ویكیلیكس: بارزانی رازی نەبوو چەك و ھێزێ ل دژی پككێ بكار بینە
ویكیلیكس، ژ ده‌ڤێ ئه‌حمه‌د داڤودۆگلو، فشار و گڤاشتنێن ترکیێ و ئەمریکایێ ل سه‌ر سه‌رۆک بارزانی ژ بۆ دژاتیکرنا پارتیا کارکه‌رێن کوردستانێ (پکک) ئاشکه‌را دکه.
ل گۆر به‌لگه‌نامه‌یه‌کا مالپه‌را فه‌رمی یا ویكیلیكس، ئه‌حمه‌د داڤودۆگلو سه‌رۆکوه‌زیرێ به‌رێ یێ ترکیێ ئاشکه‌را دکه کو ئەمریکا و ترکیێ گه‌له‌ک فشار و گڤاشتن ل سه‌ر سه‌رۆک بارزانی کریه داکو ژ بۆنا لێدان و ژناڤبرنا پککێ ئالیکاریا وان بکه، لێ سه‌رۆک بارزانی ئه‌و داخوازا ئەمریکا و تورکیه‌یێ قه‌بوول نه‌کر و ئاماده نه‌بوو د ڤی واری دا ئالیکاریا ترکیێ بکه.
داڤودۆگلو هه‌روه‌سا دبێژه کو وان دکاری هه‌ولێرێ تێکبشکینن، لێ وا ەو یەك نەكر و تێكەلیێن خوە یێن ئابۆری ب ھەولێرێ رە پێش خستن.
ل گۆر مالپه‌را ویكیلیكس، سه‌رۆکوه‌زیرێ به‌رێ یێ تركیێ داڤودۆگلو به‌حسا هه‌ولێن ئەنقه‌ره دکه کو ژ بۆ لێدانا پککێ بارزانی ڕازی بکه و دبێژه: 4 سالا به‌ریا نها کو، گۆتنێن ئه‌حمەد داڤودۆگلو ڤه‌دگه‌رن بو سالا 2010 ێ، ترکیێ په‌یمان ب ئەمریکا دابوو کو ئه‌گه‌ر هه‌ولێرێ رازی بكە كو ژ بۆ لێدانا پککێ ئالیکاریا ترکیێ بکه، تركیا دێ 10به‌رامبه‌ر زێده‌تر هه‌ڤکاریا هه‌ولێرێ بکه، لێ بارزانی ڕازی نه‌بوو.
مالپه‌را ویكیلیكس دبێژه کو ئه‌حمه‌د داڤودۆگلو ئه‌ڤ گۆتن د جڤێنه‌کا دگه‌ل به‌رپرسێن سه‌فاره‌تخانه‌یا ئه‌مریکا ل ترکیێ کرنه و د وێ جڤینێ دا داڤودۆگلو گۆتیه: پارلامه‌نتۆیا ترکیێ داخواز ژ وان کربوو کو ئێریشکا له‌شکه‌ری ببن سه‌ر احکومه‌تا هه‌رێما کوردتانێ، مه ژی دکاری هه‌ولێرێ تێکبشکینن، لێ مه ئه‌و یه‌ک نه‌کر. ل شوونا وێ یه‌کێ مه تێکه‌لیێن خوه یێن ئابۆری دگه‌ل حکومه‌تا هه‌رێما کوردستانێ پێش خستن.
داڤودۆگلو داخواز ژ ئەمریکا کریه کو ئه‌و ژ هه‌رێما کوردستانێ ڕه بێژن کو ئالیکاریا ترکیێ بکن ژ به‌ر کو هه‌ولێر ب یا ئەمرێکایێ دکه، ل هه‌مبه‌ر ڤێ یه‌کێ به‌رپرسێن بالایێن ئەمریکایێ سۆزا هاڤکه‌ریێ ژ ترکیێ دایه کو ب ڕێیا حکومه‌تا ئیراقێ و حکومه‌تا هه‌رێما کوردستانێ دکارن کار بکن و د ناڤا دو سالان دا پککێ لاواز بکن، لێ به‌لێ بارزانی ب چ ئاوایان ڕازی نه‌بوو ل دژی پککێ چه‌ک و هێزێ بکار بینه.
