لیستەیا ٢٧٥: مەزناتییا ئیرادە و تەحەددایان
پارتییا دەموکراتا کوردستانێ.. ئاڤاکەرا هەرێمێ و دروستکەرا کەسایەتییا کورد
نڤێسین: رمضان نصرالدین مصطفى
د درێکا خەباتا ملەتان دا و بزاڤێن رزگارىخوازى و بەرەڤ ئازادی و هەبوونێ ڤە، هندەک هێزێن سیاسی ب سەر دکەڤن و ناراوستن ل سەر پرنسیپێ نوینەراتیێ بتنێ، بەلکو بلند دبن و دبنە وژدانا نەتەوەیی و پارێزەرێ دیرۆکێ و دبنە چرایێ بەرخودانێ.
پارتییا دەموکراتا کوردستانێ نوێنەراتییا ڤێ هێزا لێڤکەر دکەت، یا کو، نە ب تنێ پاراستنا هەرێمێ کریە، بەلکو بەرەڤ ئاڤاکرنا وێ و دروستکرنا کەسایەتییا کورد یا بهێز و سەربخۆ ڤە چوویە. ئەگەر ئەم وژدانا خو ئارام بکەن و هندەک خالان ئاماژێ پێ بدن وەک:
ئێک: دەرگەهێ ئاسایشێ. رۆلێ پارتییا دەموکراتا کوردستانێ د پاراستنا قەوارێ هەرێما کوردستانێ دا
هەبوونا هەرێما کوردستانێ وەکو قەوارەک دەستووری، نە تەنێ رێککەفتەک دیرۆکی یە، بەلکو ئەنجامێ خەباتەک تژی ژ ئازار و قوربانیدانێ یە کو، پەدەکێ
ب درێژاهیا دەهان سالان، د دژوارترین و مەترسیدارترین دەمان دا، خەبات ژ بوونا وێ کریە. پارتی دەلیڤەیا ئارامیێ و پاراستنا قەوارێ هەرێمێ پاراستى بوو د بەرامبەر دوژمنان دا:
• پاراستنا دەستووری و ناسنامەیا گەلێ کورد: پارتی ب رون و ئاشکەرا بەرامبەر هەموو هەولێن نەهێلانا رەوشا دەستووری یا هەرێمێ راوستیا کو گەلەک لایەنێن سیاسى لبەر بوون ئەڤێ رەوشێ لاوازبکەن یان تێک بدن، و هەردەم یا بەرهەڤ بوو ل دانوستاندنا دا بەلێ بهێز و ژیر بوو ل بەغدایێ چونکە ل بەغدایێ پیلانێن دوژمنکارى دهاتن داریشتن، لێ پارتى ب هێز و ژیرییا خوە ئەو پیلان ژنافبرن، دا کو مافێن دارایى و سیاسى یێن خەلکێ هەرێما کوردستانێ ب دەستڤە بینت.
• ژنافبرنا تەرۆریستان: رۆلێ وێ یێ سەرکردایەتیێ د بنبرکرنا تەرۆرا داعشێ و پاراستنا هێلێن بەرگریێ نە تەنێ ئۆپەراسیۆنەک سەربازى بوو، بەلکو بەلگە بوو ل سەر شیانێن بڕیاردانا چارەنڤیسساز و پاراستنا هەموو ئاخا کوردستانێ. پارتی ب مەتودا خوە یا لەشکەرى شیا هێزەکا پێشمەرگەیی بۆ کوردستانێ ئاڤابکەت هەمبەرى تەروستان و ئەو بوهایێن پارتى چاندنین بونە هوکارێ بەرخودانا پێشمەرگە یێن قارەمان.
