پێدڤیه كورد سیاسه‌تێ فێم بكن
سالا١٩٩٨به‌رێز عه‌بدولا ئوجلان ژ سوریایێ هاته‌ده‌ركرن، هه‌تا ده‌سپێكا سالا ١٩٩٩ ئوجەلان گەلەك هه‌ولدان كو ل یونانێ ، روسیا و ئیتالیایێ مافێ په‌نابه‌ریێ وه‌رگرە، بەس، مخابن، ژبه‌ر گه‌ف و نه‌ڕازیبونا ئه‌مریكایێ و توركیێ چ ژ ڤان ده‌وله‌تان ڕازی نه‌بون مافێ په‌نابه‌ریێ بده‌ن وی، هه‌روه‌كی خویا بو یونانێ زورتر ژ هه‌میان حه‌ز دكر ئاریشا ئوجەلان چاره سه‌ر بكە، هه‌ر وه‌سا چاخێ عه‌بدولا ئوجلان گه‌هه‌شتیە یونان، یونان وه‌رگێره‌كێ (مترجم) توركی دابو دگه‌لوی. ئەو وه‌رگێڕ دبێژە: شه‌ڤه‌كێ ئه‌م هه‌تا دره‌نگی شه‌ڤ ب هه‌ڤڕا ڕونشتین، مه گەلەك به‌حسێ دوزا كوردو دیروكا یونان و هه‌ر وه‌سا په‌یوه‌ندیێن دناڤبه‌ینا كورد و یونانیان دا كر،ژنشكا ڤە گوت بزانه كورد سیاسه‌تێ باش نزانن…..!
ئه‌ڤ په‌یڤا وی گەلەك لسه‌ر بار و دوخێت نوكه ژی تێت، ڕاستی ژی تا ڕاده‌یكی دروسته، بدرێژاییا دیروكێ كورد چ جارا نه شیایه د یاریێن سیاسی دا بسلامه‌تی ژێ ده‌ر كه‌ڤە تم شكه‌ستن و وێرانی پارا كوردا بویه. چ جارا ژی نه‌شیایه وانه‌كێ ژ سه‌ربورێن خوه وه‌ر گرە، تم و تم خشیمی و بێهێزیا كه‌سایه‌تیێ پێڤه دیاره ، دژمنی ژ هه‌ست ب ڤێ چه‌ندێ كریە، چاڤێ مه هه‌رێ ل ده‌ستێ بیانیا و ئه‌مریكا، هه‌ر چه‌نده ئه‌مریكا ب ئاشكرا دبێژە: حەتا وی چاخی به‌رژه‌وه‌ندیامه دگه‌ل وه بە، ئه‌م دگه‌ل وه‌ینه و به‌رژه‌وه‌ندێن مه دگه‌ل وه نه‌مان ئه‌مژی ل گه‌ل وه نامینن. به‌س كورد بشێوه‌یەكی گشتی نه‌ڤێت خو تێ بگه‌هینە.
ل ڕوژئاڤایێ كوردستانێ، ژده‌ستپێكا په‌یدابونا داعشێ و هێرشا هوڤانه‌یا وان بو سه‌رناوچێن كوردی و تایبه‌ت كوردا و یەكینەیێن پاراستنا گەل (یەپەگە) ده‌وره‌كێ جوان و قه‌هره‌مانانه هه‌بو د به‌رخودانێ و دژی داعش ناڤ و ده‌نگێن خو دان و ب هاریكاریا پێشمه‌رگێ قه‌هرمانێ باشوور و هاوپه‌یمانیا ناڤده‌وله‌تیا دژی داعش، هێرشێن داعش هاتنه تێك شكاندن.
لڤێرە شاشیا یەكینەیێن پاراستنا گەل (یەپەگە) ده‌ست پێ كر، خوه كره هێزه‌كا له‌شكری یا شه‌ركه‌ر ژبو ئازادكرنا ناوچه‌ێن عه‌ره‌ب نشین. شاشیه‌كا هه‌ره مه‌زن بوو، وی عه‌ره‌بی نه منه‌ت بته هه‌یه نه حسابه‌كێ بو ته دكه و هاوپه‌یمانیا ناڤده‌وله‌تی دژی و داعش ژی هه‌ر چاخێ شه‌ڕخلاس بو به‌رژه‌وه‌ندیا وان ژی خلاس دبە وكورد بتنێ دمینن دده‌ستێ دژمنێ هوڤ دا.
