ئه‌م، ل هه‌رێما کوردستانێ، ب گرنگیەک مه‌زن گه‌شه‌دانێن ل سووریێ دشۆپینن. ئه‌م بانگ ل هه‌موو ئالیان دکن کو زمانێ دیالۆگێ و چاره‌سه‌ریه‌کا ئاشتیانه یا کو، دادپەروەری و وه‌کهه‌ڤیێ ژ بۆ هه‌موو پێکهاته‌یێن سووریێ، د ناڤ دا گه‌لێ کورد، مسۆگه‌ر بکه و هه‌روه‌سا به‌شداریا وان یا چالاک د ئاڤاکرنا پاشه‌رۆژا وه‌لات دا پێک بینه.
هه‌رێما کوردستانێ، د چارچۆڤه‌یا ئیراقێ دا، پابه‌ندبوونا خوه ب پاراستنا په‌یوه‌ندیێن هه‌ڤسه‌نگ و کارکرنا ژ بۆ بهێزکرنا هه‌ڤکاریێن ناڤچه‌یی و ناڤده‌وله‌تی ژ بۆ دابینکرنا ئارامیێ ل سووریێ دووپات دکه. ئه‌م هه‌ر ناکۆکیه‌ک کو ڕه‌وشا ناڤچه‌یێ ئالۆز بکه ڕه‌د دکن و ته‌که‌زیێ ل سه‌ر پاراستنا ئه‌وله‌هی، ئارامی و به‌رژه‌وه‌ندیێن هه‌موو نه‌ته‌وه و پێکهاته‌یێن ناڤچه‌یێ دکن.
ته‌ڤی کو پێشهات ب له‌زن، ئه‌م ته‌ئکیدێ ل سه‌ر گرنگیا ڕێکخستنا هه‌ولدانێن ناڤده‌وله‌تی و هه‌رێمی دکن ژ بۆ دابینکرنا پاشه‌رۆژه‌ک ئارام ژ سووریێ ڕا. ئه‌م بانگ ل جڤاکا ناڤده‌وله‌تی و وه‌لاتێن هه‌رێمی دکن کو، ڕۆلا خوه ژ بۆ چاره‌سه‌ریا ئاشتیانه بلیزن و ئه‌م پشتگریا خوه ژ داخوازێن گه‌لێ سووریێ یێن ئاشتی و ئازادیێ ڕا دوباره دکن.
سه‌رۆکاتیا هه‌رێما کوردستانێ
٨\١٢\٢٠٢٤