دو: رۆلێ پارتی د ئاڤاکرنا کوردستانێ دا
ئارەزوویا پارتی نە راوستیا ل سەر ئازادکرنێ، بەلکو ژ دەرەڤی و چو بەرەڤ ڤەگۆهارتنا هەرێمێ بۆ باخچەکێ گەشەکرن و پێشکەفتنێ. باژێرێن هەرێمێ، ب تایبەت هەولێر و دهۆک، بوینە ناڤەندێن راکێش بۆ وەبەرهێنانێ و سیمبۆلێن پێشکەفتنێ، کو پێشڤەچوونەکا باش دروست کریە:
• ژێرخان و خزمەتگوزاری: ژ تۆرێن رێیان یێن نوو و پرۆژەیێن مەزن یێن ئاکنجىبوونێ هەتا وەبەرهێنانێ د کەرستێن وزە و پترۆلێ دا. پارتی سەلماند کو رێڤەبرنا کوردى شیانێن ئاڤاکرنا دەولەتەک هەڤچەرخ هەیە کو دگەل دەولەتێن دەڤەرێ هێزا بەریکانێ هەیە. لێ مخابن بەردەوام فشارێن مەزن ل عێراق و وەلاتێن هەرێمى هەنە بو لاوازکرنا ژێرخانا کوردستانێ.
• ئابوورێ جواروجور: پارتی هەولدا بۆ ڤەکرنا دەرگەهان ل سەر سەرمایەداریا جیهانی، بۆ شکاندنا تاکڕەوییا ئابوورى یا ل سەر پترۆلێ، و بۆ دابینکرنا دەلیڤەیێن کاری بۆ گەنجان، و جەخت کر کو وەبەرهێنان رێکا سەربەخوه‌ییا بڕیارا ئابوورییە.
سێ: رۆلێ پارتی د دروستکرنا کەسایەتییا کورد یا بهێز دا
گرنگترین دەستکەفت کو ب ئاڤاکرنا فیزیکى ناهێتە پێڤان، دەستکەفتێ ئاڤاکرنا مرۆڤێ کوردە، ئەو کەسایەتییا کو رژێما دیکتاتۆر دڤیا بتنێ گوهدار و شکەستى بیت. پارتی کار کر ل سەر ڤەژاندنا بنەمایێن قایم د کەسایەتییا کورد یا هەڤچەرخ دا:
• سەروەرییا نیشتیمانى و شانازی ب خوە: پارتی هەستێ شانازیێ ب ناسنامەیا کوردى قایم کر، و رێز و قەدرێ نەتەوەیی کرە پرەنسیپەک و مساومە ل سەر ناهێتەکرن، دا کو هەموو کەسەکێ ل هەرێمێ ببت بالیۆزێ دۆزا خوە.
• گیانێ لێبۆرینێ و پێکڤەژیانێ: د بن سەرکردایەتییا پارتی دا، هەرێم بویە نموونەیەک بۆ پێکڤەژیانێ د ناڤبەرا هەموو پێکهاتەیێن نەتەوەیی و ئایینی دا. ڤێ لێبۆرینێ ژ هێزێ چێبوویە نە ژ لاوازیێ، و بەلگە ل سەر پێگەهشتنا کەسایەتییا کوردییە یا کو رەتکرنا تووندیێ و قەبوولکرنا بنەمایێ رێزگرتنا یێ بەرامبەر دکەت.
• پشتەڤانیکرنا نڤشێ نوو: ب رێیا پشتەڤانیکرنا خواندنێ و گەنجان، پارتی کاردکەت کو نڤشێ داهاتی ئامرازێن فیکری و شیانێن سەرکردایەتیێ هەبن دا کو بەردەوامیێ بدەنە رێکا ئاڤاکرنێ و پاراستنا دەستکەفتان، ب پاراستنا کەسایەتییەکا کورد یا بهێز، هۆشیار، و شیانێن بریاردانێ هەى.
د دوماهیێ دا، پارتییا دەموکراتا کوردستانێ نە بتنێ قەوارەک سیاسییە، بەلکو پرۆژەیەکێ نەتەوەیی یە. ئەو دیرۆکە یا کو بەرخودان و سەرکەفتنێ دا پێشرەو، ئەڤرۆیە یا کوردستانێ یە ژ ئاڤاکرنێ، و پاشەرۆژە یا کو ئەم بو کاردکەن ئەوژى دەولەتبوونە.
