پزیشك و میدیاكار جوان حەقی كۆچا داوی كر
د. جوان هه‌قی (باتوو)، ل گوندێ شێخێ ڕه‌ش، شرنه‌خێ، باکورێ کوردستانێ هاتیه دنێ. وی خوه‌ندنا خوه یا پزیشكیێ (ته‌ندوروستیێ) ل بولگارستانێ سالا ۱۹۸۷ێ ته‌مام کریه و ئه‌و د هه‌مان سالێ دا چوویە سوێدێ. وی ل سوێدێ پسپۆرییا دۆکتۆرا یا خوه ل به‌شێ پسکیاترییێ کریه.
د. جوان باتوو، سالێن ۱۹۹٦-۹۸ئان ده کۆڤارا ”رۆژباش” ده‌رخستیه.
گه‌له‌ک نڤیسێن وی د کۆڤار و ڕۆژنامه‌یێن کوردی دا ده‌رکه‌تنه. به‌رهه‌مه‌ک، لێکۆلینه‌ک، زانستی یا وی ب سوێدی د ده‌ربارێ نه‌خوه‌شیێن مه‌ژی، تایبه‌تی یێن ژبیرکرنێ (ده‌مه‌نس) هه‌یه سالا۱۹۹٤ێ.
پەرتوکا وی یا یەكەم ب کوردی، ب ناڤێ ”شووژن” سالا ۲۰۰۰ێ دا ژ ئالیێ چاپخانه‌یا کوردی، ئاپه‌ك، ل سوێدێ ده‌رکه‌تیه. ۱٦ کورته‌چیرۆکێن وه‌ک فابه‌ل د ناڤا ڤێ پەرتوكا وی شووژن دا هاتنه جڤاندن.
پەرتوكا دووه‌م، ب ناڤێ ”خه‌تا سۆر” سالا ۲۰۰۷ێ، ژ ئالیێ چاپخانه‌یا کوردی، دۆز ڤه ل سته‌نبۆلێ ده‌رکه‌تیه.
د پەرتوكا خه‌تا سۆر دا، هه‌ر دیسا ب ڕه‌نگێ فابله (وه‌ک کۆ د پەرتوكا شووژن دا)، گرانی ل سه‌ر پرسگرێکێن دانوستاندنا ناڤبه‌را ئینسانان دا (تایبه‌تی یێن کورد دا)، لێ ب شێوه‌یه‌کی پسیکۆلۆژیکی هاتیه ڕاوه‌ستاندن.
د.جوان باتوو د سەر كارێ خوە یێ سەرەكی وەكە پزیشكێ تایبەتمەند ب نەخوشیێن دەرونی، وی گرنگیەك زێدە ب كارێ رۆژنامەگەریێ و مەدیایێ ددا، ژ ۲۰۰۹ێ ڤه ئەو خوه‌دیێ ده‌ستگاهێن ڕاگەهاندنێ مه‌دیاکورد و مالپه‌را سه‌روه‌خت و سی ئێن ئێن كورد تی ڤی بو.
کوردپه‌روه‌رێ ژ دل و چالاک، د ٦٦ سالیا خوه دا د ۲٦ێ سباتا ۲۰۲۰ێ دا ل ستۆکهۆلمێ ژ به‌ر نه‌خوه‌شییا په‌نچه‌شێرێ، ژ ناڤ مه کۆچ کر.
سه‌رێ مالباتا وی و کوردستانییان ساخ بە
