سەرۆك بارزانی رۆژا 09.01.2019 ێ دگەل وەزیرێ دەرڤە یێ ئەمریكایێ میك پۆمپیۆ جڤیا و رەوشا سووریێ مژارەکە گەرم جڤینێ بوو و وەزیرێ دەرڤەیێ ئەمریکا ستراتەژیا وەلاتێ خوەیا ل سووریێ و بریارا ڤەکشاندن و کێمکرنا ھێزێن ئەمریکا ل سووریێ بەھس كر کر. د دەربارێ رەوشا سووریێ دە سەرۆک بارزانی دلگرانیا خوەیا د دەربارێ چارەنووسا گەلێ کورد ل سووریە راگھاند و داخواز کر کو گوھەرتن و پێشھاتێن نوو نەبن سەدەما وێ یەکێ کو گەلێ کورد ل سووریێ زێدەتر تووشی ئێش و ئازار و زیانێ ببە.
پشتی جڤینا دگەل وەزیرێ دەرڤە یێ ئەمریكایێ، ڕۆژا پێنچشه‌مێ 10.01.2019 ێ ل سه‌لاهەدین سه‌رۆک بارزانی پێشوازیا شاندا سه‌رکردایه‌تیا ئه‌نجومه‌نا نشتمانیا کورد ل سووریێ (ئەنەكەسە)کر.
ل هه‌ڤدیتنێ دا ڕه‌وشا سیاسی و پێشهاتێن داوی و گوهه‌رتنێن ل رۆژاڤایێ كوردستانێ و ل سوریێ دقەومن ھاتن نرخاندن و شاندا مێهڤان ب کورتی بەھسا ڕه‌وشا هه‌ڤوه‌لاتیێن کورد ل سووریێ كر و دلگرانیا خوه ل سه‌ر پاشارۆژا کوردان ل وی وه‌لاتی گەھاندە سه‌رۆک بارزانی.
شاندا سه‌رکردایه‌تیا ئه‌نجوومه‌نا نشتمانیا کورد ل سووریێ سپاسیا سه‌رۆک بارزانی كرکو هه‌رده‌م پشته‌ڤان و خه‌مخوورێ گه‌لێ کورد ل سووریێ بوویه و هه‌لوه‌ستا ڤێ داویێ یا سه‌رۆک بارزانی د ده‌ربارێ چاره‌نووسا گه‌لێ کورد ل سووریێ هه‌بوو ڤلند نرخاند، داخواز ژی کر کو سه‌رۆک بارزانی ده‌نگ و مه‌زلوومیه‌تا گه‌لێ کورد بگهینه ناڤه‌ندێن دیپلۆماسی و ناڤده‌وله‌تی سه‌رۆک بارزانی د ده‌ربارێ چەوانیا کارپێکرنا د گه‌ل پێشهاتێن نوو و پاراستنا .گه‌لێ کورد ل سووریی ڕێنمایی و شیره‌تێن پێویست ژ شاندا مێهڤان را دان