ل سوریایێ هه‌ر ڕژیمه‌ك بێته سه‌ر حوكمی دان ب وان كانتونێن (یەپەگە) داناینە نائینە. ئه‌ڤه تشته‌ك خیالیه، نه ئه‌مریكا قه‌بول دكه نه سوریا و نه هێزێن دی یێن سوری، ئه‌ڤ تشته ژ گوتن و كردارێن وان دیاره. گەلەك جارا ئه‌مریكا گوتیه: هه‌ر چاخێ به‌رژه‌وه‌ندیامه ل سوریا نه‌ما، ئه‌م دێ ژ سوریایێ ده‌ركەڤن، د داگیركرنا عه‌فرینێ دا هه‌كه ئه‌مریكا ڤیابا دشیا فشاره‌كا ناڤده‌وله‌تی یا بهێز دژی توركیا چێكه كو توركیا نه‌شیابایا عه‌فرینێ داگیر بكە، به‌س نه‌كر ژبه‌ر كو توركیا ژ بو ئه‌مریكا پڕ گرنگتره، ئه‌نداما ناتویه و به‌رژه‌وه‌ندیێن وان دگه‌ل توركیادا زورتره هه‌تا دگەل كوردا.
(یەپەگە) ل سه‌ر بیروباوەریێن عبدولله ئوجلان دچە وپێویست بو ئه‌ڤ یەك بزانیبایه كو هه‌كه ئه‌مریكا هاریكاریا توركیا نه‌كربایه چ جارا تورك نه‌دشیان عبدولله ئوجلان بگرن، ئه‌و چاخێ ئوجلان ل یونان بو به‌رپرسێ گشتیێ ئاسایشا ئیسرائیل ل ئه‌نقره بو. ل نایروبی پایته‌ختێ كێنیا كو تێته گرتن حكومه‌تا كێنیا د بێژته سه‌فیرێ یونان جورجوس كوستولاس: ده‌سته‌كێ مه‌زن ل پشت ڤێ پلانێ یه‌مه چ پێ چێ نابیت!!! باشه بو ئه‌مریكا بو عه‌فرینێ ئه‌و تشت نه‌كر؟ ئه‌م دبینن د وێ پیلانا دژی ئوجلانی ئه‌مریكا ده‌ستێ هه‌ره مه‌زن هه‌بویه ، باشه مانێ ئه‌مریكا هه‌ر ئه‌و ئه‌مریكایه كو لدیڤ به‌رژه‌وه‌ندیێنخو دگه‌ڕیت، شاشیا هه‌ره مه‌زنا یا یەپەگێ كری نه‌كاری یاریا سیاسی ل عه‌فرینێ بكه‌ت، ئەو دكارین ل گه‌ل ڕوسیا و سوریێ پێك وەرن و ئه‌و هێجه‌ته نه‌دابایا توركیا هێرشێ بكه‌ت سه‌ر عفرین و داگیر بكه‌ت.
(یەپەگە) باش دزانی توركیا یا لهێجه‌تا دگه‌رهیت هێرشێ بكه‌ت، و هاوار دكر دێ عه‌فرینێ گرین و ده‌ینه خودانێت وان یێن ڕه‌سه‌ن ئو وه‌كر ژی عه‌فرین داگیر كر و هزاران شه‌هید ژ كوردا كه‌تن ، ڕوژانه ئه‌و تورك وعه‌ره‌ب یێن ئیسلامی سه‌ر ب توركیا ڤه ده‌ست درێژیا سكسی دكه‌نه سه‌ر كچ و ژنێن كوردا، باشه ئه‌ڤه چ ماڵ وێرانی بو هه‌وه بسه‌رێ كوردێن عه‌فرین ئینای. عه‌فرین ئێدی چو و جارەكا دی نا زڤڕیته ڤه بوكوردا ، دێ هێته پار ڤه‌كرن ل سه‌ر عه‌ره‌ب و توركومانا، ئه‌ڤه سیاسه‌تا كه‌ڤنا عوسمانیایه. چاخێ ولاتێن باڵكان داگیر كرین زه‌ڤی و ماڵ و حالێ وان ل سه‌ر سه‌ربازێن خوپارڤه كرن. ڤی كاری نوكه ل عه‌فرینێ ژیدكه‌ن، عه‌فرینێ لسه‌ر عه‌ره‌بێن مسلمان جەبهه‌ت نسره و توركمانا پار ڤه‌دكه‌ن. باشه كه‌نگی دێ وانه‌كێ/تجروبه‌یەكێ ژ مێژویێ وه‌رگرن، باشه منبچ، ره‌قا، دێره‌زور چ په‌یوه‌ندی ب رۆژئاڤایێ كوردستانێ ڤە ھەیە، حه‌تا كه‌نگی دێ خوینا كوردی ژ بو دژمنی ڕێژی و كچ و كوڕێن ولاتێ مە ده‌یه شه‌هید كرن.
نەوزاد بەرواری
16.12.2018
