نێچیرڤان بارزانی سەرۆکێ هەرێما کوردستانێ، د پەیامەکێ دا ن هەلکەفتا ٢٩سالیا دامەزراندنا بنگەهێ لالش، هه‌موو خوشك و برايێن خوە یێن ئێزدى پشتڕاست دكه كو دێ پشته‌ڤانیێ ژ ماف و داخازێن وان بکە.
سەرۆک نێچێرڤان بارزانی د پەیاما خوە دا دبێژە کو هندى خوشك و برايه‌كێ مە یێ ئێزدى، یێن ڕه‌ڤاندى د دەستێ دژمن دا مابە دێ ژ بۆنا رزگاركرنا وان و دياركرنا چاره‌نڤيسێ وان به‌رده‌وام بن.
تێکستا پەیاما سەرۆک نێچیرڤان بارزانی:
بيرهاتنا (29) سالييا دامه‌زراندنا بنگه‌هێ لالش يێ ڕه‌وشه‌نبيرى ل هه‌مى ئه‌ندام و كادرێن بنگه‌هى و ته‌ڤايا خوشك و برايێن ئێزدى پيرۆز دكه‌م. ب ڕێز و پێزانين ل كار و خه‌بات و چالاكى يێن بنگه‌هێ لالش دنێڕين كو هه‌رتم وه‌ك دروشما وێ دبێژيت: كانييه‌كا زه‌لاله دهوڕته د ڕووبارێ ڕه‌وشه‌نبيرييا كورديدا.
د ڤێ بيرهاتنێدا جاره‌كا دى هه‌مى خوشك و برايێن خۆ يێن ئێزدى پشتڕاست دكه‌ين كو وه‌ك هه‌رتم دێ پشته‌ڤانێن ماف و داخازێن وان بين و هه‌ر چ پێويست بيت دێ كه‌ين، هه‌روه‌سا هندى خوشك و برايه‌كێ ئێزدى، ڕه‌ڤاندى مابيت، دێ هه‌ولێن مه ژبۆ ڕزگاركرنا وان، يان دياركرنا چاره‌نڤيسێ وان به‌رده‌وام بن.
ئه‌م ب دلگرانى ل بوويه‌رێن ده‌ڤه‌را شه‌نگالێ و نه‌چاربوونا خوشك و برايێن ئێزدى دنێڕين كو جاره‌كا دى ئاواره دبن. داخازێ ژ حكوومه‌تا عيراقێ دكه‌ين ب هاريكاريێ دگه‌ل حكوومه‌تا هه‌رێما كوردستانێ هه‌مى هه‌ولا بده‌ن بۆ ئارامكرنا ڕه‌وشا شه‌نگالێ و هه‌مى ده‌ڤه‌رێن ئێزديان و ئاڤه‌دانكرنا وان و ڤه‌گه‌ڕاندنا ژيانێ و خزمه‌تگوزارييان ژبۆ وان.
هه‌ر ب ڤێ هه‌لكه‌فتنێ، سه‌رۆكێ به‌رێ يێ ده‌سته‌يا بلندا بنگه‌هێ لالش يێ ڕه‌وشه‌نبيرى خودێ ژێ زێ ڕازى شێخ شامۆ و كار و خزمه‌تا وى ب بير تينين كو به‌رى هه‌يامه‌كێ كۆچا داويێ كر. بيرهاتنا وى ب خێر و جانێ وێ شاد.
نێچيرڤان بارزانى
سه‌رۆكێ هه‌رێما كوردستانێ
2022/5/12
