ب هەلكەفتا پیرۆزکرنا ٦۲ سالیا شۆره‌شا نه‌ته‌وی یا مه‌زن یا ئیلۆنێ ب سه‌رۆکاتیا نه‌مر بارزانی، کۆمیته‌یا ناڤچه‌یا سوێدێ یا پارتیا ده‌مۆکراتا کوردستانێ (پدک) ل باژارێ ڤه‌سته‌رۆسێ شاهیه‌ک گرسه‌یی ل دار خست و جاماوه‌ره‌کێ مه‌زن یێ پەدەکێ، کۆمه‌له و رێكخستنێن کوردستانی ژ سوێد و هه‌ر چار پارچه‌یێن کوردستان ژی تێ دا ئاماده بوون.
مه‌راسیم ب سروودا نه‌ته‌وی یا ئه‌ی ڕه‌قیب و راوەستانا خوله‌ک بێده‌نگی ژ بۆ رێزگرتن ژ جانێ پاکێ شه‌هیدێن کورد و کوردستانێ، ده‌ست پێ کر.
پشترا ل سه‌ر ناڤێ کۆمیته‌یا ناڤچه‌یا سوێدێ عیسا فه‌یلی بەرپرسێ کۆمیته‌یا ناڤچه‌یا سوێدێ خێرهاتنا هه‌موو به‌شداران کر.
گۆتارا لقێ ٦ یێ ئه‌ورووپایێ یێ پەدەكێ ژ ئالیێ برێز ئه‌نوه‌ر مه‌سفی به‌رپرسێ لقێ ٦ ڤه هات پێشکێشکرن و ب گه‌رمی پیرۆزباهی ل به‌شداران کر و ئاماژه ب رۆل، پشتگری و به‌شداریا کوردان ژ هه‌ر چار پارچه‌یێن کوردستانێ د شۆره‌شا ئیلۆنێ ب سه‌رۆکاتیا بارزانی یێ نه‌مر دا کر. گه‌له‌ک نامه‌یێن پیرۆزباهیێ یێن پارتی، کۆمه‌له و رێخستنێن هه‌ر چار پارچه‌یێن کوردستانێ د شاهیێ دا هاتن خوه‌ندن.
مه‌راسیمێ هه‌تا ده‌ره‌نگیا شه‌ڤێ ب ستران و سروودێن نه‌ته‌وی و دیلانێ ب بەشداریا هونه‌رمه‌ند حه‌سه‌ن شه‌ریف، ئەیاد حسێن و شێرزاد زاخۆیی بەردەوام كر .
