پارله‌مه‌نته‌رێ (هەدەپە) یێ دیاربه‌کرێ، موسا فارسۆگوڵار، د ده‌ربارێ ئێریشا ترکیێ ل سه‌ر مه‌خموورێ داخوویانیه‌ک دا. فارسۆگوڵار د داخوویانیا خوه ده ئێریشا ترکیێ شه‌رمه‌زار دکه . لێ ل ئالیه‌ک دن ڤه هه‌م پارتیا دەموكراتا كوردستانێ (پدک) ێ ب هه‌ڤکاریا ترکیا تاوانبار دکه و هه‌م ژی دبێژه بلا پدک ل همبه‌ر ڤێ ئێریشێ ده‌نگێ خوه ده‌رێخه.
نایێ زانین کو ئارمانجا فارسۆگوڵار چیه؟ گه‌لۆ دخوازه ترکیی شه‌رمه‌زار بکه یان پدک تاوانبار بکه؟ ئه‌ڤ سیاسه‌تا دوو روویی هێدی فه‌یدا ناکه.
ترکیێ ئێریش بریه سه‌ر مه‌خموور، وه‌ک هه‌ر کورده‌کی و هه‌ر مرۆڤپه‌روه‌ره‌کی ئه‌ڤ ئێریش دڤێ بێ شه‌رمه‌زارکرن. لێ پارله‌مه‌نته‌رێ (هەدەپە) ب ده‌ڤێ پ ک ک ێ دئاخڤه و ئێریشێ دبه سه‌ر هنه‌ک ئالیێن کوردا.
پارله‌مه‌نته‌رێ هدپێ دبێژه: گه‌لێ مه زێده‌تری 24 ساله ل سه‌ر ئاخا خوه کۆچبه‌ره و ب سالانه ڕاستی زه‌ختێن ترکیێ و پدک ێ هاتنه. گه‌لێ مه د دیرۆکا خوه یا کۆچبه‌ریێ ده 8 وارگه‌ھ ژ به‌ر زلمێ گوهه‌رتن و مه‌خموور وارگه‌ها 9 ێ یە. ل وارگه‌ها مه‌خموورێ ژی گه‌ل ژ زه‌ختێن ترکیێ و پدک ێ خه‌لاس نه‌بوون و هه‌رده‌م مه‌خموور ژ بۆ خوه کرن هه‌ده‌ف. هێژایی گۆتنێ یه کو وارگه‌ها مه‌خموور د سالا 1998 ێ وەرە دبن کۆنترۆلا نه‌ته‌وه‌یێن یه‌کبویی دایه و نه‌ته‌وه‌یێن یه‌کبویی كامپا موخموورێ دپارێزە و ئیدارە دكە. لێ تەڤی کو ئەو كامپ دبن کۆنترۆلا نه‌ته‌وه‌یێن یه‌کبویی دایە ژی گه‌له‌ک جاران ئەو كامپ ھاتیە بۆمبەباران ركرن،
فارسۆگوڵار ب مه‌ژیێ خوه یێ ل دژی کوردستانێ، مه‌خموور خاکا ئیراقێ ب ناڤ دکه و دبێژه: ترکیا ب کیلۆمه‌تره‌یان ئاخا عیراقێ ده‌رباس دکه و ل كامپا مه‌خموورێ دخه. سالا بۆری ژی د 6 ێ ڤێ مه‌هێ ده ئێریشه‌ک پێک هات و د ڤێ ئێریشێ ده ژی 5وه‌لاتیێن مه كوشتن. بێده‌نگیا ل هه‌مبه‌ری ڤێ ئێریشێ جه‌ساره‌ت دا ترکیێ. ئه‌ڤ ئێریشا ل دژی مه‌خموورێ ب هه‌ڤکاریه‌کا قرێژ پێک هاتیه. كامپ دبن کۆنترۆلا نه‌ته‌وه‌یێن یه‌کبویی دایه.
هێژایی گۆتنێ یه کو ئه‌وله‌هیا هه‌رێمێ ژی د بن کۆنترۆلا عیراقێ و پێشمه‌رگەیێن هه‌رێما فه‌ده‌رال ئا کوردستانێ دا یه. بێده‌نگیا نی، حکومه‌تا باشور و عیراقێ مه دخه ناڤا فکاران. دڤێ ده‌ملده‌ست نی، حکومه‌تا باشور و عیراق ب ئه‌رکا خوه ڕابن.
پارله‌مه‌نته‌رێ هدپێ یان هاژ ژ بوویه‌را نینە یان ژی گه‌له‌کێ نه‌زانه هه‌تا ڤان گۆتنان دبێژه. هێدی ئه‌و پرۆپاگاندا بوویه ژ عه‌ده‌تێ زکێ خه‌لکێ تێر کریه. ژ خوه داخوویانیا ڤی پارله‌مه‌نته‌ری ب شانسیه‌ک مه‌زنه. کاخزه‌ک دانینه به‌ر وی و ئه‌و دئاخڤه، نزانه چ دبێژه.
گه‌لۆ ئارمه‌نجا هدپێ ده‌وله‌تا ترکه یان پدک یه؟ فارسۆگوڵار د ڤێ ئاخاڤتنا خوه ده دبێژه: دڤێ هه‌رێما فه‌ده‌رال یا باشورێ کوردستانێ داوی ل بێده‌نگیا خوه بینه و خوه‌دی ل نرخێ نه‌ته‌وه‌یی ده‌ربکه‌ڤه. بێده‌نگیا باشور مه دخه ناڤا فکاران، گه‌لۆ چما ل دژی ئێریشێن ل سه‌ر کوردان بێده‌نگن؟ بێده‌نگیا ل دژی ڤێ کۆمکوژیێ هه‌ڤکاریا کۆمکوژیێ یه. دڤێ به‌ری هه‌ر تشی پدک و ڕایه‌دارێن حکومه‌تێ به‌رته‌ک نیشانی ڤێ کۆمکوژیێ بده و ل هه‌مبه‌ری ئێریشان ڕابه.” ب ڕاستی گه‌له‌ک بالکێشه کو ئه‌ڤ جامێر به‌حسا نرخێن نه‌ته‌وی دکه. گه‌لۆ ئه‌و دزانه نرخێن نه‌ته‌وی چنه و تێ چ واته‌یێ؟
گۆتنێن ب مه‌خسه‌د و نه د ڕییا خوه ده چ فه‌یده‌یێ ناده که‌سه‌کی. نابە ب چ مه‌ژیه‌کی د ڤێ ئێریشێ ده به‌حسا پدکێ بێ کرن. گه‌لۆ پارله‌مه‌نته‌ری هدپێ ئیمام تاشچه‌ر د ده‌ربارێ داخوویانیا فارسۆگوڵار ده چ دبێژه؟ هه‌روه‌ها دیتنا ئەحمەد تورک ژی د ڤی بابه‌تێ ده جهێ مه‌ره‌قێ یه؟
