نێچیرڤان بارزانی سەرۆکێ هەرێم اکوردستانێ د پەیامەکێ دا پیرۆزباهیێ ل سهرۆک، دهستهیا ڕێڤهبهریێ و ئالیگرێن یانەیاوهرزشی یا زاخۆیێ یانەیا زاخۆیێ دکە و دبێژە :ئهڤ ناسناڤێ جیهانی نه تهنێ سهرکهفتنهکه ژ بۆ یانەیا زاخۆیێ، بهلکو شانازییەکە ژ بۆ هەموو تهڤگهرا وهرزشی ل ههرێما کوردستانێ و ئیراقێ.
ئهڤ ژی دهقێ پهیاما سهرۆکێ هەرێما کوردستانێ یه:
ڕێزداران: سهرۆک، دهستهیا ڕێڤهبهریێ و ئالیگرێن یانەیا وهرزشی یا زاخۆیێ،
ئهز ب گهرمی ڤێ دهستکهفتیا وه یا جیهانی پیرۆز دکم، کو تێ دا پشتهڤان و جەماوەرێ دلسۆز یێن یانەیا زاخۆیێ ژ ئالیێ فیفایێ ڤه وهکی جەماوەرێ ههری باش و ب باندۆر ل سهر ئاستا جیهانێ هاتن دهستنیشانکرن.
ئهڤ ناسناڤێ جیهانی نه تهنێ سهرکهفتنهکه ژ بۆ یانەیا زاخۆیێ، بهلکو شانازییەکە ژ بۆ هەموو تهڤگهرا وهرزشی ل ههرێما کوردستانێ و ئیراقێ.
وه ب جۆش و کهلهجانی و ب ئاوایهکی شارستانی یێ ئالیگریێ، یاریگهها خوه کرن تابلۆیهکا هونهری یێ خوەشک و پهیاما ئاشتی، ڤیان و ژیاندۆستییا گهلێ کوردستانێ گەهاندە جیهانێ.
دلسۆزی و وهفادارییا خهلکێ حهزکری یێ زاخۆیێ ژ بۆ یانەیا خوه، میناکهک بلنده. هێڤیدارم وەک ههر دهم پێشهنگ بمینن و پشتگریهکا خورت بن ژ بۆ پێشڤهچوونا وهرزشێ و بلندکرنا ناڤێ کوردستانێ
دلسۆزیا خهلکێ زاخۆیێ ژ بۆ یانەیا خوه میناکهک مهزنه. ئهز هێڤی دکم کو ئهو ههر گاڤ وەک پێشەنگ بمینن و ژ بۆ پێشخستنا وهرزشێ و بلندکرنا ناڤێ کوردستانێ پشتەڤانێن ب هێز بن .
دوباره پیرۆزباهیێ ل وه دکم و ههر سهربلند و سهرکهفتی بن.
نێچیرڤان بارزانی
سهرۆکێ ههرێما کوردستانێ
۱٦/۱۲/۲۰۲٥
