وەکهەڤییا پۆتین و ئەردۆگان
نەوزاد بەرواری
کریار و هزرێن سەرۆکێ رووسیایێ ڤلادیمێر پۆتین و سەرۆکێ ترکیێ رەجەب تەیب ئەردوگان د گەلە وار و ئاریشەیان دا وەکهەڤن. لەوما د چاڤپێکەتنەکا رۆژنامەڤانی دا، رۆژنامەڤان ژ پۆتین پرسیار دکەت: سەرکردێن حەتا نوها تە دیتین و دانوستاندن دگەل کری، کی ژ هەمیان ب دلێ تە بویە؟ پۆتین د بەرسڤێ دا دبێژە: ئەردوگان، چونکی ئاخفتنا وی یا زەلامایە و تشتێ وی گوت ژی دکەت.
هەروەسا ئەردوگان ژی دچاڤپێکەتنەکا خوە دا دبێژیت: ” ئەز و پۆتین بئەزمونترین سەرۆککومارێن دنیایێ نە، چونکی ژ مێژەیە ئەم هەر دو سەرۆککومارین.”
دکتاتۆر تم و تم دگەهنە ئێک، هەر ژ دەمێ پۆتین هاتیە سەر دەسهەلاتێ حەتا نوها ب چەندان هێرشێن داگیرکاری یێن کرینە سەر جیرانێن خوە. ئاخا وان یا داگیر کری، وەک نمونە، هێرشا رووسیایێ بۆ سەر گۆرجستانێ دسالا ٢٠٨٨ ێ دا ب هێجەتا رزگارکرنا ئەبخاز و ئەسێتیا ژ بن دەستێ گۆرجستانێ، بەس د کرداردا ئەڤ دو کومارێن ئۆتۆنۆمی ل سەر ئاخا رووسیایێ زێدەکرن. هەروەسا، رووسیا هەرتم گەفان ل ولاتێ مولداڤیایێ دکەت ژ بەر دەڤەرا ئۆتوۆنۆمیا ترانس نیستێین کو پۆتین دخوازیت وێ دەڤەرێ ژی ب سەر ئاخا رووسیایێ ڤە بەردە.
سالا ٢٠١٤ێ دا د هێرشەکێ دا، بێی کو ئوکراینا بەرگریێ بکەت، رووسیایێ گراڤا کریم هەمی گرت، ب ڤێ ژی رانەوەستا د سالا ٢٠٢٢ێ دا دەڤەرا لوگانسک، دەنێتسک، خرسون و رووبەرەکێ مەزنێ ئاخا ئوکراینا کو پرانی رووسن، ب هێجەتا رزگارکرنا رووسێن دەڤەرێ ژ فاشیزمێ، گرتن.
شەرێ چیچێنیا ژی ب وێرانکرن و کوشتنا دەهان هزاران ژ ژن و زارۆکێن چیچێنیا دوماهیک پێ ئینا و کادیروڤ کرە سەروککومار….
پۆتین هەردەم هەول ددەت ئاخا رووسیایێ زێدەبکەت و خەونا ئیمپراتۆریا رووسی ساخ کەتەڤە.
هەکە ئەم بەرێ خوە بدەینە ئەردۆگان، خەونا وی ژی ساخکرنا ئیمپراتۆریا ئوسمانی برەنگەکێ دی وەک چاوا ئێکی نەساخیا دەرونی هەبیت و هەر روژ خوە ل ئێکی بدەت، ئەردۆگان ژی وەلێهاتیە. ژ بۆ گەهەشتنا خەونا خوە هەمی رێک و ئامرازان بکار دئینیت. تایبەتی دینێ ئسلامێ وەک ئامرازەک بکار دئنیت و پترین حزبێن ئیسلامی یێن کوردستانێ یێن کرینە گوهدار و کرێگرتیێن خوە.
چو جیران نەماینە ترکیا کێشە دگەل نەبن. ب ئاشکرا وەکی دەولەت ئاخا ئیراق، سوریا، لیبیا و تونس یا داگیر کری و روژانە گەفا ل یونانێ دکەت، بەس ژ بەر بەرژەوەندی و جیوپۆلیتیکا ترکیا، کومەلگەها ناڤدەولەتی بێدەنگە. بێ گومان ئەردۆگان ژی یاریەکا گەلەک زیرەکانە دکەت و مەرجێت چاوە دڤێت حەتا نوها یا بدەست ئینای.
چو وەلاتان ژ ترکیێ و رووسیایێ دڤان ١٥سالێن دیماهیێ دا هند شەرێ جیرانێن خوە نەکریە،
