پارتی و رەفەراندوم د خاندنەک دپلوماسی دا
پارتی، رەفەراندوم د خاندنەک دپلوماسی دا
گومان تێدا نینە کو پرسێن ستراتیژی مینا بابەتێ دەولەتێ، نە بابەتەک تەکتیکی کاتی یە، بەلکو دورستکرنا دەولەتێ دبە ستراتیژیەک دڤێت ئەوێن ئەڤێ سیاسەتێ پەیرەو دکن هەموو ئالاڤێن ل بەر دەستێن خوە، چ ئالاڤێن سیاسی، ئابوری، لەشکەری و یان ژی دپلوماسی بن بکن د خزمەتا وێ ستراتیژیێ دا.
بابەتێ دورستکرنا دەولەتا کوردستانێ ب رێکا رەفەراندومەک گشتی ئێکە ژ پێنکاڤێن ئاشتی یانە، لێ مخابن ل عێراقێ و ل دەڤەرێ ب گشتی ژ ئەنجامێ هەبوونا ناکوکیێن مێژویی د نافبەرا وەلاتێن دەڤەرێ دا و تایبەت ل سەر پرسا کوردی، بابەتێ رەفەراندومێ کرنە د فورمەک دی دا ئەوژی بەرەف تێکدان و هێرشکرن و سیاسەتا سەپاندنا ئابلوقێن سیاسی، لەشکەری و ئابوری دژی مللەتێ کورد هاتە پەیرەوکرن.
سەرەرای هندێ کو بەشەک ژ حزبێن کوردستانی باوەری ب رەفەراندومێ نەبوو و ژبو تێکدانا رەوشا کوردستانێ هەڤکار بوون و قوناغا راگرتن و پاراستنا قەوارێ دستوری یێ هەرێما کورستانێ کەفتە د مەترسیا ژ ناڤ چوونێ دا ، لێ بەلێ خوراگریا پێشمەرگەهێن پارتی ل پردێ و سحێلا ژلایەکێی ڤە و ژلایەکێ دیڤە هەولێن نێچیرڤان بارزانی ل سەر دەمێ کابینا هەشتێ یێن دپلوماسی چ ل بەغدا یان فرنسا و نافەندێن ناڤدەولەتی ، هەمی ئەو مەترسی و گەفێن تێکدانا قەوارێ هەرێما کوردستانێ ژناف برن.
ئەو ئارمانجێن گەنی، چ یێن نافخویا کوردستانێ یان ل دەرڤەیێ کوردستانێ هاتینە داریشتن، هاتنە ژنافبرن و قوناغا کوردستانەک بهێز دەست پێ کر، بو هەمی ئەندامێن پارتی هەیە شانازیێ ب پارتیبوونا خو بکن. راستە ل سەر ئاستێ سیاسەتا نافخوە مە گەلەک کێموکاسی هەنە بەلێ سیاسەتا مان و پاراستنا قەوارێ هەرێمێ و بهێزکرنا وێ لسەر دەستێ سەروک و پێشمەرگەهێن پارتی و هەڤپەیمانێن وێ بوینە..
دیسان مە ب هێزا نەرم دەستکەفتێن مەزنتر بدەست ڤەئینان ل ئێکەم هەلبژارتنێن پشتی ١٦ ئۆکتوبەرێ پارتی ئێکەم حزب بوو ل سەر ئاستێ عێراقێ و ل هەلبژارتنێن کوردستانێ ژی پارتی بێ رکابەر بوو، ئەڤ چەندە ژی پەیامەک رون و ئاشکەرا بوو بو چڤاکێ ناڤدەولەتی، کو هێزا رەفەراندومێ هێزەکا زیندی یە ودێ گەشێ ژی بکە.
ل دوماهیکا ڤێ گوتارێ ئەو دەرئەنجامێ ئەم گەهشتینێ ئەوە کو هەموو دەمەک ب هێزا زڤر تو نکاری ئارمانجێن خو بدەست ڤەبینی بەلکو هێزا نەرم کو سیاسەت و دپلوماسیەتا حەکیمانەیە تو دکاری ب ئەنجامێن باشتر و قوربانیێن کێمتر بدەست ڤە بینی، خالا دیژی ناڤمالا کوردی پشتی ١٦ ئۆکتوبەرێ کەفت بوو بن گومانێ و پێدڤی ب رێکخستنەک نەتەوەیی هەیە….
پارتیبوون شانازیەک مەزنە، ١٦ ێ تەباخێ ل جەنابێ سەرۆک بارزانی، تەڤایا کوردستانیان، خێزانێن شەهیدێن سەربلند و پێشمەرگێ قارەمان پیروز بە.
رەمەزان نصرالدین کێڤلی
2019.08.16
