د 3 سباتێ سالا 2022ێ زمانزانا کوردا ناڤدار، دۆکتۆرا زانیارییا فیلۆلۆگیێ، پرۆفێسۆر زه‌راعه‌لی یووسووپۆڤا د 88 سالییا ژییانا خوه دا وەغەرا داویێ كر.
زه‌را ئه‌لی گه‌له‌ک سالێن ژییانا خوه دییاری خه‌باتێن زانیاری-لێکۆلینه‌رییێ ل سه‌ر زاراڤێن کێم لێکۆلینکری یێن زاراڤێن کوردی کرییه، گه‌له‌ک به‌رهه‌مێن وێژه‌یی یێن بێهه‌مپا چاپ کرییه. به‌رهه‌مێن وێ که‌ده‌کا مه‌زن کرنه ناڤا کارێ به‌لاڤکرنا نڤیسێن ڕۆژانه و ڕاسته‌قین ده‌رهه‌قا چاندا گه‌لێ مه دا ل ته‌ڤایا جهانێ.
زه‌را ئه‌لی یووسووپۆڤا (16ێ چله‌یا پێشین سالا 1934ێ ل باژارێ تبلیسێ ژ دیا خوه‌بوویه) – کارمه‌ندا زانیاری یا سه‌ره‌که، دۆکتۆرا زمانزانییێ، پرۆفێسۆر بوو.
مالباتا وان، سالێن ڕه‌ڤ و به‌زێ ته‌ڤی ب هه‌زاران مالبا‌تێن دن یێن ئێزدی ژ بەر زۆلم و زۆداریا رۆما و ئۆلپه‌ره‌ستێن توندئاژوو ژ ھەرما خوە رەڤینە.
سالا 1953ێ زه‌رێ یووسووپۆڤا دبستانا ناڤین یا هه‌ژمارا ۸ یا باژارێ تبلیسێ ب مه‌دالیایا زێرین خلاز کر. (وه‌لاتێ سۆڤێتێ شاگرتێن کو ب پله‌یێن هه‌ره بلند داوی ب خوه‌ندنا خوه یا دبستانێ دینان، مه‌دالیا زیڤ یان یا زێر ددانه وان)
سالا 1958ێ فاکولته‌یا ڕۆژهلاتزانییێ یا زانینگه‌ها لێنینگرادێ یا ده‌وله‌تێ (پشکا زمانزانییا ئیرانی) ته‌مام کر.
د سالێن 1958– 1962 ێ ل به‌شا لێنینگرادێ یا ئینستیتوویا ڕۆهلاتزانییێ یا ئاکاده‌مییا زانیاری (به‌شا کوردزانییێ) دکتۆرا خواند. سالا 1965ێ دکتۆرا نامزادییێ ب سه‌رناڤێ «پێشپرتک و پاشپرتک د زاراڤێ کوردی یێ باشووری (سۆرانی) دا په‌وان کر.
ژ سالا 1962ێ کارمه‌ندا به‌شا لێنینگرادێ یا ئینستیتوویا ڕۆژهلاتزانییێ یا ئاکاده‌مییا زانیاری یا ڕووسییایێ یه، ژ سالا 1992ێ کارمه‌ندا زانیاری یا سه‌ره‌که یه. هه‌ما وێ سالێ تەزا خوه یا دۆکتۆرایێ ب سه‌رناڤێ «زاراڤێ کورد یێ گۆرانی گۆری کلاسیکێن وێژه‌یی یێن سه‌دسالێن 18-19ئان» په‌وان کر.
ئه‌و پرۆفێسۆرا به‌شا لێنینگرادێ یا زانینگه‌ها ده‌وله‌تێ، مامۆستایا زمانێ کوردی بوو.
ئه‌وێ زێده‌یی 70 به‌رهه‌مێن زانیاری دانه چاپکرنێ، د ناڤ وان دا شه‌ش مۆنۆگرافییا.
سەرپەرشتیا نامەیێن دكتۆرایێ یێن به‌شا لێنینگرادێ یا ئینستیتوویا ڕۆهلاتزانییێ یا ئاکاده‌مییا زانیاری و به‌شا لێنینگرادێ یا زانینگه‌ها ده‌وله‌تێ کرییه.
لێکۆلینێن وێ یێن سه‌ره‌که: زاراڤێن زمانێ کوردی یێن کێم لێکۆلینکری (ئانه‌گۆری چاڤکانییێن نڤیسکی و ته‌کستێن فۆلکلۆرێ) و چاپکرنا کلاسیکێن وێژه
