نڤیسار

پێلێن پەنابەریێ و مەترسی و رێگریێن وێ

كاروان كێستەیی

پێلێن پەنابەریێ ل دور جیهانێ و مەترسی و رێگریێن وێ ل سەر ئاڤابوونا وەلاتان

 ل دەستپێکێ ئەگەر پێناسەکێ بدەینە پەنابەریێ، پەنابەری ئەو کریارە   دەمێ کومەکا مرۆڤان یان تەخەکا مروڤان ژبەر ئەگەرێن سیاسی، ئابوری، جڤاکی و ئاینی ژ وەلاتێ خوە قەستا وەلاتەکێ دی دکەن ب شێوەیەکی کو ب ئێك جاری یان ژی بەروەخت لێ بمینن. ئەو كۆم یان تەخا مرۆڤان دەما هندەك کێم و کاسیا د مافێن خوەدا دبینن رێکا پەنابەریێ ب چارەسەری بو ژیانا خوە دبینن و خوە ل چانسەکێ دی یێ ژیانێ تاقی دکەن و ب رێکێن نەیاسایی سنورەکی یان پتر ژسنورەکی دبرن كو ئەڤەژی دبیتە ئەگەرێ مەترسیێ ل سەر ژیانا وان.

ئەگەر لێنێرینەکێ ل پەنابەریێ بکەین چ مێژوو و جهەکێ دەستنیشانکری نینە ژبەرکو هەر د کەڤن دا مروڤان ژیانا باش و خزمەتگوزاریێن باش ب مافێ خوە زانی یە، ژبەر ڤێ یەکێ ژ بۆ بدەستڤەئینانا ڤان مافان گەلەك جاران ژ جهێن خوە پەنابەر بوینە.  جاران هەبوویە خەلكی ژ ئەوروپایێ قەستا وەلاتێن ئاسیایێ کریە و پاشان بەروڤاژی. لێ ل سەدێ بیستێ، ب تایبەتی پشتی شەرێ جیهانی یێ دویێ، ئەوروپایێ یاسا و رێکارێن پەنابەریێ ئاسانتر لێکرن و خەلك ژ روژهەلاتا ناڤین و وەلاتێن ئاسیا و ئەفریقیایێ گەلەكان بەرێخودانە ئەورۆپایێ مەرەم پێ مفا دیتن ژ هێزا گەنجان ژڤان وەلاتان و دووبارە ئاڤاکرنێ ژ وێرانکاری و کاڤلبوونێ تاکو نیڤا سالێن هەشتێ  ئێخستە  د چارچوڤەکێ یاسایی دا وەکی دەرئێخستنا یاسایا (شنگن)1 ل سالا (1985) و د دیڤدا یاسایا (گەهاندنا خێزانی)2

هەروسا کوردستان وەك بەشەك ژڤێ جیهانێ یابێ بەهر نەبویە ژڤێ دیاردێ و کەفتیە بەر ڤێ پێلێ و گەلەك جارا خەلکێ وێ پەنابەر بوینە ژئەگەرێ کاودانێن جودا جودا وەكی؛ داگیرکرن و بسەرداگرتنا وەلاتێن دەوروبەر، ئەنفال و کۆچا ملیونی، هاتنا رێکخراوا تیرورستی یا داعش و سەرهلدانا قەیرانان بویە ئەگەرێ چونا خەلکی بو دەرڤەیی وەلاتی، ب تایبەتی، بۆ ئەورۆپایێ، گەلەك زیان گەهشتیە ڤی وەلاتی ب تایبەتی ژدەستدانا تەخا گەنجان و هێزا وان و کو هەردەم وەلات پێتڤی ب ڤێ تەخێ یە.  

ب دیتنا من یا فەرە رێکخراوێن مافێ مرۆڤی پێداچونەکێ ب رەوشا پەنابەران دا بکەن ژبەرکو ل هندەك وەلاتان مافێ وان ب دروستی ناهێتە دان وەکو پاراستنا وان و توشی تووندوتیژیێ دبن، هەروەسا هەروەلاتەك پێداچونێ ب ژین و ژیانا هاونشتیمانیێن خوەدا بکەن رەوشا وان باشتر لێ بکەن داکو توشی پەنابەریێ نەبن، ئەو هێزا هەیی د وەلاتێ خودا مەزێخن چونکی گەنج پاشەروژا هەر مللەتەکی ئاڤادکەت.

1- Schengen Area

2- Reunion

Back to top button