ناجح بێجانی
هەلبژارتن و دیموکراسی دو بنەمایێن سەرەکینە بۆ هەر وەلاتەکێ کو سیستەمێ حوکمرانیا وان دیموکراسی بت، ئەو ژی ٤-٦ سالان هەلبژارتن دهێنە کرن و ب ڕێیا سندوقێن دەنگدانێ کو، هەتا نوکە پروسێسا هەرا سەرکەفتی یە د گوهارتنا دەستهەلاتێ دا ب ئاشتیانە و دویر ژ کۆدەتا و خوەسەپاندنێ، چونکو شەرعیەتا دەستهەلاتێ ژ ئەنجامێن دەنگدانێ وەردگرن. د سیستەمێن بڕێڤەبرنا هەر وەلاتەکی ژی دا جوداهیا هەی، ل کوردستانێ ژی بەرەف هەلبژارتنێن خولا شەشێ یا پەرلەمانێ کوردستانێ کو، پارتیێن دەستهەلاتدار و ئۆپۆزسیون هەر ئێک، ل دویف وان پلان و پڕوژەیێن بەرنامێ ئینتخابی دا، دێ کەڤنە هەوا بانگەش و کێبڕکیەکا گەرم و گوردا و هەول دەن دەنگدەری ڕازی بکن وسرنجا وان ڕاکێشن جارەکا دیتر دەنگێ بدەنێ و ببن جهێ باوەریێ و بۆ خوەشگۆزاری و ژیانەکا ئارام و خۆشت.
ژ لایەکێ دیڤە حزبێن ئۆپۆزسیون ژی بۆ رازیکرنا دەنگدەری کێماسیێن ژ پارتێن دەستهەلاتدار دیتی دێ بەرچاڤ کەن و ب رێیا چەند درووشمێن کو ئەو ژی دزانن نەشێن جێ بەجێ بکن ب تنێ دا بگەهن دەستهەلاتێ پاشی دێ ھەول دەن بەهانا پەیداکەن و وەکە کورد دبێژن: (بارێ هێجەتا گڕانە) ژ لایەکێ دیڤە سیستەمێن هیچ دەولەتەکێ دا نینە بەری هەلبژارتنا کورسی ل سەر پارێزگەها بهێنە دابەشکرن، ئەڤە وێ چەندێ د گەهینت یان ژ کێمباوەریێ یە، یان ژی ئەم هێشتا بدوڕستاهی نزانن دیمۆکراسیەت چ یە؟ ب بیروبۆچوونێن من نە سیستەمەکێ سەرکەفتی یە بۆ کوردستانێ، ژ بەر کو ڕێژەیا بشکداریکرنێ چەند یا کێم ژی بت کارگەریێ ل سەر کورسیێن پارێزگەها نابن بۆ پەرلەمانی. ژ لایەکێ دیڤە هندەک کەسانێن بناڤ سەربەخوە دێ پشکدار بن وچێدبیت د بەرژەوندیا لایەکێ نافخوەیی یان هەرێمایەتیێ ژی دا بن و ئەز ب دویر دبینم نوونەرێن وان سەربکەڤن.
لێ یا من دڤێتن ئاماژێ پێ بدەم تشتەک نۆرمال و سروشتیە وهەر کەس لایەنەک یێ ئازادە د هەوا هەلبژارتینان دا بزاڤێ بکت و دویر ژ کەرب و کین و توندوتیژیێ و ئێکدوشکاندنێ و بریندارکرنا هەستێ ئێکدو، باشترە ب ئەزمانەکێ نەرم و دپلۆماسیەت ئەم هەمی خەلکێ ڤێ هەڕێمینە و پێدڤیا مە ب ئێکدو هەیە بۆ پێکڤەژیانێ و ئارامی و ئاشتییا کومەلایەتی بپارێزن. دەنگدەر ژی یێ ئازادە دەنگی خوە بدەت و چ لایەکی هەلبژێرت، دەنگدەر ژی هەیە هێشتا باوەری بۆ دورست نەبوویە دەنگێ خوە بدەتە چ لایەکی یان بەربژێرەکی، وەکو ئەرک ژی ل سەر وان پارتیێن کو دەستهەلاتێ وەردگرن ژ بیر نەکن ئەو سۆزێن داین جێ بەجێ بکت، حکومەتەکا ئیتلافی ل هەرێما کوردستانێ پێکبینن باشترین چارەسەرە، ئەڤە ژی ل سەر کاودانانان دمینت کا چەند دێ شێن ب هەڤڕا ب ئنیەتەکا پاقژ و دویر ژ دەستوەردانێ، یان ژی وەکو جاران ب رۆژ د ناڤ دەستهەلاتێ دا بن و ب شەڤ ببن ئۆپۆزسیون و هەر ئاریشەکا بهێتە پێش خوە ب بەرپرس نەبینن.
ب بۆچوونا من دورستبوونا کابینەیا دەهێ یا حوکمەتا هەرێمێ دێ ڤەکێشێت، ژ بەر کو چوو حزب نەشێن ٥٠+١ دەستڤەبنین و گوهارتن دسیستمێ هەلبژارتنان دا و دابەشبوون بۆ چار بازنان، لەوما پێدڤییا وان ب چەند لایەنەکا هەیە، گریمان پارتی بۆ یا ئێکێ، پشتی ئەوا ل ئەنجومەنێ پاڕێزگەهێن میسل وکەرکوکێ دژی پارتی کرن دێ ڤێجارێ پارتی قوربانییێ ب دەنگدەرێ خوە دەن، ئەز باوەر دکم دێ ئالۆز بت وهەر چەندە پێکڤە ژی بن پێدڤی لایەنێ سێ هەیە ئەو ژی حزبەکا ئیسلامی یە، باندۆرا دەولەتێن هەڤسویێن مە ژی ژبیرنەکن کو کارتێکرن یا هەی ل سەر و بڕیارێن وان نە سەربەخوەنە دێ پتر دورستکرنا کابینەیێ ب زەحمەت بت و تەنها دوژمنێن مە دێ قازانج دکن ژ ڤان کاودانان.
یا ژ هەمیا باندۆرتر هەمی دژی پارتی دئاخڤن و جهێ حێبەتیێ یە، بەلکو د بانگەشا هەلبژارتنا ژی دێ پتر یا خۆیا بت د ئێک چەپەردانن دژی پارتی و ئەڤە ژی نە یاڕەوایە پتر دشیاندانە هەڤسەنگیەکێ دورست بکن و داکو ئەم بشێن ل بەغدایێ ئێکرێز بن، لێ یا دویرە ژ کەتواری جهێ چارەسەرکرنێ دێ پتر بەرەف ئاریشا چن و ئارامییا کومەلایەتی و پێکڤەژیانیێ دئێختە مەترسیێ دا ، کیانێ مە یێ نیمچە سەربەخوە دکەڤتە دبن گەڤێن داگیرکەران دا چاڤەرێ هندێ نینە ولایەن ژی هەیە خوەزییا دخوازیت کاودان ب ڤی رەنگی بن، چونکو نەئارامی د بەرژەوەندیا وان دایە دویر ژ بەرپرسیارەتیێ.
