د بهردهوامیا ههڤدیتنێن خوه یێن د کۆنفهرانسا ئاساییشا میونشنێ ده، ئێڤارا رۆژا ئینێ (١٣\٢\٢٠٢٦) نێچیرڤان بارزانی سهرۆکێ ههرێما کوردستانێ دگهل ئهمانوێل ماکرۆن، سهرۆکێ فرانسایێ، جڤیا.
د جڤینێ دا، هەر دو سەرۆکان پێشهاتێن داوی یێن سیاسی و ئهولههی یێن ههرێمێ و ڕهوشا سووریێ گۆتووبێژکرن و ههردو ئالیان تهکهز ل سهر پاراستنا مافێن کوردان د دهستوورا پاشهرۆژێ یا سووریا یهکگرتی دا کرن.
سهرۆک نێچیرڤان بارزانی ل سەر ناڤێ خوە و ناڤێ ههرێما کوردستانێ ژ بۆ دۆستانی و پشتگریا بەردەوام یا فرانسایێ و پاراستنا مافێن دهستووری یێن گهلێ کوردستانێ سپاسیا ماکرۆن و گەلێ فرانسایێ کر. ههروها، ههردو ئالی ل سهر گرنگیا ههماههنگیا ناڤنهتهوهیی ژ بۆ پاراستنا ئارامیا ههرێمی و جیهانی ههڤهزربوون.
