میک پۆمپیۆ د جڤینا دگه‌ل نێچیرڤان بارزانی دا به‌هسا ڤه‌کشانا هێزێن ئەمریکایێ ژ سوریێ کر و ل گۆر هنده‌ک زانیارێن گه‌هشته‌نه مالپه‌را مه، به‌رگه‌ھ، به‌هسا وێ یه‌کێ هاتیه کرن کو پێشمه‌رگێ ڕۆژ ده‌رباسی ڕۆژاڤایێ کوردستانێ ببه و جھێ له‌شکه‌رێ ئەمریکایێ بگرە و ئەڤ پرس دگەل دەولەتێن پەیوەندیدار بھێت بەھس كرن.
وه‌زیرێ ده‌رڤه یێ ئەمریکایێ میك پۆمپیۆ ب سه‌رۆکاتیا شانده‌یه‌که بالا سه‌ردانا باشوورێ کوردستانێ کر و ڕۆژا چارشه‌مێ 09.01.2019 ێ ل باژارێ هه‌ولێرێ، ژ ئالیێ نێچیرڤان بارزانی سه‌رۆکوه‌زیرێ کوردستانێ ڤه هاتن پێشوازی کرن و د جڤینه‌کێ ده چه‌ند مژارێن گرنگ و گەرم د ڕۆژه‌ڤا کوردستان، ئیراقێ و هه‌رێمی ده گۆتووبێژ کرن.
یه‌ک ژ وان مژارێن گرنگ ڕه‌وشا ڕۆژاڤایێ کوردستانێ بوو، ب تیابه‌تی پشتی ئەمریکا له‌شکه‌رێ خوه ژ وێ هه‌رێمێ ڤه‌کشینه. د جڤینێ ده هاتیه به‌هس کرن کو دگه‌ل ده‌ولەتێن جیران بێ به‌هس کرن و پێشمه‌رگێ ڕۆژ ده‌رباسی ڕۆژاڤا ببه و ل وان ده‌ڤه‌رێن له‌شکه‌رێ ئەمریکا ژێ ڤه‌دکشه ب جھ ببن.
د جڤینێ ده، پۆمپیۆ کێفخوه‌شیا خوه ل هه‌مبه‌ر یه‌که‌مین سه‌ردانا خوه یا ژ بۆ هه‌رێما کوردستان و ده‌ڤه‌رێ نیشان دا و به‌هسا ڕه‌وشا هه‌رێمی ب گشتی، پێشهاتێن ڕۆژهلاتا ناڤین و مه‌ترسیێن سه‌رهلدانا ته‌رۆرێ و کارێن هه‌ڤبه‌ش ژ بۆ بنبرکرنا ته‌رۆرێ کر.
نێچیرڤان بارزانی گۆت کو، هه‌رێما کوردستانێ تێکه‌لیێن دۆستانه دگه‌ل ئەمریکایێ هه‌نه و گه‌له‌ک کارێن هه‌ڤبه‌ش دگه‌ل هه‌ڤپه‌یمامان ئه‌نجام دانه و به‌رده‌وامیا کارێن هه‌ڤه‌بش یێن ژ بۆنا ڕێگرتنێ ل پێشیا جاره‌که دن ته‌رۆر سه‌ری هلده ب پێویستی زانی. نێچیرڤان بارزانی ژ وه‌زیرێ ده‌رڤه یێ ئەمریکایێ ڕه گۆت کو، هه‌رێما کوردستانێ پشته‌ڤانیا کابینه‌یا حکومه‌تا عادل عه‌بدولمه‌هدی سه‌رۆکوه‌زیرێ ئیراقێ دکه و ژ بۆنا سه‌رخستنا وێ حکومه‌تێ کار دکە. بارزانی دیار کر کو د ناڤبه‌را هه‌ولێر و به‌غدایێ ده دیالۆگه‌ک ئه‌رێنی هه‌یه، هه‌ر چقاس ژبۆنا چاره‌سه‌رکرنا هنده‌ک پرسگرێکان پێویستی ب وه‌خته‌ک زێده‌تر هه‌یه، لێ ژ بۆنا ده‌ستپێکرنا دیالۆگا جدی ئاقاره‌ک خوه‌ش هاتیه .ئافراندن و د ڤی واریده گرنگه وه‌لاتێن دۆست و ب تایبه‌تی ئەمریکا هه‌ڤکاریێ بکه
