ل گۆرا هنده‌ک ئاگاهیان، ل بنگه‌هێ ئینجیرلیک ئا ئەمریکایێ ل ترکیه‌یێ د ناڤبه‌را شانده‌کا هەسەدێ و شانده‌کا حکومه‌تا ترکیه‌یێ یا د بن چاڤده‌ریا وه‌زاره‌تا کارێن ده‌رڤه یا ئەمریکایێ دا هه‌ڤدیتنه‌ک پێک هات.
شاندهیا هەسەدێ ب سه‌رۆکێ پارتیا یه‌کیتیا ده‌مۆکراتیک (پەیەدە) سالح موسلم و شاندەیا ترکیێ ژی ب سه‌رۆکاتیا جیگرێ وه‌زیرێ ده‌رڤه یێ ترکیێ نوح یلماز ججیانه بوو.
د جڤینا ل ئینجیرلیکێ دا ل سه‌ر ئاگربه‌سته‌کا به‌رفره د بن چاڤدێریا ئەمریکایێ دا هه‌ر دو ئالیان ل هه‌ڤ کرن. کی ئاگربه‌ستێ بنپێ بکه، دڤێ زێده‌تر تاویزان بده یێ دن، ژ به‌ر کو ل هه‌ڤکرن کو هه‌موو پرسگرێک ب ڕێیێن دیپلۆماتیک و دیالۆگێ بێن چاره‌سه‌رکرن.
لهه‌ڤهاتکرن کو، یەپەگە ب ته‌مامی وه‌ره هلوه‌شاندن و ته‌ڤلی هێزێن سووریه‌یا ده‌مۆکراتیک ببه و د ئه‌نجامێ دا دێ د ناڤا ئارتێشا عه‌ره‌ب یا سووریه‌یێ دا تکەل ببە. هاته پشتراستکرن کو چ ل ناڤخوەیی و چ ل ده‌رڤه‌یی سووریێ دێ ل دژی ترکیێ چو چالاکی نه‌یێن کرن. گه‌ر ئه‌ڤ یه‌ک ب ته‌مامی پێکنه‌یێ، دێ په‌یمان به‌تال ببه و مافێ ترکیه‌یێ هه‌یه کو ئۆپه‌راسیۆنێن له‌شکه‌ری پێک بینه.
ترکیە نها ڕێڤه‌به‌ریا سڤیل یا هەسەدێ ناس ناکه، هه‌تا کو نه‌یێ ئیسباتکرن کو نیه‌تا هەسەدێ زرارێ ناده به‌رژه‌وه‌ندیێن ترکیێ ل سووریێ و هه‌رێمێ ب گشتی.
پشتی، قه‌بوولکرنا ڕێڤه‌به‌ریا سڤیل یا هەسەدێ ژ ئالیێ ترکیێ ڤه، د چارچۆڤه‌یا شه‌رت و مه‌رجێن حکوومه‌تا سووریێ دا، ب گارانتیێن فرانسا، ئەمریکا و هه‌رێما کوردستانێ ژ بۆ هه‌ر دو ئالیان دێ وه‌ره گۆتووبێژکرن.
ژ مافێ ترکیێ یه کو ده‌وریه‌یێن که‌شفێ یێن لگه‌ل هێزێن ئەمریکایێ و سووریێ ب شێوه‌یه‌کی سێ ئالی هه‌ڤبه‌ش ل ناڤچه‌یێن هەسەدێ پێک بینه دا کو پشتراست بکه کو چو گه‌ف ل سه‌ر ترکیێ ژ ڤان ده‌ڤه‌ران ده‌رناکه‌ڤه. ئه‌ڤ یه‌ک ده‌مکی تێ هه‌سباندن هه‌تا کو هه‌می ناکۆکیێن تێکلدار بێنه چاره‌سه‌ر کرن، ئه‌ڤ ده‌وریه دێ بێنه به‌تال کرن.
ترکیێ چوونا پێشمه‌رگه‌یێن ڕۆژاڤا ژ هه‌رێما کوردستانێ بۆ ناڤ سووریێ و بجهکرنا وان ل هندەک خالێن ل سه‌ر سینۆرێ ترکیێ و سووریێ فه‌رز کریه. ئه‌ڤ هێز دێ وه‌که زێره‌ڤانێن سینۆر ته‌ڤلی هێزێن سووریا ده‌مۆکراتیک (هەسەد) ببن و دێ د ناڤا ئارتێشا سووریێ دا ب فه‌رمانداریا هەسەدێ جیهبگرن.
هاته پشتراستکرن کو چ ل ناڤخوەیی و چ ل ده‌رڤه‌یی سووریێ دێ ل دژی ترکیێ چو چالاکی نه‌یێن کرن. ئه‌گه‌ر چالاکیه‌ک ل دژێ به‌رژه‌وه‌ندیێن ترکیێ بێ کرن، ئه‌ڤ لهه‌ڤنه‌کرن ب ئاوایه‌کی ئۆتۆماتیک به‌تال دبه و مافێ ترکیێ هه‌یه کو ئۆپه‌راسیۆنێن له‌شکه‌ری پێک بینه و بکه‌ڤه ڕۆژهلاتێ فراتێ.
