هینگێ سه‌رۆک بارزانی سه‌رۆکێ هه‌رێما کوردستانێ و فه‌رماندارێ هێزێن چه‌کدار یێ کوردستانێ بوو، وی ڕۆله‌ک گرینگ و بریاردار لیست.
