پارتیا نوو بالانسا سیاسی دگۆھەرە
سەرۆكوەزیرێ بەرێ بەرێ یێ تركیێ خوە ئامادە دكە كو پارتیا خوە یا نوو ب فەرمی دابمەزرینە و ژ رایا گشتی را راگەھینە. د ده‌ربارێ پارتیا نوو کو دێ ژ ئالیێ ئەحمه‌د داڤوتۆگلو، سەرۆكوەزیرێ بەرێ یێ تركیێ، و هه‌ڤالێن وی ڤه بێته دامه‌زراندن، گه‌له‌ک گۆتوبێژ هه‌نه و د کوالیسێن سیاسی دا گه‌له‌ک تشت تێن گۆتن. ژ به‌ری ده‌مه‌کی هاته ئیدیعا کرن کو ژ بەر ئێریشا ترکیێ یا بۆسەر سوریێ و ڕۆژهلاتێ کوردستانێ داڤوتۆگلو پارتیێ ئاڤا ناکه.
لێ ئه‌ڤ ئیدیعا ژ ئالیێ هاڤالێن داڤوتۆگلو ڤه هاته ڕه‌د کرن و وان دا خوویاکرن کوئەو لێدخەبتن كو ل سەر پرەنسیپێن گشتێن پارتیێ یه‌کرێزیێ پەیدا بكن.
نها ژی تێ ئیدیعا کرن کو دێ ئەحمه‌د داڤوتۆگلو د ڤێ مه‌هێ دا پارتیا خوه دامه‌زرینه و ل گه‌ل هنده‌ک پارله‌مه‌نته‌رێن ئاکەپێ (پارتیا دەستھلاتدار) ژی د ناڤا هه‌ڤدیتنان دا یە.
چاڤکانیه‌ک نێزکی داڤوتۆگلو دبێژه کو، پەیوه‌ندیا وان ب هنده‌ک پارله‌مه‌نته‌رێن د ناڤا ئاکەپێ دا هه‌یه. ده‌ما پارتی بھێتە دامه‌زراندن ب کێماسی ۱۲-۱۳ پارله‌مه‌نته‌ر ژ ئاکەپێ ڤەدقەتن و دکه‌ڤن ناڤا رێزێن پارتیا داڤوتۆگلو دا. گه‌له‌ک که‌س د ناڤا ئاکەپێ دا نه‌رەحه‌تن و جار جارا ڕه‌خنا دکن، ئاکەپ ژی ته‌حه‌موولا وان که‌سان ناکه و وان مه‌جبووری ڤه‌قه‌تاندنێ دکه، ئه‌و ژی دێ به‌رێ خوه بدن پارتیا نوو.
هه‌روه‌ها هه‌مان چاڤکانی ئیدیعا دکه کو، ده‌ما پارتیا داڤوتۆگلو ب ئاوایه‌ک فه‌رمی بھێتە ڕاگەهاندن، نه ته‌نێ ژ ئاکەپێ ژ پارتیێن دن ژی پارله‌مه‌نته‌ر دێ ژ پارتیێن خوه ڤەقەتن و بكەڤنە ناڤ رەفێن پارتیا نوو.
ل گۆرا هنده‌ک پسپۆرێن سیاسی د ڤێ مه‌هێ دا ب دامه‌زراندنا پارتیا نوو، بالانسا سیاسی ژی دھێتە گوهه‌رتن.
