
کهریم شنگالی کادرۆیهک و سهرکردهیهک ژیر، ژێهاتی و سهرکهفتی یێ پەدەکێ و ڕێبازا بارزانی بوو. کهریم د دهما پێشمهرگهیهتییێ دا ل سهرێ چیایێن کوردستانێ فهرمهندارهک سهرهکی و چالاک بوو. ههروهها د ههمان دهمێ دا، پشتی سهرهلدانا ۱۹۹۱ێ ژی د کارێن سیاسی و دپلۆماتیک دا کهسایهتهک سهرهکه فتی و ژێهاتی بوو. شنگالی د پاراستنا ئهولههیا کوردستانێ دا ئهندهزیارهک سهرکهفتی بوو ژ بەر کو ئەو ل چار کابینەیێن حکومەتا حەرێما کوردستانێ وەزیرێ ناڤخوە بوو). کهریم د ههموو ئاستان دا ل گۆرا قۆناخێن کو تهڤگهرا ئازادخوازا کوردستانێ تێرا دهرباس دبوو دا ڕۆلێ خوه یێ نشتمانپهروهری گهلهک ب سهرکهفتی دلهیزت و کهسایهتهک سهرکهفتی و کوردستانی بوو.
کەریم شنگالی ل ١٠ێ حزیارنا ٢٠٢٥ د ژیە ٧٥ سالی دا وەفات کر.
پرۆفایلا کهریم شنگالی
ناڤێ وی یێ تهڤاهی ئهبدولکهریم سولتان ئهبدولا یه
د سالا ۱۹٥۰ئان دا ل مووسلێ ژدایک بوویه
د سالا ۱۹۷۱ئان دا، وی باوهرنامهیا لیسانسێ د وارێ حقووقێ دا ژ کۆلێژا حقووق و سیاسهتێ یا زانینگهها بهغدایێ وهرگرتیه
ژ سالا ۱۹۷۱ئان ههتا ۱۹۷۳ئان، ل بهغدایێ وهکی پارێزهر خهبتیه
د سالا ۱۹٦۷ئان دا، ئهو تهڤلی یهکیتییا خوهندهکارێن کوردستانێ بوویه
د سالا ۱۹٦۹ئان دا، ئهو ئهندامێ کۆمیتهیا ههرێمی یا بهغدایێ یا لقێ پێنجێ یێ پارتییا دهمۆکراتا کوردستانێ بوو
د ئادارا ۱۹۷۳ئان دا، ئهو تهڤلی ڕهفێن هێزێن پێشمهرگه بوو
د نیسانا ۱۹۷٥ئان دا، ژ ئالیێ سهرۆک مهسعود بارزانی ڤه ژ بۆ ئامادهکاریا شۆرهشا گولانێ هاته تهکلیف کرن
د سالا ۱۹۷٦ئان دا، ئهو بوو ئهندامێ سهرۆکاتییا دهمکی یا پارتیا دهمۆکراتا کوردستانێ (پدک) ل کۆنفهرانسا بهرلینێ
۱۹۷۹ – ئهندامێ کۆمیتهیا ئامادهکار یا کۆنگرهیا نهههمین یا پارتییا دهمۆکراتا کوردستانێ (پدک) ل ڕۆژهلاتێ کوردستانێ
د ئادارا ۱۹۹۲ئان دا، ئهو وهکی ئهندامێ پارتییا دهمۆکرات ئا کوردستانێ بۆ کۆمیتهیا بلند یا هلبژارتنێن پهرلهمهنتۆیا کوردستانێ ژ ئالیێ بهرهیێ کوردستانێ ڤه هات دهستنیشان کرن
د سالا ۱۹۹۳ئان دا، ئهو وهکی ئهندامێ کۆمیتهیا ناڤهندی یا پارتییا دهمۆکراتا کوردستانێ (پدک) هاته هلبژارتن.
۱۹۹۳-۱۹۹٤: ڕێڤهبهرێ ئهولهکاریا گشتی یا حکومهتا ههرێما کوردستانێ
د سالا ۱۹۹۹ئان دا، ئهو ژ نووڤه وهکی ئهندامێ کۆمیتهیا ناڤهندی یا پارتییا دهمۆکراتا کوردستانێ (پدک) هاته هلبژارتن.
د کابینهیا چارهمین، پێنجهمین، شهشهمین، ههفتهمین و ههشتهمین دا وهزیرێ ناڤخوهیی یێ حکومهتا ههرێما کوردستانێ بوو
د سالا ۲۰۱۰ئان دا، ئهو وهکی ئهندامێ ئهنجومهنا سهرۆکاتیێ و پاشێ ژی مهکتهبا سیاسی یا پارتییا دهمۆکراتا کوردستانێ (پدک) هاته هلبژارتن.
پشتی دامهزراندنا کابینهیا نهههمین یا حکومهتا ههرێما کوردستانێ، ئهو بوو شێورمهندێ سهرۆکاتیا ههرێما کوردستانێ و پاشێ ژی سهرۆکێ نڤیسگهها سهرۆکێ ههرێما کوردستانێ.